Имудон таблеткалар 50 мг № 24 Астанада

Дәрілік затты медициналық қолдану жөніндегі нұсқаулық

Имудон® Саудалық атауы Имудон®

Халықаралық патенттелмеген атауы Жоқ

Дәрілік түрі Соруға арналған таблеткалар

Құрамы Бір таблетканың құрамында: белсенді зат - Имудон® (бактерия лизаттарының қоспасы)* 2.70 мг (құрғақ затқа шаққанда), қосымша заттар: глицин, лактоза моногидраты, маннитол, повидон, натрий сахаринаты, натрий гидрокарбонаты, сусыз лимон қышқылы, магний стеараты, жалбыз хош иістендіргіші (бұрышты жалбыздың эфир майы және араб шайыры) * - Бактерия лизаттары - 0.1575** мг) (Lactobacillus acidophilus Lactobacillus helveticus Lactobacillus delbrueckii ss lactis Lactobacillus fermentum Streptococcus pyogenes groupe A Enterococcus faecium Enterococcus faecalis Streptococcus sangius groupe H Staphylococcus aureus Klebsiella pneumoniae ss pneumoniae Corynebacterium pseudodiphtheriticum Fusobacterium nucleautum ss fusiforme Candida albicans)

және қосымша заттар: Глицин - 2.00** мг) Натрий дезоксихолаты - 0.53** мг) Тиомерсал - 0.0125** мг көп емес). ** - есептік мөлшері

Сипаттамасы Жалпақ цилиндр пішінді, беті тегіс жылтыр, шеттері қиғашталған, жалбыз иісі бар ақ немесе ақ дерлік түсті таблеткалар, аздап мәрмәрлыққа жол беріледі.

Фармакотерапиялық тобы Стоматологиялық препараттар. Ауыз қуысы ауруларын жергілікті емдеуге арналған микробқа қарсы препараттар. Басқалары. АТХ коды А01АВ11

Фармакологиялық қасиеттері Фармакокинетикасы Препарат негізінен ауыз қуысында әсер етеді, қазіргі кезде жүйелі сіңуі жайында мәліметтер жоқ. Фармакодинамикасы Имудон® поливалентті антигенді кешен – бактерия лизаттарының қоспасы болып табылады, оның құрамы ауыз қуысында және жұтқыншақта қабыну үдерісін ең жиі туындататын қоздырғыштарға сәйкес келеді. Имудон® фагоцитозды белсенділендіреді, иммунокомпонентті жасушалар санының көбеюіне ықпал етеді, лизоцимнің және интерферонның, сілекейде секреторлы А иммуноглобулинінің өндірілуін арттырады.

Қолданылуы Ойық жаралы зақымдануларды қоса алғанда, ауыз қуысымен шектелген инфекциялық ауруларды адъювантты емдеуде: пародонтоз, пародонтит, стоматит, глоссит, герпестік стоматит ауыз қуысы мен жұтқыншақтың инфекциялық-қабыну аурулары ойық жаралы гингивит ауыз қуысы дисбактериозы фарингит созылмалы тонзиллит тіс протезінен болған ауыз қуысы шырышты қабығының жарақаты тіс жұлғаннан, тіс имплантациясынан кейінгі инфекциялық асқынулар тонзилэктомияда операцияға дейінгі дайындықта және операциядан кейінгі кезеңде

Қолдану тәсілі және дозалары Таблеткалар жергілікті қолдануға арналған, оларды ауыз қуысында шайнамай және сумен ішпей, сорады. Тәуліктік дозасы 6-дан 8 таблеткаға дейінді құрайды. 6-дан 14 жасқа дейін тәуліктік доза 6 таблетка. Емдеу курсының ұзақтығы 6-дан 8 күнге дейін.

Жағымсыз әсерлері Имудон® препаратымен емдеуде жағымсыз реакцияларының пайда болу жиілігін анықтау үшін клиникалық зерттеулердің деректері жеткілікті емес. Постмаркетингтік тәжірибеден алынған жағымсыз әсерлері жөнінде ақпарат төменде көрсетілген. Жиілігін анықтау мүмкін емес. – аса жоғары сезімталдық реакциялары (бөртпе, есекжем, ангионевроздық ісіну), эритема, экзема – жүрек айну, құсу, іштің ауыруы, диарея Өте сирек: емдеудің ерте сатысында дене температурасының түсініксіз 39°С-ден жоғары көтерілуі, ринофарингит, синусит, ларингит, бронхит, демікпе ұстамасы және жеке дара жөтел түйінді эритема, тромбоцитопения геморрагиялық васкулит

