Рефубел Адванс ішкі қолдануға арналған суспензия 200 мл - бағасы Қызылордада

Дәрілік затты медициналыққолдану

жөніндегінұсқаулық

РефубелАдванс®

Саудалық атауы

Рефубел Адванс®

Халықаралық патенттелмеген атауы

Жоқ

Дәрілік түрі

Ішуге арналған суспензия

Құрамы

10 мл суспензияның құрамында

белсенді заттар: 1000 мг натрий альгинаты,

200 мг калий гидрокарбонаты,

Қосымша заттар: кальций карбонаты, карбомер 974Р (карбопол 974Р), метилпарагидроксибензоат, пропилпарагидроксибензоат, натрий сахарині, жалбыз хош иістендіргіші, натрий гидроксиді, тазартылған су.

Сипаттамасы

Жалбыз иісі бар ақшылдан крем дерлік түске дейінгі тұтқыр суспензия.

Фармакотерапиялық тобы

Ас қорыту жолы және зат алмасу. Қышқылдылықтың бұзылуына байланысты ауруларды емдеуге арналған препараттар.Антацидтер. Басқа препараттармен біріктірілген антацидтер.

ATХкоды A02АХ

Фармакологиялық қасиеттері

Фармакокинетикасы

РефубелАдванс®препаратының әсер ету механизмі физикалық процесс болып табылады және жүйелік қан ағымына сіңірілуге байланысты емес.

Фармакодинамикасы

Ішке қабылдаған кезде суспензиябейтарап рН мәні бар альгин қышқылы гелінің қорғағыш қабығын түзе отырып асқазан қышқылымен тез реакцияға түседі, ол асқазанның ішіндегісімен тез және тиімді араласып, өңешті қышқылдан, пепсинді және өтті қорғай отырып, 4 сағат бойыгастроэзофагеальдірефлюкске кедергі келтіреді.

Қышқылдырегургитация жағдайында гельдіңасқазанның ішіндегісіне қарағанда өңешке түсу ықтималдығы зор, онда шырышты қабықтың тітіркенуін азайтады. Бұдан бөлек, альгин қышқылының гелінен алынған қорғағыш қабықша екінші қайтара әсер көрсетеді және құрылымның ішінде өт пен пепсинді сіңіруге қабілетті, өңешті асқазанның осы компоненттерінен қосымша қорғайды.

Қолданылуы

- гастроэзофагеальді рефлюкс симптомдарын емдеуде (қышқылды кекіру, қыжыл, тамақтанғаннан кейін асқазандағы ауырлық сезімі), соның ішінде жүктілік кезінде

Қолдану тәсілі және дозалары

Ересектер мен 12 жастан асқан балалар: 5-10 мл-ден тамақтанғаннан кейін және ұйықтар алдында.

12 жасқа дейінгі балаларға:тек дәрігердің тағайындауы бойынша беру керек.

Егде жастағы пациенттер: дозаны өзгерту қажет емес.

Жағымсыз әсерлері

Өте сирек (˂1/10000):

- аллергиялық реакциялар (есекжем)

- анафилаксиялық және анафилактоидты реакциялар

- бронх түйілуі

Қолдануға болмайтын жағдайлар

Белсенді заттарға немесе препарат компоненттерінің кез келгеніне жоғары сезімталдық.

Дәрілермен өзара әрекеттесуі

Препараттың құрамына кіретін кальций карбонаты антацидтік белсенділік көрсететіндіктен, Рефубел Адванс®пен басқа да препараттарды қабылдау арасында кемінде 2 сағат өтуі тиіс (әсіресе Н2 - гистаминді рецепторлар блокаторларымен, тетрациклин тобыныңантибиотиктерін, дигоксинді, фторхинолонды, темір тұздарын, кетоконазолды, нейролептиктерді, тиреоидты гормондарды, пеницилламинді, бета-адреноблокаторларды, глюкокортикостероидтарды, хлорохинді және дифосфаттар мен эстрамустинді бір мезгілде қабылдағанда).

Айрықша нұсқаулар

Егер симптомдар 7 күннен кейін қайтпаса, дәрігермен кеңесу қажет.

10 мл суспензияда натрий мөлшері 106 мг (4,6 ммоль)және калий мөлшері-78 мг (2,0 ммоль) құрайды.Мұны тұз мөлшері шектеулі диетаны ұстану қажет болғанда, мысалы, іркілісті жүрек жеткіліксіздігінің кейбір жағдайларында және бүйрек функциясы бұзылғандаескеру керек.

10 мл суспензияда 200 мг (2,0 ммоль) кальций карбонаты бар, мұны препаратты гиперкальциемиясы, нефрокальцинозы және созылмалы калькулезді пиелонефриті бар пациенттерге тағайындаған кезде ескеру қажет.

Препарат құрамында метилпарагидроксибензоат,пропилпарагидроксибензоат бар, олар аллергиялық реакция туғызуы мүмкін (баяу типті болуы мүмкін).

Жүктілік және лактация кезеңі

РефубелАдванс®жүктілік кезінде және егер қажет болса бала емізу кезеңінде қолданылуы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автокөлік және механизмдерді басқару, сондай-ақ жоғары зейін қоюды және психомоторлық реакциялар шапшаңдығын қажет ететін басқа да қауіптілігі зор қызмет түрлерімен айналысу қабілетіне әсер етпейді.

Артық дозалануы

Симптомдары:іш кебуі байқалуы мүмкін.

Емі: симптоматикалық.

Шығарылу түрі және қаптамасы

200 мл препараттан алғашқы ашылуы бақыланатын бұрандалы пластик қақпағы бар күңгірт шыны құтыға құйылған. Құтыға өздігінен желімденетін заттаңба жапсырылады.

1 құты пластик өлшеуіш қасықпен және медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек

Сақтау мерзімі

2 жыл

Құтыны ашқаннан кейін қолдану кезеңі – 3 ай.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз.

Өндіруші / Тіркеу куәлігінің ұстаушысы

«Нобел Алматы Фармацевтикалық Фабрикасы» АҚ,

Қазақстан Республикасы,

Алматы қ., Шевченко к-сі, 162 Е.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланысу деректері (телефон, факс, электронды пошта):

«Нобел Алматы Фармацевтикалық Фабрикасы» АҚ,

050008, Қазақстан Республикасы, Алматы қ., Шевченко к-сі, 162 Е.

Телефон нөмірі (+7 727)399-50-50

Факс нөмірі: (+7727)399-60-60