Ас қорыту жолы және зат алмасу. Диареяға қарсы, ішекке арналған қабынуға қарсы/микробқа қарсы препараттар. Диареяға қарсы микроорганизмдер. Сүт қышқылын өндіретін микроорганизмдер.
АТХ коды A07FA01
Қолданылуы
- антибиотиктермен, сульфаниламидтермен, сәулелік терапиямен емдеу кезінде және одан кейін ішектің физиологиялық флорасының бұзылуында
- саяхатшылардың диареясында
- ас қорыту жеткіліксіздігі синдромында, ферментопатияда, диспепсияда
- диареяда, метеоризмде, іш қатуларда
- кешенді терапия құрамында этиологиясы әртүрлі (бактериялық және вирустық) жедел және созылмалы энтероколиттерде
Қолдануға болмайтын жағдайлар
әсер етуші затқа немесе қосымша заттардың кез келгеніне аса жоғары сезімталдық
қатерлі ісіктер
галактозаның тұқым қуалайтын жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдар
1 айға дейінгі балалар жасы
Қолдану кезіндегі қажетті сақтандыру шаралары
Лактон-Д препаратын қабылдамас бұрын дәрігермен кеңесіңіз.
Басқа дәрілік препараттармен өзара әрекеттесуі
Антиоксиданттарды және ісікке қарсы препараттарды бір мезгілде қабылдау емдік әсерін төмендетеді, өйткені Лактон-Д қан плазмасында осы препараттар мөлшерінің деңгейін төмендетуі мүмкін.
Тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттер осы препаратты қабылдамауы тиіс.
Педиатрияда қолдану
Жасы 1 айға дейінгі балаларға қолдануға болмайды.
Жүктілік немесе лактация кезінде
Лактон-Д препаратын жүктілік немесе лактация кезінде қолдану қауіпсіздігіне қатысты қандай да бір қорытынды жасау мүмкін емес.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Дозалау режимі
Ересектер:
Бактерияға қарсы емнен немесе колиттен кейін тітіркенген ішек синдромымен (ТІС) немесе ішек инфекциясымен және т.б. ауыратын ересектерде ішек флорасының бұзылуына әкеліп соқтырған келесі доза ұсынылады: тамақтанудан 1 сағат бұрын 2 капсуладан күніне 2 немесе 3 рет.
Балалар:
1-ден 18 жасқа дейінгі балалар және 1 жасқа дейінгі балалар, бірақ 1 айдан үлкен балалар әртүрлі вирустық диареяға бейім. Сондықтан олардың этиологиясына байланысты келесі дозаларды ұстануға кеңес беріледі. Жалпы колик және жұмсақ диареямен 1 жасқа дейінгі балаларды емізу кезеңінде ұсынылатын доза күніне бір немесе екі рет капсуланың 1/3-тен 1/2-ге дейін, әдетте, емізер алдында. Капсуланы жұтқан кезінде қиындықтар туындаған жағдайда, капсуланың ішіндегісін жартылай қатты немесе сұйық тағамның аздаған мөлшерімен араластыруға болады. Осылайша дайындалған сұйықтықты кейіннен пайдалану үшін сақтауға болмайды.
1 жастан 18 жасқа дейінгі балаларға күніне бір немесе екі рет 1-2 капсула тағайындалады.
Егде жастағы пациенттер
Әдетте ішек бұзылыстарының деңгейі жоғары егде жастағы адамдар үшін доза ересектер сияқты бірдей.
Бауыр жеткіліксіздігі бар пациенттер
Дозаны түзету қажет емес.
Бүйрек жеткіліксіздігі бар пациенттер
Дозаны түзету қажет емес.
Енгізу әдісі мен жолы
Ішке қабылдау үшін.
Емдеу ұзақтығы
Емдеу ұзақтығы жедел ішек инфекцияларынан сауығу кезінде және әртүрлі этиологиядағы ішек дисфункциясы кезінде 4-6 аптаны құрайды. Ойық жаралы колит, созылмалы колит және ТІС кезінде 1,5-2 айға дейін; әртүрлі этиологиядағы дисбактериоздарда 4-6 апта бойы. Ішек флорасын қалыпқа келтіруге бағытталған емдеу жағдайында емді 10-14 күн ішінде, кейіннен 1-1, 5 ай бойы күніне 2 рет 1 капсуладан демеуші дозамен пайдалану ұсынылады.
Артық дозаланған жағдайда қабылдануы тиіс шаралар
Осы уақытқа дейін артық дозаланудың клиникалық көріністері туралы хабарланған жоқ.
