Асқорыту жолы және зат алмасу. Диареяға қарсы ішектік қабынуға қарсы / микробқа қарсы препараттар. Ішекке арналған микробқа қарсы препараттар. Ішекке арналған микробқа қарсы басқа да препараттар. Нифуроксазид.
АТХ коды А07АХ03
Қолданылуы
Шығу тегі бактериялық жедел және созылмалы диареяда.
Диареямен байланысты басқа ауруларда, мысалы, тамақтан жедел улану.
Қолдануға болмайтын жағдайлар
- препарат компоненттеріне, оның ішінде 5-нитрофуранның басқа туындыларына жоғары жекелей сезімталдық;
- шала туған нәрестелер және бір айлық жаңа туған сәбилер;
- жүктілік.
Қолдану кезінде қажетті сақтандыру шаралары
емделу кезеңінде алкогольді тұтынбаған жөн.
Басқа дәрілік препараттармен өзара әрекеттесуі
Стопдиарды дисульфирам тәрізді реакцияларға әкелетін препараттармен біріктіріп қолдану ұсынылмайды. Стопдиар препаратымен емдеу кезінде алкогольді тұтыну дисульфирам тәрізді реакцияларды тудыруы мүмкін.
Препаратпен емдеу барысында препараттың күшті абсорбциялық қасиеттеріне байланысты басқа да пероральді дәрілік заттарды бір мезгілде қабылдауға болмайды.
Арнайы сақтандырулар
Стопдиар препаратын 7 күннен артық қабылдау ұсынылмайды. 3 күндік емдеуден кейін жалғасқан диарея жағдайында әрі қарай емдеу тәсілі туралы мәселені шешу үшін дәрігердің кеңесі қажет.
Ауыр инвазиялық диарея жағдайында антибиотик енгізу керек, өйткені Стопдиар препараты асқазан-ішек жолынан сіңбейді.
Препаратты қолдану кезеңінде шырындарды, шикі көкөністер мен жемістерді, ащы және қорытылуы қиын өнімдер мен тағамдарды, сондай-ақ мұздатылған тағамдар мен салқын сусындарды қоспай диетаны сақтау қажет. Қуырылған ет пен күрішті қолдану ұсынылады.
Аса сезімталдық реакциясы (ентігу, ісіну, тері бөртпесі, қышыну) пайда болған жағдайда препаратты қабылдауды тоқтату керек. Препараттың айқын адсорбциялық қасиеттеріне байланысты басқа дәрілік заттарды бір мезгілде пероральді қабылдаудан аулақ болу керек. Стопдиар препаратымен емдеу кезінде алкогольді ішімдіктерді қабылдауға болмайды, өйткені алкоголь организмнің препаратқа сезімталдығын арттырады және дисульфирам тәрізді реакцияны қоздыруы мүмкін, ол диареяның өршуімен, құсумен, іш ауыруымен, тері гиперемиясымен, бет пен дененің жоғарғы бөлігінің ысу сезімімен, бастың шуылдауымен, тыныс алудың қиындауымен, тахикардиямен, қорқыныш сезімімен көрінеді.
Егер препаратпен емдеу кезеңінде сусыздану симптомдары пайда болса, пациенттің клиникалық жағдайына сәйкес сұйықтықтың, тәтті және қантсыз сусындардың (ересектер үшін тәулігіне шамамен 2 литр сұйықтық) көп мөлшерімен регидратациялық ем жүргізу керек. Ауыр және ұзаққа созылған диарея, ауыр құсу және анорексия жағдайында венаішілік регидратациялық ем жүргізу қажеттілігін бағалау керек.
Препарат құрамында сахарозаның болуына байланысты фруктоза жақпаушылығымен, глюкоза-галактозаның нашар резорбциясы синдромымен немесе сахараза-изомальтазаның жетіспеушілігімен байланысты сирек тұқым қуалайтын бұзылулары бар пациенттер осы дәрілік затты қабылдамауы тиіс.
