Гроприносин таблеткалар 500 мг № 20 - бағасы Павлодарда

Дәрілік затты медициналық қолдану

жөніндегі нұсқаулық (қосымша парақ)

Саудалық атауы

ГРОПРИНОСИН®

Халықаралық патенттелмеген атауы

Жоқ

Дәрілік түрі, дозалануы

Таблеткалар, 500 мг

Фармакотерапиялық тобы

Инфекцияларға қарсы жүйелік қолдануға арналған дәрілер.Вирустарға қарсы жүйелік қолдануға арналған препараттар. Вирустарға қарсы тікелей әсер ететін препараттар. Вирустарға қарсы басқа да препараттар. Инозин пранобексі

ATХ коды J05AX05

Қолданылуы

- иммунитеті әлсіреген және жоғарғы тыныс алу жолдарының инфекциялары қайталанған адамдарда емдеуге қосымша әдіс ретінде

Қолдануды бастағанға дейінгі қажетті мәліметтер тізімі

Қолдануға болмайтын жағдайлар

- препараттың кез келген компонентіне аса жоғары сезімталдық

- жедел подагра ұстамасы, сондай-ақ несеп қышқылының қандағы және несептегі концентрациясы жоғарылаған пациенттерге

- несеп-тас ауруы

- жүктілік және лактация кезеңі (қолдану тәжірибесінің жоқтығымен байланысты)

- 6 жасқа дейінгі балаларға.

Басқа дәрілік препараттармен өзара әрекеттесуі

Гроприносинді ксантиноксидаза тежегіштерімен (мысалы, аллопуринол) немесе несеп қышқылының несеппен бөлініп шығуын арттыратын препараттармен, соның ішінде диуретиктермен, тиазидтік (мысалы, гидрохлоротиазид, хлорталидон, индапамид), сонымен қатар ілмектік фуросемид, торасемид, этакрин қышқылы) диуретиктермен бір мезгілде қабылдап жүрген пациенттерге қолданғанда сақ болу керек.

Иммуносупрессорлармен емдеу кезінде және оны тоқтатқаннан кейін Гроприносинді бірден қолданбау керек, өйткені оларды бір мезгілде қолдану Гроприносин препаратының фармакокинетикасын өзгертіп, оның емдік әсеріне ықпал етуі мүмкін.

Гроприносин препаратын және азидотимидинді бір мезгілде қолданғанда зидовудиннің әсер етуінің күшеюі есебінен, мысалы, азидотимидин биожетімділігінің жоғарылауы және, моноциттердегі жасушаішілік фосфорланудың артуы салдарынан, нуклеотидтердің түзілуі артады. Гроприносин зидовудиннің әсерін күшейтеді.

Арнайы ескертулер

Гроприносин препараты қан сарысуында және несепте, әдеттегідей, әсіресе еркектерде және егде жастағылардың екеуінде де, қалыпты ауқым шегінде (0,18-0,42 ммоль/л) несеп қышқылы концентрациясының уақытша жоғарылауын туындатуы мүмкін. Несеп қышқылы концентрациясының жоғарылауы оның түзілуінде инозиннің катаболизмдік метаболизмімен жүзеге асырылады, бірақ ферменттің негізгі функциясының өзгеруімен және бүйректік клиренсімен байланысты емес. Сондықтан Гроприносинді анамнезінде подагра, қанда несеп қышқылы деңгейінің жоғарылауы, несеп тастары бар және бүйрек функциясының бұзылғаны көрсетілген науқастарға сақтықпен қолдану керек. Бұл пациенттерде емделу кезінде несеп қышқылының деңгейін мұқият бақылау керек.

Гроприносин препаратымен ұзақ уақыт (3 айдан астам) емдегенде әрбір пациентте қан сарысуындағы және несептегі несеп қышқылының концентрациясын, қанды жалпы талдау көрсеткіштерін, бауыр және бүйрек функциясын (трансаминаза белсенділігін, креатинин деңгейін) ұдайы бақылап отыру керек.

Ұзақ уақыт ем қабылдап жүрген пациенттерде несепағарларда тастың түзілуі мүмкін.

Кейбір пациенттерде аса жоғары сезімталдықтың ауыр реакциялары (есекжем, ангионевроздық ісіну, анафилаксия) дамуы мүмкін. Мұндай жағдайлардаГроприносин препаратымен емдеуді тоқтату керек.

Жүктілік немесе лактация кезінде

Жүктілік және емшек емізу кезіндеГроприносинпрепаратын қолданбау керек, өйткені қолданудың қауіпсіздігі зерттелген жоқ.Емшек сүтіне пранобекстің өтетіндігі-өтпейтіндігі белгісіз.

Көлік құралын немесе потенциалды қауіпті механизмдерді басқару қабілетіне препараттың ықпал ету ерекшеліктері

Көлік құралдарын немесе басқа мехнизмдерді басқарған кезде реакция жылдамдығына препараттың ықпалы зерттелген жоқ. Инозин пранобексінің фармакодинамикасын ескерер болсақ, бұл автомобильдерді басқару және механизмдерді пайдалану қабілетіне дәрілік препараттың ықпалын тигізуі екіталай.

