Гепа-Мерц ерітінді түйіршіктері 5 гр № 30 - бағасы Павлодарда

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Гепа-Мерц

Халықаралық патенттелмеген атауы

Жоқ

Дәрілік түрі, дозасы

Инфузия үшін ерітінді дайындауға арналған концентрат, 10 мл

Фармакотерапиялық тобы

Ас қорыту жолы және зат алмасу. Бауыр және өт шығару жолдары ауруларын емдеуге арналған препараттар. Бауыр ауруларын емдеуге арналған препараттар, липотропты препараттар. Бауыр ауруларын емдеуге арналған препараттар.

АТХ коды А05ВА

Қолданылуы

-бауыр энцефалопатиясында (латентті және айқын білінетін)

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- L-орнитин-L-аспартатқа аса жоғары сезімталдық

- креатинин клиренсі 3 мг/100 мл артық кездегі бүйрек жеткіліксіздігі

Қолдану кезіндегі қажетті сақтандыру шаралары

Гепа-Мерц инфузиялық ерітінділерін дайындауға арналған концентраттың жоғары дозаларында қан сарысуындағы және несептегі несепнәр деңгейін бақылау керек.

Бауыр функциясының Елеулі бұзылуымен жүрек айнуы мен құсуды болдырмау үшін инфузия жылдамдығын жеке таңдау керек.

Басқа дәрілік препараттармен өзара әрекеттесуі

Сипатталмаған

Арнайы сақтандырулар

Педиатрияда қолдану

Препаратты балаларда пайдалану туралы деректер жоқ.

Жүктілік немесе лактация кезінде

Жүктілік кезеңінде анасы мен шарана үшін пайда/қауіп арақатынасын ескере отырып сақтықпен қолдану керек.

Препаратты лактация кезеңінде тағайындау қажет болса, бала емізуді тоқтату мәселесін шешіп алу керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ауру ағымына байланысты көлік құралын немесе қауіптілігі зор механизмдерді басқару қабілеті нашарлауы мүмкін.

Қолдану жөніндегі нұсқаулар

Дозалау режимі

Ампуланың ішіндегісін 500 мл инфузиялық ерітіндіде ерітіп, тәулігіне 40 мл-ге дейін (4 ампула) көктамыр ішіне енгізеді.

Сананың бұзылуының (прекома) және сананың күңгірттенуінің (кома) бастапқы белгілері кезінде жағдайдың ауырлық дәрежесіне байланысты тәулігіне 80 мл-ге дейін (8 ампула) енгізеді.

Инфузияның ұзақтығы, емдеу жиілігі мен ұзақтығы жеке анықталады.

Көктамыр ішіне енгізудің ең жоғары жылдамдығы-сағатына 5 г (1 ампуланың ішіндегісіне сәйкес келеді).

500 мл инфузиялық ерітіндіде 60 мл (6 ампула) артық ерітуге болмайды!

Инфузиялық ерітінді ретінде изотоникалық ерітінді, глюкоза ерітіндісі немесе Рингер ерітіндісі қолданылады.

Пациенттердің ерекше топтары

Балалар

Балаларда препаратты қолдану туралы деректер шектеулі.

Енгізу әдісі және жолы

Вена ішіне

Артық дозалану жағдайында қабылдау қажет болатын шаралар

Симптомдары: жағымсыз әсерлердің айқын күшеюі.

Емі: симптоматикалық ем.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Төменде көрсетілген жағымсыз құбылыстар ДДҰ жіктемесі бойынша олардың пайда болу жиілігінің мынадай градацияларына сәйкес ұсынылған: Өте жиі (≥ 1/10); Жиі (≥ 1/100, < 1/10); Жиі емес (≥ 1/1000, < 1/100); Сирек (≥ 1/10 000, < 1/1000); Өте сирек (жекелеген хабарламаларды қоса < 1/10 000); Белгісіз (қолда бар деректер негізінде бағалау мүмкін емес).

Өте жиі (≥1/10)

- жүрек айнуы

Сирек (≥1/10000, <1/1000)

- құсу

- анафилактикалық реакциялар

Көрсетілген жанама әсерлер өтпелі болып табылады және препаратты тоқтатуды талап етпейді. Олар пайда болған кезде препараттың дозасын және енгізу жылдамдығын төмендету керек.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 пакеттің ішінде

белсенді зат – L-орнитин-L-аспартат 5.00 г,

қосымша заттар: инъекцияға арналған су

Сыртқы түрінің, иісінің, дәмінің сипаттамасы

Түссізден бозғылт-сары түске дейінгі мөлдір ерітінді

Шығарылу түрі және қаптамасы

10 мл препараттан түрлі-түсті таңбалағыш сақиналары мен ақ нүктесі бар қоңыр түсті ампулаларға құйылған.

10 ампуладан медициналық қолдану жөніндегі мемлекеттік және орыс тілдеріндегі нұсқаулықпен бірге, ПВХ-дан жасалған, бес мәрте сегменттелген, картон бөлгіші бар блистерлік қаптамаға немесе қақпағы қайырылатын негізгі бөлігіне жалғанған біріктірілген картон астары бар жиналмалы картон қорапқа салынған.

Қақпағы қайырылатын жиналмалы картон қорапқа рұқсатсыз ашылуынан қорғағыш ретінде, 3 жерден желімденіп жапсырма жабыстырылады.

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Сақтау шарттары

Жарықтан қорғалған жерде, 30°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Б. Браун Мельзунген АГ

Верк Берлин Мистельвег 2 – 6 D-12357, Берлин, Германия

Тел: 030 660050, e-mail: info@merz.de

Тіркеу куәлігінің ұстаушысы

Мерц Фармасьютикалс ГмбХ

Франкфурт-на-Майне, Германия

Тел: +49-69-1503-0,факс:+49-69-1503-200

Эл. пошта: info@merz.de

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Ацино Каз» ЖШС

Қазақстан Республикасы, 050010, Алматы қ., Бегалин к-сі, 136 "а"

Тел: +7 727 364 56 61

E-mail: PV-KAZ@acino.swiss