Құрамында метилпарагидроксибензоаттың болуына байланысты препарат баяу типті аллергиялық реакцияларды тудыруы мүмкін.
Жүктілік немесе лактация кезінде
Сақтық шарасы ретінде Стопдиар препаратын жүктілік кезінде және бала емізу кезеңінде қолдануға болмайды. Контрацепцияның тиімді әдістерін пайдаланбайтын бала туатын жастағы әйелдерде Стопдиар препаратын қабылдауға болмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Қолдану жөніндегі нұсқаулар
Дозалау режимі
Стопдиар, суспензия төмендігелерге тағайындалады:
2 айдан 6 айға дейінгі балаларға: 110 мг-ден (2,5 мл, суспензияның кіші өлшегіш қасығымен) тәулігіне 2 рет, әрбір 12 сағат сайын.
7 айдан 6 жасқа дейінгі балаларға: 220 мг-ден ( 5 мл, суспензияның үлкен өлшегіш қасығымен) тәулігіне 3 рет әрбір 8 сағат сайын.
Ересектер мен 7 жастан асқан балаларға: 220 мг-ден (5 мл, суспензияның үлкен өлшегіш қасығымен) тәулігіне 4 рет әр 6 сағат сайын.
Стопдиарды қабылдар алдында біртекті суспензия алу үшін құтыны бірнеше рет сілку керек. Тағайындалған дозаны өлшегеннен кейін суспензияны жұтып қою керек, оны сумен ішуге болады.
Емдеу ұзақтығы
Препаратты емдеу курсы 7 күннен аспайды. Емдеудің 2 күні ішінде препараттың тиімділігі болмаған жағдайда, емдеуді түзету үшін дәрігердің кеңесі қажет.
Жедел диареяны препаратпен емдеу кезінде пациенттің жалпы жағдайына байланысты организмдегі сұйықтық тапшылығын үнемі пероральді немесе венаішілік толтыру міндетті болып табылады.
Енгізу әдісі мен жолы
Ішке қабылдауға арналған.
Артық дозалану жағдайында қабылдау қажет болатын шаралар
Симптомдары: жағымсыз әсерлердің күшеюі, ұйқышылдық және диарея.
Емі: организмнің өмірлік маңызды функциясын мұқият мониторнигілеу, асқазанды шаю, симптоматикалық ем.
Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер
Егер препаратты қолдану әдісіне қатысты күмән туындаса, емдеуші дәрігермен кеңесіңіз.
Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Сирек (≥1/10 000-нан <1/1 000 дейін)
- тері реакциялары (бөртпе, тері пустулезі, жанаспалы аллергия).
Жиілігі белгісіз (қолда бар деректер негізінде анықтау мүмкін емес):
- аллергиялық реакциялар: тері бөртпесі, есекжем, Квинке ісінуі, анафилаксиялық шок.
Гранулоцитопения дамуының бір жағдайы туралы хабарланды (ақ қан денешіктерінің белгілі бір түрінің — гранулоциттер санының азаюы).
Нифуроксазидке аса сезімталдықтың жеке жағдайларында іштің ауыруы, жүрек айнуы және диареяның өршуі туындады. Қарқындылығы елеусіз ондай симптомдар пайда болған жағдайда арнайы ем қолдану немесе нифуроксазидті қолдануды тоқтату қажеттілігі жоқ. Егер симптомдар айқын болса, дәріні қабылдауды тоқтату керек. Бұл жағдайда пациентке нитрофуран туындыларын тағайындаудан аулақ болу керек.
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
Банан иісі бар ашық-сары түсті суспензия. Сақтау барысында сәл шөгеді, сілкігеннен кейін құты түбінде қою шөгінді түзбей, біртекті суспензияға айналады
Шығарылу түрі және қаптамасы
90 мл препараттан полиэтилен қалпақшасымен тығындалған қызыл-сары шыныдан жасалған құтыларда. 1 құтыдан сыйымдылығы 2,5 мл және 5 мл екі еселенген өлшегіш қасығымен және медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.