Қолдану жөніндегі нұсқаулар

Дозалау режимі

Доза пациенттің дене салмағына және аурудың ауырлығына байланысты анықталады.

Ересек пациенттерге, соның ішінде егде жастағыларға ұсынылатын тәуліктік доза дене салмағына шаққанда 50 мг/кг құрайды, яғни 6-дан 8 таблеткаға дейінді немесе тәулігіне 3-4 рет 2 таблеткадан.

Ең жоғары доза тәулігіне 4 г (8 таблетканы) құрайды.6 жастан асқан балаларда бірнеше қабылдауға тағайындалған тәуліктік доза дене салмағына шаққанда 50 мг/кг құрайды немесе келесі кестені пайдалануға болады:

6 жастан кіші балаларға қолдану үшін шәрбат түріндегіГроприносинбар.

Енгізу әдісі және жолы

Тек ішке қабылдауға арналған. Таблетканың қабылдануын жеңілдету үшін ұсақтауға және судың аздаған мөлшерінде ерітуге болады.

Қабылдау уақыты көрсетілген қолдану жиілігі

Тәуліктік доза күніне бірнеше рет қабылдау үшін тең бөліктерге бөлінуі тиіс.

Емдеу ұзақтығы

Емдеу ұзақтығы, әдеттегідей, 5-14 күнді құрайды. Препаратты қабылдауды симптомдардың айқындылығы азайғаннан кейін тағы да 1-2 күнге жалғастыру керек. Егер 5 - 14 күннен кейін жағдай жақсармаса немесе одан бетер нашар болса, пациент емдеуші дәрігерімен байланыс жасауы тиіс.

Артық дозаланған жағдайда қабылдау қажет шаралар

Гроприносиннің артық дозалану бірде-бір жағдайы тіркелген жоқ.

Симптомдары: артық дозаланған жағдайда қан сарысуында және несепте несеп қышқылы концентрациясының жоғарылауы күтіледі.

Емі: демеуші және симптоматикалық ем.

Дәрілік препаратты қолдану тәсілін түсіну үшін медицина қызметкерінен кеңес алуға бару жөніндегі нұсқаулар

Препаратты қолдану тәсіліне қатысты күмәндану пайда болған жағдайда емдеуші дәрігерден кеңес алыңыз.

ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдануы керек шаралар

Өте жиі

- қанда несеп қышқылы концентрациясының жоғарылауы, несепте несеп қышқылы концентрациясының жоғарылауы

Жиі

- бас ауыру, вертиго (жүйелік бас айналу), қажығыштық, дімкәстік

- жүректің айнуы, құсу, эпигастральді аймақта жайсыздық

- қышыну, бөртпе

- артралгия

- трансаминаза, сілтілік фосфатаза белсенділігінің жоғарылауы немесе қанда мочевина азоты (ҚМА) мөлшерінің жоғарылауы

Жиі емес

- күйгелектік, ұйқышылдық немесе ұйқысыздық

- диарея, іш қату

- полиурия (несептің бөлініп шығу көлемінің артуы)

Жиілігі белгісіз

- бас айналу

- ангионевроздық ісіну, аса жоғары сезімталдық реакциялары, есекжем, анафилаксиялық реакциялар, анафилаксиялық шок

- эпигастральді аймақтың ауыруы

- эритема

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті«Дәрілік заттар мен медициналық бұйымдарды сараптау ұлттық орталығы» ШЖҚ РМК

Қосымша мәліметттер

Дәрілік препараттың құрамы

Бір таблетканың құрамында:

белсенді зат - 500 мг инозин пранобексі,

қосымша заттар: картоп крахмалы, повидон К-25, магнийстеараты

Сыртқы түрінің, иісінің, дәмінің сипаттамасы

Ақтан крем түске дейінгі, екі жақ беті дөңес, сопақша пішінді, бір жақ бетінде бөлуге арналған сызығы, ұзындығы 17 мм және ені 7 мм таблеткалар.

Шығарылутүрі және қаптамасы

ПВХ/ПЭ/ПВДХ үлбірден және алюминий фольгадан жасалған пішінді ұяшықты қаптамаға 10 таблеткадан салынған.

Пішінді ұяшықты 2 немесе 5 қаптама медицинада қолданылуы жөнінде қазақ және орыс тілдеріндегі нұсқаулықпен бірге картон қорапшаға салынған.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«Гедеон Рихтер Польша» ЖШҚ, Польша

05-825 Гродзиск- Мазовецкий қ.,Граничнак-сі 35

Тел: (48) 22 755 20 41

Факс: (48) 22 755 20 41

Тіркеу куәлігінің ұстаушысы

«Гедеон Рихтер» ААҚ

Венгрия, Н-1103 Будапешт, Дёмрёи к-сі, 19-21

Tel: +361-431-4000, +361-431-4782, +361-431-4985

Fax: +361-431-5944

ҚазақстанРеспубликасы аумағында тұтынушылардан дәрілік заттардың сапасына қатысты шағымдарды(ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланысдеректері (телефон, факс, электронды пошта)

Представительство ОАО «Гедеон Рихтер» ААҚҚР-дағы өкілдігі, Алматы қ-сы, Төле би к-сі, 187

Телефон: 8-(727)-258-26-22, 8-(727)-258-26-23, 8-701-787-47-01