Ангиноваг тамаққа арналған спрей 20 мл - бағасы Ақтауда

Дәрілік затты медициналық қолдану

жөніндегі нұсқаулық

Ангиноваг

Саудалық атауы

Ангиноваг

Халықаралық патенттелмеген атауы

Жоқ

Дәрілік түрі

Жергілікті қолдануға арналған спрей

Құрамы

100 мл препараттың құрамында

белсенді заттар:

деквалиний хлориді 0.1 г, тиротрицин 0.4 г, β–глициррет қышқылы 0.06 г, гидрокортизон ацетаты 0.06 г, лидокаин гидрохлориді 0.1 г,

қосымша заттар: пропиленгликоль, ананас майы, натрий сахаринаты, этанол 96 %.

Сипаттамасы

Ананасқа тән дәмі мен иісі бар, мөлдір, түссіз немесе ақшыл сары ерітінді.

Фармакотерапиялық тобы

Респираторлық жүйе ауруларын емдеуге арналған препараттар. Тамақ ауруларын емдеуге арналған препараттар.

АТХ коды R02А.

Фармакологиялық қасиеттері

Фармакокинетикасы

Препарат ингаляциялық қолдануға арналған және емдік концентрациясын негізінен қабыну ошағында түзеді. Қолдану өзекті. Белсенді заттардың кез келгенінің жүйелі сіңірілуі көрсетілмеді.

Фармакодинамикасы

Ангиноваг құрамында қабынуға қарсы, ауыруды басатын, бактерияға қарсы және антисептикалық әсерге ие белсенді заттарды біріктірген, олар бір-бірін толықтыратын және синергиялық әсер етеді:

Тиротрицин Bacilus Brevis Dubos өндіретін жергілікті антибиотик болып табылады. Ол көптеген грамоң бактерияларға қарсы белсенді.

Деквалиний хлориді антисептикалық және дезинфекциялаушы әсерге ие. Оның көптеген бактерияларға, ашытқыларға және зеңдерге қары белсенділігі көретілген.

Гидрокортизон ацетаты қабыну үдерісінің жедел сатысындағы бастапқы және салдарлы қабынуға бағытталған қабынуға қарсы әсерге ие.

Эноксолон 11-гидроксистероид-дегидрогеназа ферментінің күшті әсер ететін тежегіші болып табылады. Гидрокортизонмен бірге қолданғанда гидрокортизон белсенділігінің күшеюі орын алатыны көрсетілген.

Лидокаин гидрохлориді амидтік топтың жергілікті ауыруды басатын заты болып табылады. Оның әсері жүйке импульстерін бастамалауға және жүргізуге қажет иондық рефлюкстің тежелуі арқылы жүзеге асады.

Қолданылуы

- ауыз қуысы мен жоғарғы тыныс жолдарының и нфекциялық-қабынбалы аурулары: тонзиллитті, фарингитті, ларингитті, афтоздық және ойық жаралы стоматиттерді, глосситті жергілікті емдеуде.

Қолдану тәсілі мен дозалары

Ересектер мен 13 жастан асқан балаларға.

Қолданар алдында тамақты сумен шаяды.

Екпінді дозасы - әр 2-3 сағат сайын 1-2 бүрку, демеуші дозасы – әр 6 сағат сайын 1 бүркуден. Емдеу курсын дәрігер жекелей анықтайды. Емдеу ұзақтығы әдетте 1 аптадан аспайды.

Дұрыс қолданылуы үшін, құтыны пероральді аппликаторы зақымдалған аймаққа бағыталатындай қылып тік қалыпта салу ұсынылады, бірақ ауыз қуысына толық енгізбеңіз. Қалпақшасының үстіңгі бөлігін жоғарыдан төмен қарай басыңыз. Орнатқаннан және қолданғаннан кейін құтының пероральді аппликаторын шешпеңіз.

Жағымсыз әсерлері

- препарат компоненттеріне аллергиялық реакциялар

- шымылдату сезімі, құрғау

- жеңіл ұю.

Кейде жергілікті тітіркену болуы ықтимал.

Компоненттердің кез келгеніне аса жоғары сезімталдық келесі симптомдардың дамуына әкелуі мүмкін:

• деквалиний хлориді – аса жоғары сезімталдық реакциялары;
• тиротрицин – аллергиялық реакциялар, терінің зақымдануы, тістердің сарғаюы, дәм сезудің өзгеруі;
• гидрокортизон ацетаты – тері, көз тарапынан болатын бұзылыстар, эндокриндік және иммунндық реакциялар;
• лидокаин гидрохлориді – аллергиялық реакциялар, жергілікті сипаттағы көріністер, жүйке жүйесінің қозуы, жүрек жұмысының бұзылуы.

Қолдануға болмайтын жағдайлар

- препарат компоненттерінің кез-келгеніне жекелей жоғары сезімталдық

- 13 жасқа дейінгі балалар.

Дәрілермен өзара әрекеттесуі

Новокаинмен,тыныштандыратын препараттармен бір мезгілде қолдану ұсынылмайды.

Этанолдың болуы кейбір препараттардың әсерін төмендетуі мүмкін.

Ангиноваг аниондық тензидтермен, мысалы, тіс пастасымен бірге пайдалану керек емес, өйткені кері жағдайда деквалиний хлоридінің бактерияға қарсы белсенділігі бұзылады.

Айрықша нұсқаулар

Ангиновагтың құрамында ақырғы көлемі 89,385 % этанол бар. Әр бүрку шамамаен 0.075 г этанолдан тұрады, ол педиатрияда 13 жасқа дейінгілер, жүкті әйелдер мен бауыр аурулары, маскүнемдігі, эпилепсиясы, ми зақымданулары бар пациенттерде қолданылуындағы қауіпке себеп болады. Этанолдың болуын ескере отырып, алкоголизм, эпилепсия, бассүйек-ми жарақаттары кезінде қолдану ұсынылмайды. Ангиноваг препаратын қабылдау кезінде допингке оң тест болуы мүмкін.

Қант диабетінде сақ болу керек, өйткені препараттың құрамында натрий сахаринаты бар.

Препарат терінің тітіркенуін туындатуы мүмкін, өйткені оның құрамында пропиленгликоль бар. Спрейдің көзге түсуінен аулақ болу керек.

Жүктілік және лактация кезеңі

Ангиновагты жүктілік немесе емшек емізу кезінде қолдану туралы клиникалық деректер жоқ.

Автокөлік немесе қауіптілігі зор басқа механизмдерді басқару қабілетіне әсер ету ерекшеліктері

Құрамында 0.075 г этанол бар екенін ескере отырып, автокөлік немесе қауіптілігі зор басқа механизмдерді басқару кезінде сақ болу қажет.

Артық дозалануы

Артық дозаланған жағдайлары тіркелмеген.

Шығарылу түрі мен қаптамасы

20 мл препараттан полипропилен қақпақпен тығындалған, тығыздығы жоғары полиэтиленнен жасалған ақ түсті құтыларға салады.

1 құтыдан қондырмасымен және медицинадлық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады.

Сақтау шарттары

30ºC-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Феррер Интернасиональ, С.А.,

Гран Виа Карлос III, 94, 08028 Барселона, Испания.

Тіркеу куәлігінің иесі

Феррер Интернасиональ, С.А.,

Гран Виа Карлос III, 94, 08028 Барселона, Испания.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«Феррер Казахстан» ЖШС

050026. Алматы қ-сы, Мұқанов к-сі, 113 үй, 301 кеңсе.

тел: 3565810, 3565811.

ұялы тел: 87777158891. эл поштасы: gramazanova@ferrer.com