Ацикловир көзге арналған жақпа 3% 5 гр Көкшетауда

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

АЦИКЛОВИР

Халықаралық патенттелмеген атауы

Ацикловир

Дәрілік түрі, дозалануы

Көзге арналған жақпамай, 3 %

Фармакотерапиялық тобы

Сезім мүшелері. Офтальмологиялық препараттар. Микробтарға қарсы препараттар. Вирусқа қарсы препараттар. Ацикловир.

АТХ коды S01AD03

Қолданылуы

- 1 немесе 2 типті Herpes simplex вирусынан туындаған герпестік кератитте.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- ацикловирге немесе валацикловирге аса жоғары сезімталдық

Қолдану кезінде қажетті сақтық шаралары

Емдеу неғұрлым ерте басталса (инфекцияның алғашқы белгілерінде), емдеу тиімділігі соғұрлым жоғары болады.

Ацикловир көз майымен емдеу кезеңінде ағзаның иммундық жүйесінің жағдайы маңызды. Ацикловир майын жергілікті қолдану аясында иммунитеті төмен пациенттерге препаратты жүйелі түрде тағайындау керек, сондай-ақ герпестік инфекцияның ауыр және қайталанатын ағымы кезінде.

Пациенттер АЦИКЛОВИР, 3% көзге арналған жақпамайды қолданған кезде жанаспалы линзаларды тағудан аулақ болу керек.

Басқа дәрілік препараттармен өзара әрекеттесуі

Иммуностимуляторлармен бірге қолдану ацикловирдің әсерін күшейтеді.

Арнайы ескертулер

Жүктлік және лактация кезеңі

Жүктілік кезінде препаратты қолдану анасын емдеудің ықтимал пайдасы шаранаға ықтимал қауіптен асқан жағдайда мүмкін.

Препарат ананың жүйелік қан айналымына енгеннен кейін емшек сүтінде болады, сондықтан емдеу кезеңінде емшек сүтімен емдеуді тоқтату керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қолданғаннан кейін көру қабылдауының айқындылығы уақытша төмендеуі мүмкін және оны қалпына келтіргенге дейін автомобильді басқару және жоғары назар мен реакцияны талап ететін қызмет түрлерімен айналысу ұсынылмайды.

Қолдану жөніндегі нұсқаулар

Дозалау режимі

Көзге арналған жақпамайдың ұзындығы 1 см-ге жуық жолағын конъюнктивалық қалтаның төменгі бөлігіне күніне 5 рет (әрбір 4 сағат сайын) жазылғанға дейін жағыды.

Емдеу жазылғаннан кейін тағы 3 күн жалғасады.

Енгізу жолы және тәсілі

Жергілікті.

Артық дозалану жағдайында қабылдау қажет болатын шаралар

Егер кездейсоқ жұтып қойса, артық дозалануы мүмкін.

Симптомдары: бас ауыруы, неврологиялық бұзылулар, ентігу, жүрек айну, құсу, диарея, бүйрек функциясының бұзылуы, летаргия, құрысулар, кома.

Емі: өміршең маңызды функцияларды демеу, гемодиализ.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жағымсыз әсерлерді жіктеу үшін жиіліктің келесі анықтамалары қолданылады: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000).

Өте жиі (≥1/10): емдеуді тоқтатуды қажет етпейтін және салдарсыз жоғалып кететін, беткейлік нүктелік кератопатия.

Жиі (≥ 1/100-ден < 1/10-ға дейін): қолданғаннан кейін бірден көзге аздап жану сезімі пайда болады, конъюнктивит

Сирек ( ≥1/10000-нан < 1/1000-ға дейін): блефарит

Өте сирек (<1/10000): ангионевроздық ісіну мен есекжемді қоса, жедел типті аса жоғары сезімталдық реакциялары.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

Қосымша мәліметтер

Дәрілік препараттың құрамы

Бір грамм жақпамайдың құрамында

белсенді зат – 0.03 г ацикловир,

қосымша зат: жұмсақ ақ парафин (вазелин) 1.00 г дейін.

Сыртқы түрінің, иісінің, дәмінің сипаттамасы

Ақ немесе сарғыш реңкті ақ, немесе сары түсті жақпамай.

Шығарылу түрі және қаптамасы

5 г-ден алюминий сықпаға салынады.

Әр сықпа медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Жарамдылық мерзімі

5 жыл

Ашқаннан кейін 30 күн ішінде пайдалану керек.

Жарамдылық мерзімі өткеннен кейін қолдануға болмайды!

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәлімет

«Синтез» ААҚ, Ресей

640008, Қорған қ-сы, Конституция даңғ., 7

Тел./факс: (3522) 48-16-89

Тіркеу куәлігінің ұстаушысы

«Синтез» ААҚ, Ресей

640008, Қорған қ-сы, Конституция даңғ., 7

Тел./факс: (3522) 48-16-89

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ИнтерФармасьютикал» ЖШС,

483110, Қазақстан Республикасы, Қаскелең қ., Бокин к-сі, 58

Тел.: 8-800-777-86-04; +7(903)799-21-86