Дәрілерді жеткізу
Дәріханалар
Дәрілер
Мед. орталықтар
Дәрігерлер
Мед. қызметтер
Онлайн кеңес беру 
192 1–20 көрсетілген
clear
Бізге электрондық пошта арқылы жіберіңіз
Дәріханаларды баға бойынша іріктеу үшін “Сүзгі” түймесін, одан әрі “Бағасы бойынша, 1… бастап …” және “Таңдау” деген түймені басыңыз. Дәріханадағы ең төмен баға сіздің алдыңызда. I-teka сервисінің көмегімен үнемдеңіз!
Алматы қаласында дәрі-дәрмекті тез жеткізу керек пе? Қажетті дәрілерді “Сатып алу” түймесі бойынша кәрзеңкеге салып, “Дәріхананы таңдау” түймесін басып тапсырыс ресімдеңіз, содан соң біздің курьерлеріміз дәрі-дәрмектерді үйге немесе жұмысқа тиімді бағалармен жеткізеді. Дәрілерді жеткізудің орташа бағасы қазіргі сәтте 1500 тг. бастап 2500 тг. дейін (құны тәуліктің уақытынан және дәріхана мен жеткізу мекенжайының ара-қашықтығына байланысты).
Біздің сервис дәрілердің брондауға төлем жасап, ыңғайлы уақытта өзіңіз алып кетуге мүмкіндік береді! Тапсырысты ресімдеген кезде, “Дәріханадан алып кету” түймесін басыңыз, біз сіздің тапсырысыңызды брондап, оны алуға арналған код жібереміз. Маңызды: препараттарды дәріханадан алып кету оның бар екенін дәріхана растағаннан кейін мүмкін болады.
Сайттағы деректер үнемі жаңартылып тұрады. Дәріхананың карточкасында біз бағаның қашан жаңартылғанын көрсетеміз - 2 сағ. бұрын, кеше, 10 мин. бұрын, 5 мин. бұрын, және т.б.
Керек дәріні таппадыңыз ба? Күн сайын біз сайтқа жаңа дәріханалар мен дәріхана жүйелерінің нүктелерін қосамыз. Мысалы, бізден таба аласыздар: Gold medicine дәріханалары, Mega Pharm әлеуметтік дәріханалары, "Алмасат" дәріханалары, "Salamat" дәріханалары, ТБД (Төмен Баға Дәріханалары), Гиппократ және басқалар. Жаңартуларды бақылаңыздар!
| 💊 Дәріханаларда сатылады | 192 |
| 💊 Ең төменгі баға | 3830 тг. |
| 💊 Орташа бағасы | 6 165 тг. |
| 💊 Ең жоғары баға | 8 500 тг. |
| 💊 Көбінесе мына баға бойынша сатады | 4 950 тг. |
| Халықаралық патенттелмеген атауы | - |
| Қосымша белсенді ингредиенттер | - |
| Категория | Дерматологиялық агенттер, күйіктерді емдеу, тыртықтар |
| Дәрілік форма | гель |
| Доза | - |
| Саны | 20 гр |
| Дәріханада шығарылады |
|
Қазақстан Республикасы Денсаулық сақтау министрлігі Фармация комитеті Төрағасының 201__ жылғы «___» ___________ № _____ бұйрығымен БЕКІТІЛГЕН |
Дәрілік затты медициналық қолдану
жөніндегі нұсқаулық
Контрактубекс
Саудалық атауы
Контрактубекс
Халықаралық патенттелмеген атауы
Жоқ
Дәрілік түрі
Сыртқа қолдануға арналған 20 г гель
Құрамы
100 г гельдің құрамында
белсенді заттар: 10.00 г пияздың сұйық экстрактісі, 0.04 г натрий гепарині (125 ӘБ/мг), 1.00 г аллантоин,
қосымша заттар: сорбин қышқылы, метилпарагидроксибензоат, ксантан шайыры, полиэтиленгликоль 200, парфюмерлік май 231616, тазартылған су.
Сипаттамасы
Өзіне тән иісі бар, ашық-сарғыштан ашық-қоңыр түске дейінгі, мөлдір емес гель
Фармакотерапиялық тобы
Теріні емдеуге арналғанпрепараттар. Жаралар және ойық жараларды емдеуге арналған препараттар. Артық тыртықтануды емдеуге арналған препараттар. Артық тыртықтануды емдеуге арналған басқа препараттар.
