Триметазидин-Тева таблеткалар 20 мг № 30 - бағасы Балхаше

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Триметазидин-Тева 20 мг

Халықаралық патенттелмеген атауы

Триметазидин

Дәрілік түрі, дозалануы

Қабықпен қапталған таблеткалар, 20 мг

Фармакотерапиялық тобы

Жүрек-қантамыр жүйесі. Кардиологиялық препараттар. Басқа кардиологиялық препараттар. Триметазидин.

АТХ коды С01ЕВ15

Қолданылуы

- ересектерге бақылауы жеткіліксіз немесе бірінші желідегі антиангинальді препараттар жақпаған кезде тұрақты стенокардиясы бар науқастарды симптоматикалық емдеу үшін қосымша ем ретінде

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- белсенді затқа немесе кез келген қосымша заттарға жоғары сезімталдық

- Паркинсон ауруы, паркинсонизм симптомдары, тремор, тынымсыз аяқ синдромы және басқа қимыл-қозғалыс бұзылыстары

- бүйрек функциясының ауыр бұзылуы (креатинин клиренсі <30 мл/мин)

- 18 жасқа дейінгі балалар мен жасөспірімдер (тиімділігі мен қауіпсіздігі анықталмаған)

- жүктілік және лактация кезеңі

Басқа дәрілік препараттармен өзара әрекеттесуі

Басқа препараттармен өзара әрекеттесу туралы деректер жоқ.

Арнайы ескертулер

Триметазидин дәрілік заты стенокардия ұстамаларын басу үшін арналмаған, ол сондай-ақ тұрақсыз стенокардия немесе миокард инфарктісі кезінде де бастапқы ем ретінде көрсетілмеген. Оны ауруханаға жатқызу алдында және ауруханаға жатқызылғаннан кейін алғашқы күндерде қолдануға болмайды.

Стенокардия ұстамасында, коронарлық тамырлар патологиясы қайта бағалануы тиіс және қолданылатын ем түзетілуі керек (дәрі-дәрмектік ем және реваскуляризация болуы мүмкін).

Триметазидин паркинсонизм симптомдарын (тремор, акинезия, гипертония) туындатуы немесе нашарлатуы мүмкін, бұл әсіресе егде пациенттерде ұдайы бақылануы тиіс. Күдікті жағдайларда пациенттер тиісті зерттеулер үшін неврологқа жіберілуі тиіс.

Паркинсонизм, тынымсыз аяқ синдромы, тремор, жүрістен жаңылу сияқты қимыл-қозғалыс бұзылыстары пайда болғанда препарат қабылдауды тоқтату керек.

Бұл жағдайдың жиілігі аз және әдетте препарат қабылдауды тоқтатқаннан кейін қайтымды. Пациенттердің көбінде триметазидин тоқтатқаннан кейін қалпына келу 4 ай бойына жүреді.

Егер паркинсонизм симптомдары препарат қабылдауды тоқтатқаннан кейін 4 айдан артық сақталса неврологқа қаралу керек.

Гипертензияға қарсы препараттар қабылдайтын пациенттерде көбіне жүрістен жаңылу немесе гипотензияға байланысты пациенттің құлауы мүмкін.

Препаратты триметазидиннің организмнен шығарылу уақыты ұлғайған пациенттер қабылдағанда сақ болу керек:

- бүйрек функциясының орташа бұзылуы,

- 75 жастан асқан егде жастағы пациенттер.

Препарат құрамында іш жүргізетін орташа әсер көрсетуі мүмкін маннитол бар.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бас айналу және ұйқышылдық көлік жүргізу және механизмдермен жұмыс істеу қабілетіне әсер етуі мүмкін.

Қолдану жөніндегі нұсқаулар

Дозалау режимі

Триметазидин-Тева 20 мг препаратын тамақтану кезінде тәулігіне 2-3 рет бір стақан суды іше отырып, 1 таблеткадан ішке қабылдайды. Емдеу ұзақтығы аурудың ауырлығы мен оның ағымына байланысты анықталады.

Ең жоғары бір реттік доза - 20 мг. Ең жоғары тәуліктік доза - 60 мг.

Бүйрек жеткіліксіздігі орташа пациенттерде (креатинин клиренсі 30-60 мл/мин) - тәулігіне 2 рет 1 таблеткадан тамақтану кезінде.

Егде жастағы пациенттерде - тәулігіне 2 рет 1 таблеткадан тамақтану кезінде.

Артық дозаланған жағдайда қабылдануы тиіс шаралар

Белгілері: артериялық гипотензия, қан кернеулері.

Емі: симптоматикалық.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар р

Жиі

- бас айналуы, бас ауыруы

- абдоминальді ауыру, диарея, диспепсия, жүрек айнуы, құсу

- бөртпе, тері қышынуы, есекжем

- астения

Сирек

- жүрек қағысы, экстрасистолия, тахикардия

- артериялық гипотензия; пациенттің дімкәстігімен, бас айналуымен немесе құлауымен байланысты болуы мүмкін, әсіресе гипертензияға қарсы препараттар қабылдайтын пациенттердегі ортостаздық гипотензия

- гиперемия

Жиілігі белгісіз

- ұйқының бұзылуы (ұйқысыздық, ұйқышылдық)

- паркинсонизм симптомдары (тремор, акинезия, гипертония), жүрістен жаңылу, тынымсыз аяқ синдромы, әдетте емдеуді тоқтатқаннан кейін қайтымды болатын басқа қимыл-қозғалыс бұзылыстары

- іш қату

- жедел жайылған экзантематозды пустулез, ангиоэдема

- агранулоцитоз, тромбоцитопения, тромбоцитопениялық пурпура

- гепатит

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

Қосымша мәліметтер

Дәрілік препараттың құрамы

Бір таблетканың құрамында

белсенді зат - 20 мг триметазидин дигидрохлориді,

қосымша зат - микрокристалды целлюлоза, түйіршіктелген маннитол, кополивидон К28, коллоидты кремнийдің қостотығы, магний стеараты,

құрамы қабық: гипромелоза, макроголь 6000, темірдің (III) қызыл тотығы Е172, титанның қостотығы Е171.

Сыртқы түрінің, иісінің, дәмінің сипаттамасы

Дөңгелек пішінді, екі беті дөңес, қызыл-қоңыр түсті, үлбірлі қабықпен қапталған таблеткалар.

Шығарылу түрі және қаптамасы

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.

3 немесе 6 пішінді қаптамадан қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Меркле ГмбХ, Ludwig- Merckle-Str. 3, 89143, Блаубойрен, Германия

+49 31 4027487, +49 31 402734

Тіркеу куәлігінің ұстаушысы

ратиофарм ГмбХ, Graf-Arco-Str. 3, 89079, Ульм, Германия

+49 31 4027487, +49 31 4027344

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ратиофарм Қазақстан» ЖШС, 050059 (А15Е2Р), Алматы қ-сы, Әл-Фараби д-лы 17/1, Нұрлы тау БО, 5Б, 6 қабат. Телефон: (727)3251615;

е-mail: info.tevakz@tevapharm.com; веб-сайты: www.teva.kz