Виасил таблеткалар 100 мг № 10 - бағасы Қызылордада

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Виасил

Халықаралық патенттелмеген атауы

Силденафил

Дәрілік түрі, дозасы

Үлбірлі қабықпен қапталған таблеткалар, 50 мг және 100 мг

Фармакотерапиялықтобы

Урологиялық препараттар. Басқа урологиялық препараттар. Эректильді дисфункция кезінде қолданылатын препараттар. Силденафил.

ATХ коды G04B E03

Қолданылуы

Виасил сексуалдық белсенділікті қанағаттандыру үшін жеткілікті жыныс мүшесінің эрекциясына жетуге немесе оны сақтауға қабілетсіздігімен сипатталатынэректильді дисфункциясы бар ересек ерлерге көрсетілген.

Виасил препаратының тиімді әсері үшін сексуалдықстимуляция қажет.

Қолданудың басталуына дейін қажетті мәліметтер тізбесі

Қолдануға болмайтын жағдайлар

Силденафилге немесе дәрілік заттың кез келген басқа компонентіне аса жоғары сезімталдық.

Азот тотығы / циклдықгуанозинмонофосфат (цГМФ) алмасуына белгілі әсер етуіне орай,силденафил нитраттардың гипотензиялық әсерін күшейтеді, сондықтан оны азот тотығы донаторларын (мысалы, амилнитрит сияқты) немесе нитраттарды кез келген түрлерінде қабылдап жүрген пациенттерде қолдану қарсы көрсетілімді.

Симптоматикалық артериялық гипотензияға әкелу ықтималдығы зор болғандықтан, силденафилді қоса, ФДЭ-5 тежегіштерін риоцигуат сияқты гуанилатциклазастимуляторларымен бір мезгілде қабылдауқарсы көрсетілімді.

Эректильді дисфункцияны емдеуге арналған дәрілер, оның ішінде силденафилсексуалдық белсенділікке кеңес берілмейтін ерлерде (мысалы, тұрақсыз стенокардия немесе ауыр жүрек жеткіліксіздігі сияқты ауыр жүрек-қантамыр аурулары бар пациенттерде)пайдаланылмауы тиіс.

Бұл патологияныңосының алдындағы ФДЭ-5 тежегіштерін қолданумен байланысты немесе байланыссыз екеніне қарамастан, артериит (NAION) себебінен болмайтын көру жүйкесінің алдыңғы ишемиялық оптикалық нейропатиясы салдарынан бір көзі көрмей қалған пациенттерге қарсы көрсетілімді.

Силденафил қауіпсіздігі пациенттердің келесі қосалқы топтарында зерттелмеген, сондықтан да оныбауырдың ауыр жеткіліксіздігі, артериялық гипотензия (АҚ <90/50 мм сын.бағ.), таяуда өткерілген инсульт немесе миокард инфарктісі және пигментті ретинит сияқтытұқым қуалайтын дегенеративтікторқабықауруларыкезінде пайдалану қарсы көрсетілімді (осындай пациенттердің шағын санындаторқабықфосфодиэстеразасының генетикалық бұзылыстары бар).

Қолдану кезіндегі қажетті сақтандыру шаралары

Препаратпен емдеудің басталуына дейін эректильді дисфункция дамуының ықтимал себептерін анықтау және диагноз қою үшін анамнезді мұқият жинау және пациентті тексеру жүргізілуі тиіс.

«Арнайы сақтандыруларын» қараңыз.

Педиатрияда қолдану

Педиатриялық қауымның барлық қосалқы топтарында эректильді дисфункцияны емдеу нәтижелері туралы деректер жоқ.

Жүктілік немесе лактация кезінде

Силденафил әйелдерде қолдануға арналмаған.

Жүктілік кезінде және бала емізу кезеңінде әйелдерде талапқа сай және жақсы бақыланатын зерттеулер жүргізілмеген. Ішке қабылданатын силденафилдің егеуқұйрықтар мен үй қояндарында тұқым өрбіту функциясына әсер етузерттеулерінде маңызды жағымсыз реакциялар анықталмаған.

Фертильділік

Дені сау еріктілердің силденафилді 100 мг дозада бір рет пероральді қолдануы сперматозоидтар қозғалғыштығына немесе морфологиясына ықпал етпеді.

Препараттың көлік құралын немесе қауіптілігі зор механизмдерді  басқару қабілетіне әсер ету ерекшеліктері

Препарат автокөлік басқару және машиналарды пайдалану қабілетіне мардымсыз әсер етуі мүмкін.