Қолдануға болмайтын жағдайлар -препаратқа немесе оның компоненттеріне жекелей жоғары сезімталдық -6 жасқа дейінгі балалар, дұрыс қолдана алмауына байланысты (жұтып қоюы немесе шайнауы) -аутоиммунды аурулардың болуы -жүктілік және лактация кезеңі -тұқым қуалайтын фруктоза көтере алмаушылық, Лапп лактаза тапшылығы, глюкоза - галактоза мальабсорбциясы

Дәрілермен өзара әрекеттесуі Имудонды® басқа топтағы дәрілік препараттармен қолдануға болады.

Айрықша нұсқаулар Көрсетілімдері препаратты ұзақ уақыт қолдануды талап етпейді. Егер симптомдары 8 күннен артыққа созылса және дене температурасының көтерілуімен қатар жүрмесе, емдеуді қайта қарау керек. Имудонның® құрамында лактоза болғандықтан, оны туа біткен глюкоза және галактоза мальабсорбциясы синдромы немесе лактаза тапшылығы сияқты сирек кездесетін туа біткен аурулары бар адамдарға қолдануға болмайды. Қант диабеті бар науқастарға абай болу керек. Пациентке сирек жағдайларда дене температурасының ешбір себепсіз 39°С-ден жоғарыға көтерілуі мүмкін екендігін ескерту керек. Мұндай симптомның алғашқы белгілерінде емдеуді жедел тоқтату қажет. Алайда, мұндай дене температурасының көтерілуін ЛОР-мүшелерінің ауруларына байланысты симптоматикалық көтерілуден айыра білу керек. Бронх демікпесі бар науқастарда иммунитетті күшейту мақсатында бактериялық лизаттар препараттарын қолдану кезінде демікпе ұстамаларының болғандығы жазылған. Демікпе ұстамасы дамыған кезде емдеуді жалғастыру ұсынылмайды. Қажет болған жағдайда препараттың емдік белсенділігін төмендетпеу үшін ауызды Имудон® препаратын қолданудан кейін 1 сағаттан ерте шаймаған дұрыс. Препаратты тұзсыз немесе тұзы аз диетаны ұстанатын пациенттерге тағайындағанда, Имудон® препаратының 1 таблеткасы құрамында 15 мг натрий бар екендігін ескеру қажет. Құрамында маннитол болуына байланысты орташа іш жүргізетін әсері болуы мүмкін. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Емдеу кезеңінде автомобильді немесе басқа механизмдерді басқаруға байланысты іс-әрекетке қандай да бір шектеулердің қажеттілігін дәйектейтін деректер жоқ.

Артық дозалануы Анықталмаған

Шығарылу түрі және қаптамасы Полиамид/алюминий/поливинилхлоридті композициялық материалдан жасалған (Amcor Flexibles Singen GmbH, Германия немесе Constantia Hueck Folien GmbH & Co. KG фирмасы, Германия) және баспалы лакталған алюминий фольгасынан жасалған немесе Amcor Flexibles Singen GmbH, Германия өндірісі жасаған пішінді ұяшықты қаптамаға 8 таблеткадан салынған. 3 немесе 5 пішінді ұяшықты қаптамадан мемлекеттік және орыс тіліндегі медициналық қолдану жөніндегі нұсқаулықпен бірге А маркалы немесе хром-эрзац картоннан жасалған қорапшаға салынады.

Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!

Сақтау мерзімі 2 жыл Жарамдылық мерзімі өткеннен кейін қолдануға болмайды.

Дәріханалардан босатылу шарттары Рецептісіз

Өндіруші "Фармстандарт-Томскхимфарм" ААҚ, Ресей, 634009, Томск қ, Ленин д-лы, 211 үй, тел./факс (3822) 40-28-56, www.pharmstd.ru

Тіркеу куәлігі ұстаушысының атауы және елі "Фармстандарт-Томскхимфарм" ААҚ, Ресей

Қазақстан Республикасы аумағында тұтынушылардан өнім сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы "Қарағанды фармацевтикалық кешені" ЖШС 100009, Қазақстан Республикасы, Қарағанды қ-сы, Газалиев к-сі, 16 құр. тел./факс: +7 (7212) 437002 тел.: + 7 (7212) 507322 E-mail: kphk@kphk.kz