Фенистил гель 0,1% 30 гр - бағасы Павлодарда

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Фенистил

Халықаралық патенттелмеген атауы

Диметинден

Дәрілік түрі, дозалануы

Сыртқа қолдануға арналған гель.

Фармакотерапиялық тобы

Дерматология. Антигистаминді, жергілікті жансыздандыратын және басқаларын қоса қышынуға қарсы препараттар. Жергілікті қолдануға арналған антигистаминдік препараттар. Диметинден.

АТХ коды D04AA13

Қолданылуы

- дерматоз, есекжем және терінің басқа аллергиялық аурулары, жәндіктер шаққанда, күнге күйгенде, беткейлі күйіктерде терінің қышуын симптоматикалық емдеу.

Қолдану басталғанға дейін қажетті мәліметтер тізбесі

Қолдануға болмайтын жағдайлар

- диметинденге немесе қосымша заттардың кез келгеніне аса жоғары сезімталдық

- жәндіктердің шағуына аллергия (осы мақсатта жүйелік әсер ететін препараттарды қолдану керек).

Қолдану кезіндегі қажетті сақтандыру шаралары

Фенистил гель препаратын терінің ауқымды бөліктерінде қолданған кезде күн сәулесінің әсерінен аулақ болу керек.

Қосымша заттар туралы ақпарат

Пропиленгликоль: терінің аздап жергілікті тітіркенуін тудыруы мүмкін.

Бензалконий хлориді: тітіркендіргіш дәрі болып табылады және терінің реакциясын тудыруы мүмкін. Жүктілік және бала емізу кезінде қолданғанда, анаға зиянды әсерлері күтілмейді, өйткені бензалконий хлориді тері арқылы аз мөлшерде сіңеді.

Басқа дәрілік препараттармен өзара әрекеттесуі

Зерттеулер жүргізілген жоқ, алайда диметинден малеатының төмен абсорбциясы салдарынан препаратты жергілікті қолдану кезінде басқа дәрілік заттармен өзара байланысу ықтималдығы аз.

Арнайы ескертулер

Педиатрияда қолдану

2 жасқа дейінгі балаларда препаратты тек дәрігердің бақылауымен қолдану керек.

Препаратты нәрестелер мен жасы кішкентай балаларға терінің ауқымды бөліктеріне қолдануға болмайды, әсіресе ашық жаралары және қабыну құбылыстары болған кезде.

Жүктілік немесе лактация кезінде

Фенистил гелін жүктілік кезінде тек ананың пайдасы шарана үшін ықтимал қауіптен асып кеткен жағдайда және тек дәрігердің бақылауымен қолдануға болады.

Фенистил гелін жүктілік кезінде терінің ауқымды бөліктерінде, әсіресе қабыну немесе ашық жаралар болған кезде қолдануға болмайды.

Емшек емізу кезінде терінің ақымды бөліктерінде, әсіресе қабыну құбылыстары немесе ашық жаралар болған кезде қолдану ұсынылмайды. Бала емізетін аналарға Фенистил гельді сүт бездерінің емшек ұшына жағуға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлікті және қауіптілігі зор механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

Ересектер мен 2 жастан асқан балалар.

Гель терінің зақымданған бөлігіне жұқа қабатпен күніне 2-4 рет жеңіл ысқылау қозғалыстарымен жағып қолданылады. Қатты қышыну немесе ауқымды бөліктері зақымданған жағдайларда диметинден малеатының пероральді түрлерін бір уақытта қолдану ұсынылады.

Барынша көп қолдану ұзақтығы: егер препаратты 7 күн қолданғаннан кейін жақсару байқалмаса, дәрігермен кеңесу керек.

Ұсынылған дозадан асырмау керек.

Енгізу әдісі мен жолы

Сыртқа қолдануға арналған.

Артық дозаланған жағдайда қабылдануы тиіс шаралар

Препараттың көп мөлшерін кездейсоқ жұтқан немесе жергілікті қолдану кезінде Н1-гистаминдік рецепторлар блокаторларының артық дозалануына тән симптомдар білінуі мүмкін.

Симптомдары

Ұйқышылдығы бар орталық жүйке жүйесінің бәсеңдеуі (негізінен ересектерде), орталық жүйке жүйесінің стимуляциясы және қозу, атаксия, елестеулер, тонусты және клоникалық құрысулар, қарашықтың кеңеюі, ауыздың құрғауы, бет гиперемиясы, несеп шығарудың кідіруі, қызбалармен білінетін антимускаринді симптомдар (негізінен балаларда). Сондай-ақ гипотония пайда болуы мүмкін.

Емі

Симптоматикалық емі.

Қажеттілігі болған жағдайда дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Жиі емес

- терінің құрғауы

- жағылған жердегі ашытып күйдіру сезімі

Өте сирек

- аллергиялық дерматит

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

Қосымша мәліметтер

Дәрілік препараттың құрамы

1 г препараттың құрамында

белсенді зат - диметинден малеаты 1 мг,

қосымша заттар: пропиленгликоль, натрий гидроксидінің 30% ерітіндісі, карбомер, динатрий эдетаты, бензалконий хлоридінің ерітіндісі 50%, тазартылған су.

Сыртқы түрінің, иісінің, дәмінің сипаттамасы

Гомогенді мөлдір немесе түссізден аздап сарғыш түске дейін сәл бозаңданатын гель.

Шығарылу түрі және қаптамасы

30 г препараттан бұрандалы полиэтилен қақпағы бар алюминий жарғақшамен немесе онсыз, эпоксифеноль шайырынан жасалған ішкі жабыны бар алюминий сықпаға салынады.

1 сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

2 жыл

Жарамдылық мерзімі өткеннен кейін қолдануға болмайды!

Сақтау шарттары

25 ºС-ден аспайтын температурада.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

GSK Consumer Healthcare SARL,

Route de l’Etraz 1260, Нион, Швейцария

Тел: +41(0)225672000

Факс: +41(0)225674842

SafetyReportingEMEA@haleon.com (препараттың сапасына шағымдар туралы хабарламалар үшін)

Тіркеу куәлігінің ұстаушысы

GSK Consumer Healthcare SARL,

Route de l’Etraz 1260, Нион, Швейцария

Тел: +41(0)225672000

Факс: +41(0)225674842

SafetyReportingEMEA@haleon.com (препараттың сапасына шағымдар туралы хабарламалар үшін)

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ГСК КХ КАЗАХСТАН» ЖШС

Алматы қ., Манас к-сі, 32А.

Тел. +7 (727) 2446999,

факс +7(727) 2446997

SafetyReportingEMEA@haleon.com (жағымсыз құбылыстар туралы хабарламалар үшін)

CIS.LOC-PQC@haleon.com (препараттың сапасына шағымдар туралы хабарламалар үшін)