Басқа дәрілік препараттармен өзара әрекеттесуі

Басқа дәрілік заттардың силденафилге әсері

Күшті әсер ететін Р450тежегіші (күніне екі рет 500 мг) болып табылатын ритонавирдің АИТВ протеазасы тежегішінің тепе-тең концентрациясы аясында силденафилдің бір реттік дозасын (100 мг) бір мезгілде қабылдау силденафилCmax артуына алып келеді. 24 сағат өткен соңсилденафилдің плазмалық деңгейі, тек силденафилді енгізуден кейінгі шамамен 5 нг/мл-мен салыстырғанда, 200 нг/мл жуық құрады. Бұл ритонавирдің P450 субстраттарының кең ауқымына көрсетілген әсеріне сәйкес келеді. Силденафилритонавирдіңфармакокинетикасынаықпал етпейді. Силденафилдіритонавирмен енгізу ұсынылмайды, кез келген жағдайда силденафилдің ең жоғары дозасы ешқандай оқиғада да 48 сағат ішінде 25 мгмөлшерінен аспауы тиіс.

Қандағы саквинавирдің тұрақты концентрациясынажету аясында силденафилдіңбір реттік дозасын (100 мг) және саквинавирді (күніне үш рет 1200 мг), АИТВ протеазасының тежегіші мен CYP3A4 тежегішін бір мезгілде қабылдауCmaxмәнінің артуына алып келеді. Силденафилсаквинавирдіңфармакокинетикасынаықпал етпейді. Кетоконазол және итраконазол сияқты күштірек CYP3A4 тежегіштері өте айқын өзгерістерді тудыруы мүмкін.

Қандағы эритромициннің тұрақты концентрациясына жету аясында силденафилдіңбір реттік дозасын (100 мг) және эритромицинді (5 күн бойы күніне екі рет 500 мг) бірге қолдану бүкіл қадағалау кезеңі ішінде силденафилдіңжиынтық мөлшерінің артуына алып келеді. Циметидин (800 мг), Р450 цитохромы тежегішін және спецификалық емес CYP3A4 тежегішінсилденафилмен (50 мг) бірге қабылдауплазмада силденафил концентрациясының жоғарылауын тудырды.

Грейпфрут шырыны CYP3A4 әлсіз тежегіші болып табылады және қан плазмасында силденафил деңгейінің мардымсыз жоғарылауын тудыруы мүмкін.

Антацидтердің (магний гидроксиді/алюминий гидроксиді) бір реттік дозалары силденафилбиожетімділігіне ықпал етпейді.

CYP2C9 тежегіштері (толбутамид, варфарин сияқты), CYP2D6 тежегіштері (серотонинді кері қармайтынселективті тежегіштер, трициклдыантидепрессанттар сияқты), тиазидті және тиазид тәрізді диуретиктер, ілмекті және калий жинақтаушы диуретиктер, ангиотензин өзгертуші фермент тежегіштері және кальций өзекшелерінің блокаторлары, β-адренорецепторларантагонистері немесе CYP450 метаболизмі индукторлары (рифампицин, барбитураттар сияқты)силденафилфармакокинетикасынаықпал етпейді.

Эндотелин, бозентанантагонисін(CYP3A4, CYP2C9 және мүмкін CYP2C19 изоферменттерінің орташа индукторы) тепе-тең күйде (күніне екі рет 125 мг) және силденафилді тепе-тең күйде (күніне үш рет 80 мг) бірге қолдану силденафилCmaxмәнінің төмендеуіне әкелді. Осылайша, рифампицин сияқты күшті CYP3A4 индукторларын қатар қолдану қан плазмасында силденафил концентрациясының одан да көп төмендеуін тудырды.

Никорандилдің калий өзекшелерін белсендіргіш қасиеттері және нитрат тәрізді әсері бар. Никорандилдің нитратты компоненті силденафилмен клиникалық мәнді өзара әрекеттесуге түсу қабілеті зор.

Силденафилдің басқа дәрілік заттарға әсері

Силденафил мен теофиллин және дипиридамол сияқты фосфодиэстеразаныңспецификалықемес тежегіштерінің өзара әрекеттесуі туралы мәліметтер жоқ.

NO/цГМФ дабыл каскадына белгілі әсеріне сәйкес,силденафил нитраттардың гипотензиялықәсерін күшейтеді, сондықтан азот тотығы донаторларымен немесе кез келген түрдегінитраттармен бір мезгілде қолдану қарсы көрсетілімді.

