Дәріханаларды баға бойынша іріктеу үшін “Сүзгі” түймесін, одан әрі “Бағасы бойынша, 1… бастап …” және “Таңдау” деген түймені басыңыз. Дәріханадағы ең төмен баға сіздің алдыңызда. I-teka сервисінің көмегімен үнемдеңіз!
Ақтау қаласында дәрі-дәрмекті тез жеткізу керек пе? Қажетті дәрілерді “Сатып алу” түймесі бойынша кәрзеңкеге салып, “Дәріхананы таңдау” түймесін басып тапсырыс ресімдеңіз, содан соң біздің курьерлеріміз дәрі-дәрмектерді үйге немесе жұмысқа тиімді бағалармен жеткізеді. Дәрілерді жеткізудің орташа бағасы қазіргі сәтте 1500 тг. бастап 2500 тг. дейін (құны тәуліктің уақытынан және дәріхана мен жеткізу мекенжайының ара-қашықтығына байланысты).
Біздің сервис дәрілердің брондауға төлем жасап, ыңғайлы уақытта өзіңіз алып кетуге мүмкіндік береді! Тапсырысты ресімдеген кезде, “Дәріханадан алып кету” түймесін басыңыз, біз сіздің тапсырысыңызды брондап, оны алуға арналған код жібереміз. Маңызды: препараттарды дәріханадан алып кету оның бар екенін дәріхана растағаннан кейін мүмкін болады.
Сайттағы деректер үнемі жаңартылып тұрады. Дәріхананың карточкасында біз бағаның қашан жаңартылғанын көрсетеміз - 2 сағ. бұрын, кеше, 10 мин. бұрын, 5 мин. бұрын, және т.б.
Керек дәріні таппадыңыз ба? Күн сайын біз сайтқа жаңа дәріханалар мен дәріхана жүйелерінің нүктелерін қосамыз. Мысалы, бізден таба аласыздар: Gold medicine дәріханалары, Mega Pharm әлеуметтік дәріханалары, "Алмасат" дәріханалары, "Salamat" дәріханалары, ТБД (Төмен Баға Дәріханалары), Гиппократ және басқалар. Жаңартуларды бақылаңыздар!
🌟 Ең төменгі баға | 2880 тг. |
🌟 Орташа бағасы | 3 315 тг. |
🌟 Ең жоғары баға | 3 750 тг. |
🌟 Көбінесе мына баға бойынша сатады | 3 000 тг. |
Халықаралық патенттелмеген атауы | - |
Қосымша белсенді ингредиенттер | - |
Категория | Бүйрек пен зәр шығару жолдарын емдеудің жолдары |
Дәрілік форма | капсулалар |
Доза | - |
Саны | № 40 |
Дәріханада шығарылады |
Дәрілік препаратты медициналық қолдану
қолдану жөніндегі нұсқаулық (Қосымша парақ)
Саудалық атауы
Уролесан®
Халықаралық патенттелмеген атауы
Жоқ
Дәрілік түрі, дозасы
Капсулалар
Фармакотерапиялық тобы
Несеп-жыныс жүйесі және жыныс гормондары.Урологиялық препараттар. Басқа урологиялық препараттар. АТХ коды G04BX
Қолданылуы
- жедел және созылмалы бүйрек және несеп шығару жолдарының инфекцияларында (циститтер мен пиелонефриттер);
- несептас ауруында және несеп қышқылдиатезінде (оларды жойғаннан кейінгі конкременттер түзілуінің профилактикасы);
- созылмалы холециститтер (соның ішінде калькулезді), өт жолдарының дискинезиясы, өт-тас ауруларында.
Қолдану басталғанға дейін қажетті мәліметтер тізбесі
Қолдануға болмайтын жағдайлар
-препараттың компоненттеріне жоғары сезімталдық;
-гастрит( секреторлық жеткіліксіздігі бар гастриттен басқа), асқазан мен он екі елі ішектің ойық жара ауруы;
-жүктілік және лактация кезеңі;
-18 жасқа дейінгі балалар.
Басқа дәрілік препараттармен өзара әрекеттесуі
Зерттелген жоқ.
Арнайы ескертулер
Егер конкременттердің диаметрі 3 мм асатын болса, препаратты қолдануға болмайды.
Препарат құрамында қосымша заттар лактоза және жүгері крахмалы бар, сондықтан сирек тұқым қуалайтын галактоза жақпаушылығының түрлері, лактаза жеткіліксіздігі, глюкоза-галактоза мальабсорбциясы синдромы немесе жоғары сезімталдық немесе глютен жақпаушылығы бар пациенттерге препараттың бұл түрін қолдануға болмайды.
