Метрогил ерітінді 5 мг/мл 100 мл - бағасы Павлодарда

Дәрілік затты медициналық қолдану

жөніндегі нұсқаулық (Қосымша парақ)

Саудалық атауы

Метрогил

Халықаралық патенттелмеген атауы

Метронидазол

Дәрілік түрі, дозалануы

Вена ішіне енгізуге арналған ерітінді 5 мг/мл 100 мл

Фармакотерапиялық тобы

Противоинфекционные препараты системного использования. Антибактериальные препараты системного использования. Антибактериальные препараты другие. Производные имидазола. Метронидазол.

АТХ коды J01XD01

Қолданылуы

Көрсетілімдер метронидазолдың паразитке қарсы және микробқа қарсы белсенділігімен және оның фармакокинетикалық қасиеттерімен байланысты.

Препаратқа сезімтал микроорганизмдерден туындаған инфекцияларды емдеу үшін қолданылады:

• бауырдың ауыр амебиазы немесе ішек амебиазы
• сезімтал анаэробты микроорганизмдерден туындаған хирургиялық инфекцияларды емдеуде
• аэробты микроорганизмдерге қатысты белсенді микробқа қарсы препаратпен біріктірілімде асқазан-ішек немесе колоректальді хирургиялық араласулардың салдары ретінде сезімтал анаэробты бактериялардан туындаған операциядан кейінгі инфекциялардың профилактикасында.

Бактерияға қарсы препараттарды қолдану жөніндегі ресми ұсынымдарды ескеру керек.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

Метронидазолға, басқа имидазолдарға немесе қосымша заттардың кез келгеніне аса жоғары сезімталдық

Басқа дәрілік препараттармен өзара әрекеттесуі және өзара әрекеттесудің басқа түрлері

Дисульфирам тәрізді реакция

Көптеген дәрілік препараттар дисульфирам тәрізді реакция тудыруы мүмкін болғандықтан, оларды алкогольмен бірге қолданудан аулақ болу керек.

Қарсы көрсетілген біріктірілімдер

Алкоголь (құрамында алкоголь бар сусындар немесе өнімдер)

Дисульфирам тәрізді әсер (қызба, қан кернеу, құсу, тахикардия). Алкогольді ішімдіктерді немесе құрамында алкоголь бар препараттарды қолданудан аулақ болу керек. Алкогольді ішімдіктерді қолданудан немесе құрамында алкоголь бар дәрілік заттарды қабылдаудан бұрын, оның жартылай шығарылу кезеңіне қарай препараттың толық шығарылуын күту керек.

Бусульфан

Бусульфанның жоғары дозаларымен бірге қолдану: метронидазол бусульфан концентрациясының екі есе артуын туындатады.

Дисульфирам

Препараттарды бірге қолдануды тоқтатқаннан кейін жоғалып кететін жедел психоздық бұзылыстардың немесе сананың шатасу қаупі бар.

Сақтық шараларын қажет ететін біріктірілімдер

Фермент-индукциялаушы әсері бар құрысуға қарсы препараттар

Фермент индукторлары бауырдағы метаболизмінің ұлғаюы салдарынан қан плазмасындағы метронидазол концентрациясының төмендеуін тудырады.

Индукторлармен емдеу кезінде және оларды тоқтатқаннан кейін метронидазол дозасын клиникалық мониторингілеу және түзету ұсынылады.

Рифампицин

Рифампицин бауырдағы метаболизмінің ұлғаюы салдарынан қан плазмасындағы метронидазол концентрациясының төмендеуін тудырады.

Рифампицинмен емдеу кезінде және оларды тоқтатқаннан кейін метронидазол дозасын клиникалық мониторингілеу және түзету ұсынылады.

Литий препараттары

Қан плазмасындағы литий деңгейі жоғарылауы мүмкін, бұл уытты әсер етуі мүмкін, оның ішінде литийдің артық дозалану симптомдарымен. Литий деңгейіне мұқият мониторинг және литий препараттарының дозасын түзету ұсынылады.

Назарға алу қажет біріктірілімдер

Фторурацил (сондай-ақ фторурацил бойынша деректерді экстраполяциялау негізінде тегафур мен капецитабин)

Кклиренсінің төмендеуіне байланысты фторурацил уыттылығының артуы.

