Арпефлю таблеткалар 100 мг № 10 Теміртауда

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Арпефлю.

Халықаралық патенттелмеген атауы

Умифеновир.

Дәрілік түрі, дозасы

Үлбірлі қабықпен қапталған таблеткалар, 50 мг және 100 мг.

Фармакотерапиялық тобы

Жүйелі пайдалануға арналған инфекцияға қарсы препараттар. Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. Вирусқа қарсы басқа да препараттар. Умифеновир.

АТХ коды J05AX13.

Қолданылуы

- А және В тұмауы, жедел респираторлы-вирустық инфекциялар (ЖРВИ)

- созылмалы бронхитті, пневмония мен қайталанатын герпес

инфекциясын кешенді емдеу құрамында

- эпидемиялық маусымда тұмау және ЖРВИ профилактикасы

- операциядан кейінгі инфекциялық асқынулардың профилактикасы

- 6 жастан асқан балаларда этиологиясы ротавирустық

жедел ішек инфекцияларын кешенді емдеу құрамында

Қолдану басталғанға дейін қажетті мәліметтер тізбесі

Қолдануға болмайтын жағдайлар

- әсер етуші затқа немесе қосымша заттардың кез келгеніне аса жоғары сезімталдық

- 6 жасқа дейінгі балалар

- жүктілік және бала емізу кезеңі

- тұқым қуалайтын лактоза жақпаушылығы, лактоза жеткіліксіздігі,

глюкоза, галактоза мальабсорбциясы

Қолдану кезіндегі қажетті сақтандыру шаралары

Нұсқаулықта ұсынылған сызбаны және препаратты қабылдау ұзақтығын сақтау қажет. Препараттың бір дозасын өткізіп алған жағдайда ол дозаны мүмкіндігінше ертерек қабылдап, препаратты қабылдау курсын бастаған сызба бойынша жалғастыру керек. Егер Арпефлю препаратын қолданғаннан кейін тұмауды және басқа ЖРВИ емдеу кезінде үш тәулік ішінде ауру симптомдарының айқындылығы, оның ішінде жоғары температура (38 °С және одан жоғары) сақталса, негізділігін бағалау үшін дәрігерге қаралу қажет.

Басқа дәрілік препараттармен өзара әрекеттесуі

Басқа дәрілік заттармен тағайындау кезінде теріс әсерлері байқалмады.

Арнайы ескертулер

Жүктілік немесе лактация кезінде

Жүктілік кезінде қабылдаудың қажетті клиникалық тәжірибесі жоқ болғандықтан, Арпефлю препаратын ана үшін болуы мүмкін пайдасы шарана үшін ықтимал қауіптен асатын жағдайлардан басқа жағдайларда қабылдау ұсынылмайды. Қажетті клиникалық тәжірибе жоқ болғандықтан, Арпефлю препаратын бала емізу кезінде қабылдау ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Орталықтық нейротропты белсенділігі жоқ және мамандықтары әр түрлі, соның ішінде назар аудару мен қимыл-қозғалыс үйлесімін қажет ететін адамдарға (көлік жүргізушілері, операторлар және т.б.) қолданылады.

Қолдану бойынша ұсынымдар

Дозалау режимі

Бір реттік доза: 6 жастан 12 жасқа дейінгі балаларға - 100 мг, 12 жастан асқан балалар мен ересектерге - 200 мг (100 мг-ден 2 таблетка немесе 50 мг-ден 4 таблетка).

Спецификалық емес профилактика үшін

Тұмаумен және басқа жедел респираторлы-вирустық инфекциялармен ауырған науқаспен тікелей байланыста болғанда:

- 6 жастан 12 жасқа дейінгі балаларға – күніне бір рет 100 мг, 12 жастан асқан балалар мен ересектерге –10-14 күн бойы күніне бір рет 200 мг.

Тұмау және басқа жедел респираторлы-вирустық инфекциялар эпидемиясы кезеңінде:

- 6 жастан 12 жасқа дейінгі балаларға – 100 мг, 12 жастан асқан балалар мен ересектерге –3 апта бойы аптасына екі реттен 200 мг.

Емдеу үшін

Асқынуларсыз тұмау, басқа жедел респираторлы-вирустық инфекциялар:

– 6 жастан 12 жасқа дейінгі балаларға – 100 мг, 12 жастан асқан балалар мен ересектерге – 5 күн бойы тәулігіне 4 рет (әр 6 сағат сайын) 200 мг.