Сақтау мерзімі
3 жыл
Құтыны алғаш ашқаннан кейінгі қолдану кезеңі - 3 ай.
Жарамдылық мерзімі өткеннен кейін қолдануға болмайды!
Сақтау шарттары
25 0C-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәліметтер
«Гедеон Рихтер Румыния» А.О., Румыния,
Тыргу Муреш, Кузе Воде к-сі 99-105
Тіркеу куәлігінің ұстаушысы
«Гедеон Рихтер» ААҚ
Венгрия, Н-1103 Будапешт, Дёмрёи к-сі, 19-21
Тел: +361-431-4000, +361-431-4782, +361-431-4985
Факс: + 361-431-5944
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Гедеон Рихтер» ААҚ ҚР өкілдігі, Алматы қ., Төле Би к-сі, 187
Стопдиар суспензия 220 мг/5 мл 90 мл бағасы (қазан 2026)
🌟 Ең төменгі баға
3 050 ₸
🌟 Орташа бағасы
3 247 ₸
🌟 Ең жоғары баға
3 540 ₸
🌟 Ең жиі кездесетін баға
3 170 ₸
Бағалар тарихы
Орташа баға
Танымал баға
Қызылорда қаласында ең тиімді бағаны қалай табуға болады
Дәріханаларды баға бойынша іріктеу үшін “Сүзгі” түймесін, одан әрі “Бағасы бойынша, 1… бастап …” және “Таңдау” деген түймені басыңыз. Дәріханадағы ең төмен баға сіздің алдыңызда. I-teka сервисінің көмегімен үнемдеңіз!
Жеткізу
Қызылорда қаласында дәрі-дәрмекті тез жеткізу керек пе? Қажетті дәрілерді “Сатып алу” түймесі бойынша кәрзеңкеге салып, “Дәріхананы таңдау” түймесін басып тапсырыс ресімдеңіз, содан соң біздің курьерлеріміз дәрі-дәрмектерді үйге немесе жұмысқа тиімді бағалармен жеткізеді. Дәрілерді жеткізудің орташа бағасы қазіргі сәтте 1500 тг. бастап 2500 тг. дейін (құны тәуліктің уақытынан және дәріхана мен жеткізу мекенжайының ара-қашықтығына байланысты).
Брондау және өзі тасымалдау
Біздің сервис дәрілердің брондауға төлем жасап, ыңғайлы уақытта өзіңіз алып кетуге мүмкіндік береді! Тапсырысты ресімдеген кезде, “Дәріханадан алып кету” түймесін басыңыз, біз сіздің тапсырысыңызды брондап, оны алуға арналған код жібереміз. Маңызды: препараттарды дәріханадан алып кету оның бар екенін дәріхана растағаннан кейін мүмкін болады.
Бағалардың өзектілігі
Сайттағы деректер үнемі жаңартылып тұрады. Дәріхананың карточкасында біз бағаның қашан жаңартылғанын көрсетеміз - 2 сағ. бұрын, кеше, 10 мин. бұрын, 5 мин. бұрын, және т.б.
Керек дәріні таппадыңыз ба? Күн сайын біз сайтқа жаңа дәріханалар мен дәріхана жүйелерінің нүктелерін қосамыз. Мысалы, бізден таба аласыздар: Gold medicine дәріханалары, Mega Pharm әлеуметтік дәріханалары, "Алмасат" дәріханалары, "Salamat" дәріханалары, ТБД (Төмен Баға Дәріханалары), Гиппократ және басқалар. Жаңартуларды бақылаңыздар!
Стопдиар суспензия 220 мг/5 мл 90 мл басқа қалаларда
Яндекс Такси шақыру 
WhatsApp-қа жазу 