Асқорыту жолы және зат алмасу. Диареяға қарсы ішектік қабынуға қарсы/микробқа қарсы препараттар. Ішекке арналған микробқа қарсы препараттар. Ішекке арналған микробқа қарсы басқа да препараттар. Нифуроксазид.
АТХ коды А07АХ03.
Қолданылуы
Басқа ағзалар мен жүйелерге инфекцияның таралуына күдік жоқ болса (яғни жалпы жағдайдың нашарлауы, температураның жоғарылауы, уыттану белгілері) жедел бактериялық диареяда.
Бұл ем, олар қажет болғанда, диетаны және регидратацияны алмастырмайды.
Қолдануға болмайтын жағдайлар
- әсер етуші затқа, оның ішінде 5-нитрофуранның басқа туындыларына немесе қосымша заттардың кез келгеніне аса жоғары сезімталдық,
Осы дәрілік препаратты дисульфирам тәрізді реакциялардың дамуын туындататын препараттармен немесе орталық жүйке жүйесінің функциясын бәсеңдететін дәрілік препараттармен бір мезгілде қолдану ұсынылмайды.
Арнайы сақтандырулар
Стопдиар препаратын дәрігердің бақылауынсыз 3 күннен артық қабылдау ұсынылмайды. 3 күндік емдеуден кейін жалғасқан диарея жағдайында әрі қарай емдеу тәсілі туралы мәселені шешу үшін дәрігердің кеңесі қажет.
Ауыр инвазиялық диарея жағдайында жүйелі әсері бар антибиотикті тағайындау ұсынылады, өйткені Стопдиар препараты асқазан-ішек жолынан сіңбейді.
Препаратты қолдану кезеңінде шырындарды, шикі көкөністер мен жемістерді, ащы және ауыр тағамдарды, мұздатылған тағамдар мен суық сусындарды тағам рационынан алып тастап, тамақ қабылдауды ұстану қажет. Қыздырып пісірілген ет пен күріш қабылдау ұсынылады.
Аса жоғары сезімталдық реакциясы (ентігу, тері бөртпесі, қышыну, беттің, еріннің және тілдің ісінуі) пайда болған жағдайда препаратты қабылдауды дереу тоқтату керек.
Стопдиар препаратымен емдеу кезінде алкогольді ішімдіктерді қабылдауға болмайды, өйткені алкоголь организмнің препаратқа сезімталдығын арттырады және дисульфирам тәрізді реакцияны қоздыруы мүмкін, ол диареяның өршуімен, құсумен, іш ауыруымен, тері гиперемиясымен, бет пен дененің жоғарғы бөлігінің ысу сезімімен, бастың шуылдауымен, тыныс алудың қиындауымен, тахикардиямен, қорқыныш сезімімен көрінеді.
Нифуроксазидке аса жоғары сезімталдықтың жекелеген жағдайларында іштің ауыруы, жүрек айнуы және диареяның күшеюі туындауы мүмкін. Жеңіл симптомдар пайда болған жағдайда, арнайы ем қолдану немесе нифуроксазидті қолдануды тоқтату қажеттілігі жоқ. Егер симптомдар айқын болса, препаратты қабылдауды тоқтату керек. Ондай жағдайда ондай пациенттерге нитрофуран туындыларын одан әрі тағайындаудан аулақ болу керек.
Егер препаратпен емдеу кезеңінде сусыздану симптомдары пайда болса, пациенттің клиникалық жағдайына сәйкес регидратациялық ем (сұйықтық пен электролиттердің жоғалуын ескере отырып) жүргізу керек. Диареяны емдеу кезінде сұйықтықтың көп мөлшерімен, тәтті немесе хош иісті сусындармен тұрақты қосымша пероральді регидратация жүргізу ұсынылады. Ауыр және ұзаққа созылған диарея, ауыр құсу және анорексия жағдайында венаішілік регидратация мүмкіндігін қарастыру керек.
Қосымша заттар
Препарат құрамында сахароза болуына байланысты фруктоза жақпаушылығының сирек тұқым қуалайтын проблемалары, глюкоза-галактоза мальабсорбциясы синдромы немесе сахараза-изомальтаза жеткіліксіздігі бар пациенттер осы дәрілік затты қабылдамауы тиіс.
Жүктілік немесе лактация кезінде
Сақтандыру шарасы ретінде Стопдиар препаратын жүктілік кезінде және бала емізу кезеңінде қолдануға болмайды.
Контрацепцияның тиімді әдістерін пайдаланбайтын бала туатын жастағы әйелдерде Стопдиар препаратын қабылдауға болмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Нифуроксазид көлік құралдарын басқару немесе механизмдермен жұмыс істеу қабілетіне әсер етпейді.
Қолдану жөніндегі нұсқаулар
Дозалау режимі
Ересектерге ас ішуге қарамастан 2-4 қабылдауға бөлінген 800 мг тәуліктік доза ұсынылады, мысалы, тәулігіне 4 рет 1 капсуладан (200 мг) немесе тәулігіне 2 рет 2 капсуладан (400 мг).
Ересектер үшін ең жоғары тәуліктік доза 800 мг.
Емдеу ұзақтығы
Емдеу курсының ұзақтығы – 3 күн. Егер емдеудің 2 күні ішінде диарея басылмаса, емдік тәсілді қайта қарау керек.