Созылмалы бронхитті, пневмонияны, герпестік инфекцияны кешенді емдеуде:

- 6 жастан 12 жасқа дейінгі балаларға – 100 мг – ден, 12 жастан асқан балалар мен ересектерге – 5-7 күн бойы тәулігіне 4 рет (әр 6 сағат сайын) 200 мг, содан кейін бір реттік дозаны аптасына 2 рет 4 апта бойы.

6 жастан асқан балалардағы этиологиясы ротавирустық жедел ішек инфекцияларын кешенді емдеу:

– 6 жастан 12 жасқа дейінгі балаларға – 100 мг-ден, 12 жастан асқан балаларға 200 мг-ден тәулігіне 4 рет (әр 6 сағат сайын) 5 күн бойы .

Операциядан кейінгі инфекциялық асқынулардың профилактикасы:

–6 жастан 12 жасқа дейінгі балаларға – 100 мг, 12 жастан асқан балалар мен ересектерге – операцияға 2 күн қалғанда бір рет 200 мг, сосын операциядан кейін 2-нші және 5-інші күні дәл сол дозада бір рет.

Енгізу әдісі мен жолы

Ішке, тамақтанудан 30 минут бұрын немесе тамақтанған соң 2 сағаттан кейін.

Артық дозалану жағдайында қабылдануы қажет шаралар

Артық дозалануы байқалмаған.

Артық дозаланған жағдайда медициналық көмек алу үшін дереу дәрігерге қаралыңыз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы қажет шаралар

Сирек

- аллергиялық реакциялар (бөртпе, анафилаксиялық реакция)

- қыжыл, жүрек айну, құсу, диарея

Барлық, оның ішінде нұсқаулықта көрсетілмеген жағымсыз реакциялардың пайда болуы туралы емдеуші дәрігерге хабарлау қажет.

Жағымсыз дәрілік реакциялар пайда болған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларын қоса, дәрілік препараттарға жағымсыз реакциялар (әсерлер) бойынша ақпараттық дерекқорға тікелей жүгінуге болады

Қазақстан Республикасы Денсаулық сақтау министрлігі Медициналық және фармацевтикалық комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

Қосымша мәліметтер

Дәрілік препараттың құрамы

Бір таблетканың құрамында:

белсенді зат - умифеновир гидрохлориді 50 мг немесе 100 мг,

қосымша заттар: повидон (К 17), микрокристалды целлюлоза, модификацияланған жүгері крахмалы (Starch 1500), сусыз коллоидты кремнийдің қостотығы, магний стеараты, лактоза моногидраты, опадрай II ақ (поливинил спирті, титанның қостотығы (Е 171), полиэтиленгликоль, тальк).

Сыртқы түрінің, иісінің, дәмінің сипаттамасы

Екі беті дөңес, ақ түсті үлбірлі қабықпен қапталған таблеткалар.

Шығарылу түрі және қаптамасы

10 немесе 20 таблеткадан поливинилхлоридті үлбір мен алюминий фольгадан жасалған пішінді ұяшықты қаптамада.

10 таблеткасы бар бір, екі немесе үш пішінді ұяшықты қаптаманы медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

50 мг дозадағы 20 таблеткасы бар бір пішінді ұяшықты қаптаманы медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды!

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз.

Өндіруші туралы мәліметтер

«Лекфарм» ЖШБҚ,

Беларусь Республикасы, 223141, Логойск қ., Минск к-сі, 2а үй, 301 к.

Тел./факс: +375 1774 53801,

Тіркеу куәлігінің ұстаушысы

«Лекфарм» ЖШБҚ,

Беларусь Республикасы, 223141, Логойск қ., Минск к-сі, 2а үй, 301 к.

Тел./факс: +375 1774 53801,

Қазақстан Республикасы аумағында тұтынушылардан шағымдарды (ұсыныстарды) қабылдайтын және дәрілік препараттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Лекфарм» ЖШБҚ Қазақстан Республикасындағы өкілдігі,

050000, Алматы қ., Бостандық ауданы, Әл-Фараби даңғылы 7,

"Нұрлы Тау" БО, 4а корпус, 55 кеңсе,

тел. 8 (727)-3110454, факс 8(727) -3110455,.