Дәріханаларды баға бойынша іріктеу үшін “Сүзгі” түймесін, одан әрі “Бағасы бойынша, 1… бастап …” және “Таңдау” деген түймені басыңыз. Дәріханадағы ең төмен баға сіздің алдыңызда. I-teka сервисінің көмегімен үнемдеңіз!
Астана қаласында дәрі-дәрмекті тез жеткізу керек пе? Қажетті дәрілерді “Сатып алу” түймесі бойынша кәрзеңкеге салып, “Дәріхананы таңдау” түймесін басып тапсырыс ресімдеңіз, содан соң біздің курьерлеріміз дәрі-дәрмектерді үйге немесе жұмысқа тиімді бағалармен жеткізеді. Дәрілерді жеткізудің орташа бағасы қазіргі сәтте 1500 тг. бастап 2500 тг. дейін (құны тәуліктің уақытынан және дәріхана мен жеткізу мекенжайының ара-қашықтығына байланысты).
Біздің сервис дәрілердің брондауға төлем жасап, ыңғайлы уақытта өзіңіз алып кетуге мүмкіндік береді! Тапсырысты ресімдеген кезде, “Дәріханадан алып кету” түймесін басыңыз, біз сіздің тапсырысыңызды брондап, оны алуға арналған код жібереміз. Маңызды: препараттарды дәріханадан алып кету оның бар екенін дәріхана растағаннан кейін мүмкін болады.
Сайттағы деректер үнемі жаңартылып тұрады. Дәріхананың карточкасында біз бағаның қашан жаңартылғанын көрсетеміз - 2 сағ. бұрын, кеше, 10 мин. бұрын, 5 мин. бұрын, және т.б.
Керек дәріні таппадыңыз ба? Күн сайын біз сайтқа жаңа дәріханалар мен дәріхана жүйелерінің нүктелерін қосамыз. Мысалы, бізден таба аласыздар: Gold medicine дәріханалары, Mega Pharm әлеуметтік дәріханалары, "Алмасат" дәріханалары, "Salamat" дәріханалары, ТБД (Төмен Баға Дәріханалары), Гиппократ және басқалар. Жаңартуларды бақылаңыздар!
🌟 Ең төменгі баға | 3290 тг. |
🌟 Орташа бағасы | 4 580 тг. |
🌟 Ең жоғары баға | 5 870 тг. |
🌟 Көбінесе мына баға бойынша сатады | 4 700 тг. |
Халықаралық патенттелмеген атауы | - |
Қосымша белсенді ингредиенттер | - |
Категория | Пробиотиктер және пребиотиктер |
Дәрілік форма | суспензия |
Доза | 4 млрд/5мл |
Саны | № 10 |
Дәріханада шығарылады |
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Энтерожермина ® Форте
Халықаралық патенттелмеген атауы
Жоқ
Дәрілік түрі, дозалануы
Ішуге арналған суспензия 4 миллиард/5 мл
Фармакотерапиялық тобы
Ас қорыту жолы және зат алмасу. Диареяға қарсы, ішекке арналған қабынуға қарсы/микробқа қарсы препараттар. Диареяға қарсы микроорганизмдер.
АТХ коды А07FА
Қолданылуы
- ішек микрофлорасы бұзылулары мен одан кейінгі эндогенді витаминозды емдеу және профилактикасында
- антибиотиктермен немесе химиотерапиямен емдеу нәтижесінде өзгерген ішек микрофлорасын қалпына келтіруге арналған қосымша емде
- ішек дисбактериозы (дисмикробиозы) және авитаминозы туындатқан емшек жасындағылармен қоса, балалардағы жедел немесе созылмалы асқазан-ішек бұзылыстарында
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препараттың белсенді затына немесе компоненттеріне жоғары сезімталдық
Қолдану кезіндегі қажетті сақтандыру шаралары
Энтерожермина®Форте препаратының құтысында көзге көрінетін бөлшектердің болуы Bacillus clausii спораларының болуына байланысты, сондықтан бұл өнімнің өзгергенін білдірмейді. Қолданар алдында құтыны сілку қажет.
Бұл препарат тек пероральді қабылдауға ғана арналған.
Басқа дәрілік препараттармен өзара әрекеттесуі
Басқа дәрілік заттармен бір уақытта қабылдау нәтижесінде дәрілік өзара әрекеттесулері белгісіз.
Арнайы ескертулер
Анафилаксиялық шок сияқты ауыр анафилаксиялық реакциялардың жоғары қаупіне байланысты енгізудің инъекциялық немесе кез келген басқа түріне тыйым салынады.
Антибиотикпен емдеу кезінде препаратты антибиотик дозасын қатарынан екі қабылдау арасында қабылдау керек.
Жүктілік
Қазіргі уақытта жүкті әйелдерді емдеу үшін Энтерожермина® Форте препаратын қолдану туралы деректер жоқ. Сондықтан жүктілік кезінде Энтерожермина® Форте препаратын қолдану қауіпсіздігіне қатысты қандай да бір қорытынды жасау мүмкін емес.
Энтерожермина® Форте препаратын жүктілік кезінде, егер ана үшін ықтимал пайда ұрық үшін қауіптерді қоса алғанда, ықтимал қауіптерден асып кетсе ғана пайдалану керек.