Педиатрияда қолдану
Препарат 18 жасқа дейінгі жасөспірімдер мен балаларға қолданылмайды.
Жүктілік немесе лактация кезінде
Препараттың жүктілік немесе бала емізу кезеңінде қолданылуы зерттелмеген.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Жағымсыз әсерлерінің дамуы мүмкіндігін ескере отырып, абай болу керек.
Қолдану бойынша ұсынымдар
Дозалау режимі
Препаратты тамақтанар алдында ішке қабылдау керек.
Ересектер үшін ұсынылатын доза 1 капсуладан тәулігіне 3 рет. Жедел жағдайларда (оның ішінде бүйрек және бауыр шаншуы кезінде) емдеу курсының ұзақтығы 5-тен 7 күнге дейін, созылмалы жағдайларда –7 күннен 1 айға дейін. Бүйрек және бауыр шаншуы пайда болған кезде бір реттік дозаны бір рет 2 капсулаға дейін арттыруға болады, содан кейін келесі қабылдауда әдеттегі бір реттік дозаға (1 капсула) оралған жөн.
Енгізу әдісі мен жолы
Ішке қабылдау үшін.
Артық дозалану жағдайында қабылдануы қажет шаралар
Артық дозаланғанда болуы мүмкін: жүрек айну, бас айналу, препараттың тыныштандыратын әсерінің күшеюі.
Емі:Симптоматикалық ем. Жылы сұйықты көп мөлшерде ішу, тыныштық, белсендірілген көмір, атропин сульфаты (0,0005-0,001 г).
Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар
Қажет болған жағдайда дәрілік препаратты қолдану тәсілін түсіндіру үшін медицина қызметкеріне жүгіну ұсынылады.
ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар
Әдетте Уролесан® жақсы көтерімді. Препаратты қолданғанда болуы мүмкін:
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға күтілетін реакциялар (әсерлер) бойынша тікелей ақпараттық дерекқорға жүгіну керек
Қосымша мәліметтер
Дәрілік препараттың құрамы
Бір капсуланың құрамында
белсенді заттар: жабайы сәбіз жемістерінің (Daucus carota)/ құлмақ бүршігінің (Lupuli flos)/ жұпаргүл шөбінің (Origani herba) (1/1,4/1)Уролесан қою экстрактісі (10-26:1), экстрагент - 96 % этанол (к./к.), 10 % ылғалға шаққанда - 10.70мг; бұрыш жалбызы майы (Aetheroleum menthae piperitae) - 7.46 мг; сібір самырсын майы (Abietis sibiricae aetheroleum) - 25.50 мг.
қосымша заттар: магний алюмометасиликаты, майсана майы, ауыр магний карбонаты, тальк, лактоза моногидраты, динатрий эдетаты (трилон Б), картоп крахмалы.
Желатинді капсуланың құрамы:капсула корпусы - патенттелген көк V (Е 131), хинолинді сары (Е 104), титанның қостотығы (Е 171), темірдің сары тотығы (Е 172), желатин; капсула қақпағы- патенттелген көк V (Е 131), хинолинді сары (Е 104), титанның қостотығы (Е 171), темірдің сары тотығы (Е 172), желатин.
Сыртқы түрінің, иісінің, дәмінің сипаттамасы
Корпусы мен қақпағы жасыл түсті, «0» нөмірі бар, қатты желатинді капсулалар. Капсуланың ішіндегісі – теңбілдері және бұрыш жалбызы мен самырсын майларының иісі бар жасылдау реңді сары-сұрдан сұр-қоңыр түске дейінгі түйіршіктелген ұнтақ және/немесе нығыздалған масса. Басқан кезде шашылатын агломераттар болуына жол беріледі.
Шығарылу түрі және қаптамасы
10 капсуладан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.
4 пішінді ұяшықты қаптама медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі
3 жыл
Жарамдылық мерзімі өткеннен кейін қолдануға болмайды!
Сақтау шарттары
Түпнұсқалық қаптамасында, 25 °C-ден аспайтын температурада.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
«Киевмедпрепарат» ЖАҚ, Украина, 01032, Киев қ., Саксаганский к-сі, 139.
тел / факс: +38-044-490-75-22
E-mail: office@arterium.ua
Тіркеу куәлігінің ұстаушысы
«Киевмедпрепарат» ЖАҚ, Украина, 01032, Киев қ., Саксаганский к-сі, 139.
тел / факс: +38-044-490-75-22
E-mail: office@arterium.ua
Қазақстан Республикасы аумағында тұтынушылардан шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«ТД Фармамед» ЖШС,
Алматы қ., Ходжанов көшесі, 67 ғимарат, т.е. 4а
Тел.: +7 (727) 344-99-05/06