Риоцигуат ФДЭ-5 тежегіштерінің гипотензиялық әсерін күшейтті.

Силденафилді қоса, ФДЭ-5 тежегіштерімен риоцигуаттыбір мезгілде қолдануқарсы көрсетілімді.

Силденафилдіα-адреноблокаторын қабылдап жүрген пациенттердің бір мезгілде қолдануы жекелеген бейімділігі бар пациенттерде симптоматикалықгипотензияға алып келуі мүмкін. Бұл жай-күйдің дамуы силденафил дозасын қабылдаудан кейін 4 сағат ішінде болуы бәрінен ықтималды. Доксазозинмен ем кезінде жай-күйі тұрақты пациенттерге силденафил мен доксазозин бір мезгілде тағайындалғанда симптоматикалықпостуральдігипотензияның сирек жағдайлары аталды. Осындай жағдайларда пациенттердегі симптомдарға бас айналу жатады, бірақ естен тану болмады.

Силденафилді (50 мг) CYP2C9 арқылы метаболизденетін дәрілік заттармен –толбутамидпен (250 мг) немесе варфаринмен (40 мг) бірге қабылдағанда маңызды өзара әрекеттесулері анықталмады.

Силденафил (50 мг) ацетилсалицил қышқылынан (150 мг) туындаған қан кету кезеңін ұзартпайды.

Силденафил (50 мг) қандағы алкогольдің орташа ең жоғары деңгейі 80 мг/дл болатын дені сау еріктілерде алкогольдің гипотензиялық әсерін күшейтпейді.

Силденафилді қолданған пациенттерде гипертензияға қарсы дәрілік заттардың осындай кластарын: диуретиктер, β-адреноблокаторлар, АӨФ тежегіштерін, ангиотензин II рецепторларының антагонистерін, гипертензияға қарсы дәрілік заттар (тамыр кеңейтетін және орталық әсер ететін), нейрондар адреноблокаторларын, кальций өзекшелерініңблокаторларын және альфа-адреноблокаторларды бір мезгілде қолдану кезінде,плацебомен салыстырғанда, қауіпсіздік бейінініңерекшеліктері білінбеді.

Силденафил (100 мг) саквинавир мен ритонавирдің, CYP3A4 изоферментінің субстраттары болып табылатын АИТВ протеазасы тежегіштерінің тепе-тең концентрациясының фармакокинетикасынаықпал етпеді.

Арнайы сақтандырулар

Жүрек-қантамыр ауруларының қауіп факторлары

Эректильді дисфункцияныңкез келген емдеуінің басталуына дейін дәрігер пациенттердің жүрек-қантамыр жүйесінің жағдайын ескеруі тиіс, өйткені жыныстық белсенділікке байланысты жүрек қаупінің белгілі бір дәрежесі бар. Силденафил тамырлардың жүйелі кеңеюін тудыруы мүмкін, бұл қан қысымының аздап өткінші төмендеуіне әкеледі. Көптеген пациенттер үшін іс жүзінде оның зардаптары жоқ. Алайда, силденафилді тағайындауға дейін дәрігеросы нақты пациент үшін, әсіресе, сексуалдық белсенділігімен бірге оның жай-күйінескере отырып, осындай тамыр кеңейтетін әсерінің болжамды зардаптарын мұқият қарастыру керек. Силденафил сол жақ қарыншадан қан қиындықпен ағып шығатын (мысалы, қолқа стенозы, гипертрофиялық обструкциялықкардиомиопатия кезінде) және вегетативті жүйке жүйесі тарапынан артериялық қысымды автономды реттеудің ауыр бұзылуымен көрініс беретін көптеген жүйелі атрофияның сирек синдромы бар пациенттерді қоса, вазодилататорларға сезімталдығы жоғары пациенттерге қарсы көрсетілімді.

Силденафил нитраттардың гипотензиялық әсерін күшейтеді.

Силденафилді қолданумен уақытша байланысты болатын күрделіжүрек-қантамыр асқынуларының жағдайлары (оның ішінде миокард инфарктісі, тұрақсыз стенокардия, кенеттен коронарлық өлім, қарыншалық аритмия, геморрагиялық инсульт, транзиторлықишемиялық шабуыл, артериялық гипертензия және гипотензия)тіркелді. Бұл пациенттердің көпшілігінде, бірақ бәрінде бірдей емес, жүрек-қантамыр асқынуларының қауіп факторлары болды. Атап көрсетілген жағымсыз құбылыстардың көбі сексуалдық белсенділіктен кейін тезарада байқалды, ал олардың кейбірі силденафилді кейінгі сексуалдық белсенділіксіз қабылдаудан кейін білінді. Осы құбылыстар мен көрсетілген немесе өзге факторлардың арасында тікелей байланыс болуын анықтау мүмкін емес.