АТХ коды D03АX
Фармакологиялық қасиеттері
Фармакокинетикасы
Гепарин 4 сағат ішінде дерманың дәнекер тіндеріне жеткілікті мөлшерде енеді. Тереңге енуін гепариннің Серае пиязы экстрактісімен және аллантоинмен біріктірілімі (трансэпидермальді гепаринизация) қамтамасыз етеді. Контрактубекс препаратын пайдаланған кезде жүйелік сіңу байқалмайды.
Фармакодинамикасы
Әсер етуі құрамындағы компонентттердің қасиеттерімен жүзеге асатын біріктірілген препарат. Фибринолитикалық, қабынуға қарсы (пиязэкстрактісі есебінен), тромбозға қарсы (гепарин есебінен) және кератолитикалық (аллантоин есебінен) әсер етеді. Жасушалық регенерацияны гиперплазиясыз стимуляциялайды. Келоидты фибробласттардың пролиферациясын тежейді.
Қолданылуы
Қолдану тәсілі және дозалары
Теріге немесе тыртық беткейіне тәулігіне бірнеше рет жағып, гель толық сіңгенге дейін жеңіл ысқылайды.
Көне тығыз тыртық кезінде түнге қарай гель жағылған окклюзиялық таңғыш қойылады. Емдеу бірнеше апта немесе ай бойы жүргізіледі.
Жаңадан болған тыртықты емдеу кезінде ультракүлгін сәулеленуден, суықтың әсер етуінен және қарқынды массаждан аулақ болу керек.
Педиатрияда қолдану
1 жастан үлкен балаларда гельді тыртық беткейіне күніне 1 немесе 2 рет қолдануға болады. Контрактубекс препаратын 1 жасқа дейінгі балаларға қолданылуы жөнінде жеткілікті деректер жоқ.Контрактубексті балаларға дәрігердің ұсынысымен ғана пайдалануға болады.
Жағымсыз әсерлері
Жиі (≥1/100, <1/10)
- қышыну, қызару, телеангиэктазия, тыртықты атрофия
Кейде(≥1/1000, <1/100)
- терінің гиперпигментациясы, терінің атрофиясы
Жиілігі белгісіз
- жағылған жердің ісінуі, ауыруы
- есекжем, бөртпе, қышынуы, қызаруы, тітіркенуі, папулалар, терінің күюі, терінің күйдіріп ашу сезімі, терінің кернелу сезімі
- жоғары сезімталдық (аллергиялық реакция)
- пустулёзді бөртпе
Жалпы алғанда, Контрактубекстің жағымдылығы, тіпті ұзақ уақыт пайдаланғанның өзінде, өте жақсы. Контрактубекспен емдеу барысында кейде туындайтын қышыну тыртықтардың тіндік қайта түзілуін айғақтайды, және әдетте емдеуді тоқтатуды қажет етпейді.
Қолдануға болмайтын жағдайлар
- препарат компоненттеріне жоғары сезімталдық
Дәрілермен өзара әрекеттесуі
Препараттың жүйелік сіңуінің болмауына байланысты, ол басқа препараттармен бірге пайдаланылуы мүмкін.
Айрықша нұсқаулар
Контрактубекс құрамында метилпарагидроксибензоат бар, ол аллергиялық реакцияны (кейіннен болуы ықтимал) туындатуы мүмкін, сондай-ақ сорбин қышқылы бар, ол жергілікті тері реакциясын (мысалы, жанаспалы дерматит) туындатуы мүмкін.
Жүктілік және лактация кезеңі
Жүктілік және бала емізу кезеңіндегі қауіп анықталмаған. Қауіптілігі зерттелмегендіктен, қолдану ұсынылмайды.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері: әсер етпейді.
Артық дозалануы
Анықталған жоқ
Шығарылу түрі және қаптамасы
20 г препараттан бұралып жабылатын пластмасса қалпақшасы және жарғақшасы бар алюминий сықпаларда. 1 сықпа қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
Құрғақ жерде, 25°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Ашқаннан кейінгі қолдану кезеңі 6 ай.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
Мерц Фарма ГмбХ және Ко.КГаА
Д- 60318,Франкфурт-на-Майне, Германия
Тел: +49-69-1503-0, факс:+49-69-1503-200, e-mail:info@merz.de
Тіркеу куәлігінің иесі
Мерц Фармасьютикалс ГмбХ, Германия
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):
Қазақстан Республикасы Алматы қаласындағы «Х.Аббе Фарма ГмбХ» Компаниясының өкілдігі (H.Abbe Pharma GmbH).
050002, Алматы қ., Жібек Жолы к-сі 64/47, 618А кеңсе
Эл. пошта: info@abbe-pharma.kz