Емшек емізу
Қазіргі уақытта Энтерожермина® Форте препаратын емшек емізу кезінде қолдану, оның емшек сүтінің құрамына және нәрестеге әсері туралы деректер жоқ. Сондықтан емшек емізу кезінде Энтерожермина® Форте препаратын қолдану қауіпсіздігіне қатысты қандай да бір қорытынды жасау мүмкін емес.
Энтерожермина® Форте препаратын емізу кезінде, егер ананың ықтимал пайдасы емшек сүтін тұтынатын бала үшін қауіпті қоса, ықтимал қауіптерден асып кетсе ғана қолдану керек.
Ұрпақ өрбіту функция
Қазіргі уақытта Энтерожермина® Форте препаратының адамның ұрпақ өрбіту функциясына әсері туралы деректер жоқ.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат көлік құралын немесе қозғалатын механизмдерді басқару қабілетіне әсер етпейді.
Қолдану жөніндегі нұсқаулар
Дозалау режимі
Ересектер: күніне 1 құты.
Балаларға, өмірінің 4 аптасындағы емшек жасындағыларды қоса: күніне 1 құты.
Енгізу әдісі мен жолы
Ішке қабылдау үшін
Құтының ішіндегісін сұйылтпай қабылдайды және суда немесе басқа сусындарда (мысалы: сүтте, шайда, апельсин шырынында) сұйылтады.
Бұл препарат тек ішке қабылдауға арналған. Парентеральді енгізуге және басқа тәсілмен қолдануға болмайды! Суспензияның ластануын болдырмас үшін дәрілік зат бірден пайдаланылуы тиіс.
Емдеу ұзақтығы
Емдеу ұзақтығын дәрігер жеке анықтайды. Көрсетіліміне қарай емдеудің мынадай қолдану ұзақтығы ұсынылады:
- ішек микрофлорасы бұзылулары мен одан кейінгі эндогенді (салдарлы) дисвитаминозды (ішекте дәрумендер сіңуі мен игерілуінің бұзылуы салдарынан) емдеу: 5-7 күн жедел диарея болғанда, 30 күнге дейінгі созылмалы диарея кезінде;
- ішек микрофлорасы бұзылуларының және бактерияға қарсы ем кезіндегі кейінгі эндогенді дисвитаминоз профилактикасы: антибиотиктермен емдеу кезінде және антибиотиктермен емдеу аяқталған соң 1 аптаға дейін
- антибиотиктермен немесе химиотерапиямен емдеу кезінде өзгерген ішек микрофлорасын қалпына келтіру үшін қосымша емдеу: антибиотиктермен емдеу кезінде және антибиотиктермен емдеу аяқталғаннан кейін 1 аптаға дейін;
- улану немесе ішек дисбактериозы (дисмикробиозы) және дисвитаминоз туындатқан ересектер мен емшек жасындағылармен қоса, балалардағы жедел асқазан-ішек бұзылыстарын емдеу: жедел диарея 5-7 күн;
- улану немесе ішек дисбактериозымен (дисмикробиозбен) және дисвитаминозбен байланысты ересектер мен емшек жасындағылармен қоса, балалардағы созылмалы асқазан-ішек бұзылыстарын емдеу: созылмалы диарея 30 күнге дейін.
Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар
Осы препаратты қолдануға қатысты қандай да бір сұрақтар туындаған жағдайда емдеуші дәрігермен хабарласыңыз.
ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар
Жиілігі белгісіз
Инфекция және паразиттерді жұқтыру
- Бактериемия (иммун тапшылығы бар пациенттерде)
Тері және тері асты тіндері тарапынан бұзылулар
- Бөртпе, есекжем және Квинке ісінуін қоса, аса жоғары сезімталдық реакциялары
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет
Қосымша мәліметтер
Дәрілік препараттың құрамы
5 мл құтының құрамында
белсенді зат - антибиотиктерге полирезистентті Bacillus clausii споралары 4 млрд,
қосымша зат - тазартылған су.
Сыртқы түрінің, иісінің, дәмінің сипаттамасы
Сүтті-ақ түсті сұйықтық
Шығарылу түрі және қаптамасы
5 мл препараттан бір реттік полиэтилен құтыға құйылады. Құтыға өздігінен желімделетін заттаңба жапсырылады.
10 құтыдан медициналық қолдану жөніндегі қазақжәне орыс тілдеріндегі нұсқаулықпен бірге картон қорапшаға салынады.
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Сақтау шарттары
30 oС-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
Санофи С.р.Л., Италия
Мекенжайы: Viale Europa, 11, 21040, Ориджио, Италия
Тел: +39 02. 39.39.1
E- mail: sanofiaventis_spa@pec.it
Тіркеу куәлігінің ұстаушысы
Санофи С.р.Л., Италия
Мекенжайы: Viale Bodio, 37 / B-20158 Милан, Италия
Тел: +39 02. 39.39.1
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Санофи-авентис Қазақстан» ЖШС
Қазақстан Республикасы, 050013, Алматы, Н. Назарбаев д-лы, 187Б
телефон: +7 (727) 244-50-96