Приапизм

Эректильді дисфункцияны емдеуге арналған дәрілік заттар, оның ішінде силденафил жыныс мүшесінің анатомиялық деформациясы бар пациенттерде (мысалы, ангуляция, қуыстыфиброз немесе Пейрони ауруы) немесе приапизм дамуына бейімдейтін аурулары бар пациенттерде (орақ пішіндес-жасушалық анемия, көптеген миелома немесе лейкемия сияқты) сақтықпен қолданылуы тиіс.

Силденафилді тіркеуден кейін қолдану барысында ұзаққа созылған эрекция мен приапизм дамуы туралы хабарламалар келіп түсті. Егер эрекция 4 сағаттан артық созылса, пациент шұғыл медициналық көмекке жүгінгені жөн. Егер приапизмде шұғыл шаралар қабылданбаса, жыныс мүшесі тіндерінің зақымдануы және потенцияның қайтымсыз жоғалуы мүмкін.

Басқа ФДЭ-5 тежегіштерімен немесе эректильді дисфункцияны емдеудің басқа әдістерімен бірге қолдану

Басқа ФДЭ-5 тежегіштерімен немесе өкпенің артериялық гипертензиясын емдеуге арналған құрамында силденафил бар басқа дәрілік заттармен, сондай-ақэректильді дисфункцияны емдеуге арналған басқа дәрілік заттарменбіріктірілімде қолдану кезінде силденафилдің қауіпсіздігі мен тиімділігі зерттелмеген, сондықтан осындай біріктірілімдер пайдалануға ұсынылмайды.

Көруге әсері

Маркетингтен кейінгі зерттеулерде силденафил мен басқа ФДЭ-5 тежегіштерін қолдану кезінде көру қабілетінің төмендеуіне немесе көрмей қалуға әкелетін артериитпен байланысты емес алдыңғы ишемиялық көру нейропатиясы сирек жағдайларда білінді. Пациенттерді көрудің кенеттен бұзылуы жағдайында силденафил қабылдауды тоқтатып, дәрігермен кеңесуі керек екенінен хабардар ету қажет.

Ритонавирмен бірге қабылдау

Силденафил мен ритонавирді бірге қолдану ұсынылмайды.

Альфа-адреноблокаторлармен бірге қабылдау

Силденафилді альфа-адреноблокаторлар қабылдап жүрген пациенттерге сақтықпен тағайындау керек, өйткені олардың ішіндегі аздағансезімталдау бөлігінде бұл симптоматикалықгипотензияға алып келуі мүмкін. Осы жай-күй дамуының дәрілік зат дозасын қабылдаудан кейін 4 сағат ішінде байқалу ықтималдығы зор.Постуральдігипотензияның даму ықтималдығын барынша төмендету үшін пациенттер силденафил қолдану басталуына дейін альфа-блокаторлармен ем жүргізілгенде гемодинамикасы тұрақты күйде болуы тиіс. Силденафилқолдануды төменірек дозалардан (25 мг) бастау ұсынылады. Бұдан бөлек, дәрігерлер пациенттерге постуральдігипотензия симптомдары пайда болған жағдайда не істеу керектігі туралы нұсқау беру қажет.

Қан ұюына әсері

Қан ұюыныңбұзылулары немесе жедел пептидтік ойық жара бар пациенттерде силденафилді қолдану қауіпсіздігі туралы деректер жоқ, сондықтан осындай пациенттерге силденафил пайда/қауіп арақатынасын мұқият бағалаудан кейін тағайындалу керек.

Әйелдерде қолдану

Дәрілік зат әйелдерге қолдануға арналмаған.

Препарат құрамында лактоза бар. Оны сирек тұқым қуалайтын аурулары: туа біткен галактоземия, лактаза тапшылығы, глюкоза/галактозамальабсорбциясы синдромы бар ерлерге тағайындауға болмайды.