Дәрілік препараттың бір немесе бірнеше дозасын өткізіп алған кезде қажетті шаралар
Деректер жоқ.
Тоқтату симптомдары қаупінің болуын көрсету
Қатысты емес.
Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар
Осы препаратты қолдануға қатысты қандай да бір сұрақтар туындаған жағдайда емдеуші дәрігермен немесе фармацевтпен хабарласыңыз.
Дәрілік препаратты стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар
- аллергиялық реакциялар
- тері бөртпесі
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Дәрілік препараттың құрамы
Бір капсуланың құрамында
белсенді заттар: 180 х 106 кем емес лактобактерия споралары,
қосымша заттар: крахмал, лактоза, екі негізді кальций гидрофосфаты, тальк, магний стеараты, поливинилпирролидон (PVP K30), 2-пропанол.
Ақ немесе ақ дерлік түсті №2 қатты желатинді капсулалар. Капсуланың ішіндегісі – ақ немесе ақ дерлік түсті ұнтақ.
Шығарылу түрі және қаптамасы
10 капсуладан поливинилхлоридті үлбірден және алюминий фольгадан жасалған пішінді ұяшықты қаптамаға салынады.
2 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі
3 жыл
Жарамдылық мерзімі өткеннен кейін қолдануға болмайды!
Сақтау шарттары
Түпнұсқалық қаптамасында, құрғақ жерде, 25°С-ден аспайтын температурада.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
Protech Biopharma Pvt. Ltd.
Plot No. 4/48 I & 4/49 I, Zone- I, SIDCO Industrial Growth
Centre, Lassipora, Pulwama Pin-192305 (J&K), Үндістан
Тіркеу куәлігінің ұстаушысы
Protech Biopharma Pvt. Ltd.
Plot No. 4/48 I & 4/49 I, Zone- I, SIDCO Industrial Growth
Centre, Lassipora, Pulwama Pin-192305 (J&K), Үндістан
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Деново Импекс» ЖШС, Қазақстан Республикасы, Алматы қ., Өтеген батыр к-сі, 15
Павлодар қаласында ең тиімді бағаны қалай табуға болады
Дәріханаларды баға бойынша іріктеу үшін “Сүзгі” түймесін, одан әрі “Бағасы бойынша, 1… бастап …” және “Таңдау” деген түймені басыңыз. Дәріханадағы ең төмен баға сіздің алдыңызда. I-teka сервисінің көмегімен үнемдеңіз!
Жеткізу
Павлодар қаласында дәрі-дәрмекті тез жеткізу керек пе? Қажетті дәрілерді “Сатып алу” түймесі бойынша кәрзеңкеге салып, “Дәріхананы таңдау” түймесін басып тапсырыс ресімдеңіз, содан соң біздің курьерлеріміз дәрі-дәрмектерді үйге немесе жұмысқа тиімді бағалармен жеткізеді. Дәрілерді жеткізудің орташа бағасы қазіргі сәтте 1500 тг. бастап 2500 тг. дейін (құны тәуліктің уақытынан және дәріхана мен жеткізу мекенжайының ара-қашықтығына байланысты).
Брондау және өзі тасымалдау
Біздің сервис дәрілердің брондауға төлем жасап, ыңғайлы уақытта өзіңіз алып кетуге мүмкіндік береді! Тапсырысты ресімдеген кезде, “Дәріханадан алып кету” түймесін басыңыз, біз сіздің тапсырысыңызды брондап, оны алуға арналған код жібереміз. Маңызды: препараттарды дәріханадан алып кету оның бар екенін дәріхана растағаннан кейін мүмкін болады.
Бағалардың өзектілігі
Сайттағы деректер үнемі жаңартылып тұрады. Дәріхананың карточкасында біз бағаның қашан жаңартылғанын көрсетеміз - 2 сағ. бұрын, кеше, 10 мин. бұрын, 5 мин. бұрын, және т.б.
Керек дәріні таппадыңыз ба? Күн сайын біз сайтқа жаңа дәріханалар мен дәріхана жүйелерінің нүктелерін қосамыз. Мысалы, бізден таба аласыздар: Gold medicine дәріханалары, Mega Pharm әлеуметтік дәріханалары, "Алмасат" дәріханалары, "Salamat" дәріханалары, ТБД (Төмен Баға Дәріханалары), Гиппократ және басқалар. Жаңартуларды бақылаңыздар!
Яндекс Такси шақыру 
WhatsApp-қа жазу 