Препаратты балалар мен 18 жасқа дейінгі жасөспірімдерде қолдануға болмайды.
Енгізу әдісі мен жолы
Ішке қабылдауға арналған. Капсуланы судың жеткілікті мөлшерімен ішу керек.
Артық дозалану жағдайында қабылдау қажет болатын шаралар
Симптомдары: жағымсыз әсерлердің күшеюі. Ұйқышылдық пен диарея туындауы мүмкін.
Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Жиілігі белгісіз (қолда бар деректер негізінде анықтау мүмкін емес):
макулопапулезді эритематозды бөртпе, экзема, жедел жайылған экзантематозды пустулез, фотосезімталдық
аллергиялық реакциялар, атап айтқанда бөртпе, есекжем, ангионевроздық ісіну, анафилаксиялық шок
тромбоцитопения, гемолиздік анемия, агранулоцитоз
трансминазалар белсенділігінің артуы
хроматурия
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
капсула қақпақшасы мен корпусының құрамы: темірдің сары тотығы (Е 172), титанның қостотығы (Е 171), желатин.
Сыртқы түрінің, иісінің, дәмінің сипаттамасы
Корпусы мен қақпағы сары түсті цилиндр пішінді қатты желатинді капсулалар. Капсулалардың ішіндегісі - сары түсті түйіршік.
Шығарылу түрі және қаптамасы
12 капсуладан алюминий фольгадан және поливинилхлорид үлбірден жасалған пішінді ұяшықты қаптамада.
1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі
3 жыл.
Жарамдылық мерзімі өткеннен кейін қолдануға болмайды.
Сақтау шарттары
25°С-ден аспайтын температурада сақтау керек.
Балалардың қолы жетпейтін жерде сақтау керек.
Дәріханалардан босатылу шарттары
Рецепт арқылы.
Өндіруші туралы мәліметтер
«Гедеон Рихтер Польша» ЖШҚ, Польша
616 PL/Pol, Польша Республикасы
05-825 Гродзиск -Мазовецкий
Тел: + 48 22 755 50 81, +48 22 755 96 00
Факс: +48 22 755 23 92
Тіркеу куәлігінің ұстаушысы
«Гедеон Рихтер» ААҚ
Венгрия, Н-1103 Будапешт, Дёмрёи к-сі, 19-21
Тел: +361-431-4000, +361-431-4782, +361-431-4985
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):
«Гедеон Рихтер» ААҚ ҚР өкілдігі, Алматы қ., Төле Би к-сі, 187
Стопдиар қатты капсулалар 200 мг № 12 бағасы (қыркүйек 2026)
🌟 Ең төменгі баға
2 250 ₸
🌟 Орташа бағасы
2 337 ₸
🌟 Ең жоғары баға
2 830 ₸
🌟 Ең жиі кездесетін баға
2 250 ₸
Бағалар тарихы
Орташа баға
Танымал баға
Ақтау қаласында ең тиімді бағаны қалай табуға болады
Дәріханаларды баға бойынша іріктеу үшін “Сүзгі” түймесін, одан әрі “Бағасы бойынша, 1… бастап …” және “Таңдау” деген түймені басыңыз. Дәріханадағы ең төмен баға сіздің алдыңызда. I-teka сервисінің көмегімен үнемдеңіз!
Жеткізу
Ақтау қаласында дәрі-дәрмекті тез жеткізу керек пе? Қажетті дәрілерді “Сатып алу” түймесі бойынша кәрзеңкеге салып, “Дәріхананы таңдау” түймесін басып тапсырыс ресімдеңіз, содан соң біздің курьерлеріміз дәрі-дәрмектерді үйге немесе жұмысқа тиімді бағалармен жеткізеді. Дәрілерді жеткізудің орташа бағасы қазіргі сәтте 1500 тг. бастап 2500 тг. дейін (құны тәуліктің уақытынан және дәріхана мен жеткізу мекенжайының ара-қашықтығына байланысты).
Брондау және өзі тасымалдау
Біздің сервис дәрілердің брондауға төлем жасап, ыңғайлы уақытта өзіңіз алып кетуге мүмкіндік береді! Тапсырысты ресімдеген кезде, “Дәріханадан алып кету” түймесін басыңыз, біз сіздің тапсырысыңызды брондап, оны алуға арналған код жібереміз. Маңызды: препараттарды дәріханадан алып кету оның бар екенін дәріхана растағаннан кейін мүмкін болады.
Бағалардың өзектілігі
Сайттағы деректер үнемі жаңартылып тұрады. Дәріхананың карточкасында біз бағаның қашан жаңартылғанын көрсетеміз - 2 сағ. бұрын, кеше, 10 мин. бұрын, 5 мин. бұрын, және т.б.
Керек дәріні таппадыңыз ба? Күн сайын біз сайтқа жаңа дәріханалар мен дәріхана жүйелерінің нүктелерін қосамыз. Мысалы, бізден таба аласыздар: Gold medicine дәріханалары, Mega Pharm әлеуметтік дәріханалары, "Алмасат" дәріханалары, "Salamat" дәріханалары, ТБД (Төмен Баға Дәріханалары), Гиппократ және басқалар. Жаңартуларды бақылаңыздар!
Стопдиар қатты капсулалар 200 мг № 12 басқа қалаларда
Яндекс Такси шақыру 
WhatsApp-қа жазу