Қолдану жөніндегі нұсқаулар

Дозалау режимі

Ересек пациенттерде қолдану

Пациенттердің көпшілігіне ұсынылатын доза жыныстық қатынастан 1 сағат бұрын қолданылатын 50 мг құрайды. Препараттың тиімділігі мен жағымдылығына қарай, дозаны 100 мг дейін арттыруға немесе 25 мг дейін азайтуға болады. Ұсынылатын ең жоғары доза 100 мг құрайды.  Ең жоғары ұсынылған дозаны қабылдау жиілігі - күніне 1 рет. Препарат белсенділігі көрінісінің басталу уақытын, аш қарынға қабылдаумен салыстырғанда, ас ішумен ұзартуға болады.

Пациенттердің ерекше топтары

Бауыр функциясының бұзылуы бар пациенттер

Бауыр функциясының бұзылуы бар науқастарда (мысалы, цирроз кезінде) силденафилклиренсі төмендегендіктен, силденафил препаратын 25 мг дозасында пайдалану ұсынылады. Тиімділігі мен жағымдылығына қарай, дозаны 50 мг дейін, одан кейін қажет болса 100 мг дейін сатылап арттыруға болады.

Бүйрек функциясының бұзылуы бар пациенттер

Ауырлығы жеңіл және орташа дәрежедегі бүйрек функциясының бұзылуы бар пациенттерде (креатининклиренсі 30-80 мл/мин шегінде) дозаны түзету қажет емес.

Бүйрек функциясының ауыр бұзылуы бар науқастарда силденафилклиренсінің төмендеуіне байланысты (креатининклиренсі < 30 мл/мин) силденафил препаратын 25 мг дозада қолдану керек. Тиімділігі мен жағымдылығына қарай, дозаны 50 мг дейін, одан кейін қажет болса 100 мг дейін сатылап арттыруға болады.

Балалар жасында қолдану

Препарат балалар мен 18 жасқа толмаған жасөспірімдерде қолдануға көрсетілмеген.

Егде жастағы пациенттер:

Егде жастағы (≥65 жас)пациенттерде дозаны түзету қажет емес.

Басқа дәрілік заттарды қабылдайтын пациенттерде қолдану

Силденафилмен бір мезгілде қабылдау ұсынылмайтын ритонавирді қоспағанда, CYP3A4 тежегіштерімен қатар емделіп жүрген пациенттерде 25 мг бастапқы дозасын тағайындау керек.

Альфа-блокаторлармен емделіп жүрген пациенттерде постуральді гипотонияның даму ықтималдығын барынша азайту үшін пациенттер силденафилмен емдеудің басталуына дейін альфа-блокаторлармен емде тұрақтануы тиіс. Бұдан бөлек, силденафилді 25 мг дозада енгізу мүмкіндігін қарастыру керек.

Енгізу әдісі және жолы

Ішке қабылдау үшін.

Артық дозалану жағдайында қабылдау қажет болатын шаралар

Симптомдары:Бас ауыру, қан кернеулер, бас айналу, диспепсия, мұрын бітелуі, көрудің бұзылуы.

Емдеу: Артық дозалану жағдайларында, қажет болса, стандартты демеуші шаралар қабылдануы тиіс. Бүйрек диализініңклиренстіжеделдетпеуі күтіледі, өйткені силденафил плазма ақуыздарымен тығыз байланысты және несеппен шығарылмайды.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар (қажет болса)

Өте жиі

- бас ауыру;

Жиі

- бас айналу,

- түстің көзге бұрмаланып көрінуі**,

- көру қабілетінің бұзылулары,

- көмескі көру,

-тері гиперемиясы, қан кернеулер,

- мұрын бітелуі,

- жүрек айну,

-диспепсия;

Жиі емес

-ринит,

- ұйқышылдық,

-гипоэстезия,

- көз жасы ағуының бұзылыстары***,

- көздің ауыруы,

- көздің қарығуы,

-фотопсия,

- көз гиперемиясы,

- қанық көру қабілетінің өзгеруі,

-конъюнктивит,

- бас айналу,

- құлақтағы шу,

- артериялық гипертензия,

- артериялық гипотензия,

- мұрыннан қан кету,

- мұрынныңқосалқы қойнауларының бітелуі,

- гастроэзофагеальдірефлюкс ауруы,

- құсу,

- іштің жоғарғы тұсының ауыруы,

- ауыз кеберсуі,

- бөртпе,

-миалгия,

-аяқ-қол ауыруы,

- кеуде қуысының ауыруы,

- қатты қажу,

-ысынуды сезіну,

-жүректің жиырылу жиілігінің артуы,

- бас айналу,

- құлақтағы шуыл;

Сирек

- ми қан айналымының бұзылуы,

- өтпелі ишемиялық шабуыл,

- құрысулар*,

- құрысулардың қайталануы*,

- естен танулар,

- кереңдік,

- кенеттен болатын коронарлық өлім*,

- миокард инфарктісі, қарыншалық аритмия*,

- жүрекшелерфибрилляциясы,

- тұрақсыз стенокардия,

- тамақтың қысылу сезімі,

- мұрын шырышты қабығының ісінуі,

- мұрынның шырышты қабығының құрғауы,

-ауызішілікгипестезия,

- Стивенс-Джонсон синдромы*,

- уытты эпидермалықнекролиз*,

- жыныс мүшесінен қан кету,

-приапизм*,

-гематоспермия,

- эрекцияның күшеюі,

- ашушаңдық,

- кереңдік.

-артериит себебінен болмайтын көру жүйкесінің алдыңғыишемиялықнейропатиясы (NAION)*,

-торқабық тамырларының окклюзиясы*,

-көз торқабығына қан құйылу,

-артериосклероздық ретинопатия,

-торқабық зақымдануы,

-глаукома,

-көру өрісінің ақауы,

-диплопия,

-көру өткірлігінің төмендеуі,

-миопия,

-астенопия,

-шыны тәрізді дененің беткейлік бұлыңғырлануы,

-нұрлы қабықтың зақымдануы,

-мидриаз,

-жарықтың шығу көздерінің маңындағы көру өрісінде нұрлы шеңберлердің болуы,

-көздің ісінуі,

-көздің домбығып кетуі,

-көрумүшесі тарапынан бұзылу,

-конъюнктивагиперемиясы,

-көздің тітіркенуі,

-көздегі әдеттен тыс түйсіну,

-қабақ ісінуі,

-ақ қабық түсінің өзгеруі.

* маркетингтен кейінгі қадағалау нәтижелері бойынша

** Көру арқылы түстің бұрмалануы: хлоропсия, хроматопсия, цианопсия, эритропсия және ксантопсия

*** Көз жасы ағуының бұзылыстары: көздің құрғап кетуі, көз жасының бөлініп ағуы және көз жасының көп ағуы болды

Жағымсыздәрілік реакциялар туындағанда медициналық қызметкерге, фармацевтикалық қызметкерге немесе,дәрілік препараттар тиімсіздігі туралы хабарламаларды қоса, дәрілік препараттарғажағымсыз реакциялар (әсерлер)жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті«Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

белсенді зат: 50.0 мгсилденафил (цитрат түрінде – 70.0 мг) 50 мг доза үшін;

100.0 мгсилденафил (цитрат түрінде – 140.0 мг) 100 мг доза үшін;

қосымша заттар: лактоза моногидраты(50 және 100 мг дозалар үшін,тиісінше,104 және 208 мг), микрокристалды целлюлоза, картоп крахмалы, магний стеараты;

қабық құрамы:опадрай II көгілдір (поливинил спирті, титанның қостотығы (Е171), полиэтиленгликоль, тальк, FD&C Көгілдір №1/Бриллиантты көк FCF алюминий лагы (бриллиантты көк (Е133) 11-13%, алюминий гидроксиді 87-89%); FD&C Көгілдір №2/Индигокармин алюминий лагы (индигокармин (Е132) 11-14%, алюминий гидроксиді 86-89%); FD&C Сары №6/Апельсин тәрізді сары FCF алюминий лагы (апельсин тәрізді сары (Е110) 15-18%, алюминий гидроксиді 82-85%).

Сыртқы түрінің, иісінің, дәмінің сипаттамасы

Екі жақ беті дөңес, көгілдір түсті қабықпен қапталған таблеткалар.

Шығарылу түрі және қаптамасы

2, 4 немесе 10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

Бір пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды!

Сақтау шарттары

Ылғалдан және жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

«Лекфарм» ЖШБҚ,

Беларусь Республикасы, 223141, Логойск қ., Минская к-сі, 2а үй, 301 к.

Тел./факс: +375 1774 53801,е-mail: office@lekpharm.by

Тіркеу куәлігінің ұстаушысы

«Лекфарм» ЖШБҚ,

Беларусь Республикасы, 223141, Логойск қ., Минская к-сі, 2а үй, 301 к.

Тел./факс: +375 1774 53801е-mail: office@lekpharm.by

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасындағы «Лекфарм» ЖШБҚ өкілдігі,

050000, Алматы қ., Бостандық ауданы, Әл-Фараби даңғылы 7,

«Нұрлы Тау» БО, 4а корпус, 55 кеңсе,

тел. 8(727)-3110454, факс 8(727)-3110455,