ХҚҚ бұзылуымен байланысты кейбір проблемалар:

Антибиотиктер қабылдайтын пациенттерде пероральді антикоагулянттар белсенділігінің артуының көптеген жағдайлары тіркелген. Осы контексте қауіп факторлары болып инфекциялық және қабыну статусы, науқастың жасы және жалпы жағдайы табылады. Мұндай жағдайларда ХҚҚ бұзылуының пайда болуында аурудың өзі немесе оның емі қандай рөл атқаратыны белгісіз. Алайда антибиотиктердің кейбір кластары, әсіресе фторхинолондар, макролидтер, циклиндер, котримоксазол және кейбір цефалоспориндер мұндай өзара әрекеттесуге әкелуі өте ықтимал.

Арнайы ескертулер

Тері және оның қойнаулары тарапынан аса жоғары сезімталдық реакциялары

Өмірге қауіпті аллергиялық реакциялар (соның ішінде анафилаксиялық шок) дамуы мүмкін. Бұл жағдайда метронидазол қолдануды тоқтатып, тиісті емді бастау керек.

Емдеудің басында қызбамен және пустулалардың қалыптасуымен қатар жүретін жайылған эритема дамығанда жедел жайылған экзантематозды пустулезді анықтап алу керек. Бұл жағдай емдеуді тоқтатуды талап етеді және метронидазолды монотерапия ретінде немесе біріктірілген ем компоненті ретінде кез келген қайта қолдануға қарсы көрсетілім болып табылады.

Стивенс-Джонсон синдромы, Лайелл синдромы және жедел жайылған экзантематозды пустулез (AGEP) сияқты метронидазолды қолданумен байланысты тері тарапынан ауыр аллергиялық реакциялар тіркелген. Пациенттерді осындай реакциялардың белгілері мен симптомдары туралы хабардар етіп, олардың терісінің жағдайын мұқият қадағалау керек.

Стивенс-Джонсон синдромының, Лайелл синдромының қандай да бір белгілері немесе симптомдары (мысалы, везикулалардың қалыптасуымен жиі жүретін үдемелі бөртпелер немесе шырышты қабықтың зақымданулары) немесе AGEP (қызбамен және пустулалардың қалыптасуымен қатар жүретін жайылған эритема) көрініс тапқанда емдеуді тоқтату керек. Одан өзге, бұл белгілер немесе симптомдар метронидазолды монотерапия ретінде немесе біріктірілген ем компоненті ретінде кез келген қайта қолдануға қарсы көрсетілім болып табылады.

Орталық жүйке жүйесі (ОЖЖ)

Энцефалопатия симптомдары немесе мишыққа уытты әсер пайда болғанда емдеу сызбасын дереу қайта қарап, метронидазолмен емдеуді тоқтату керек.

Тіркеуден кейінгі кезеңде энцефалопатия жағдайлары анықталды. Сондай-ақ, энцефалопатиямен байланысты МРТ өзгерістері тіркелді. Байқалған зақымданулар көбінесе мишық маңында (атап айтқанда, тісті ядрода) және мүйізгек дененің буылтығында орналасқан. Көптеген жағдайларда энцефалопатиямен байланысты МРТ өзгерістері емдеуді тоқтатқаннан кейін қайтымды болды. Өліммен аяқталған ОЖЖ зақымдануының бірнеше жағдайы тіркелді.

ОЖЖ тарапынан бұзылулары бар пациенттерді энцефалопатия белгілерінің пайда болуына немесе жағдайының нашарлауына қатысты бақылау керек.

Метронидазолды қолданумен байланысты асептикалық менингит дамыған кезде препаратпен емдеуді қайталау ұсынылмайды, бірақ ауыр инфекция жағдайында оны «пайда-қауіп» арақатынасын бағалау шеңберінде қарастыруға болады.

Шеткері жүйке жүйесі

Шеткері жүйке жүйесінің ауыр, созылмалы немесе үдемелі бұзылулары бар, сондай-ақ метронидазолмен ұзақ ем алатын пациенттерді шеткері нейропатия белгілерінің пайда болуын бақылау керек.

Психиканың бұзылуы

Мінез-құлық бұзылыстарының ықтимал қаупі бар психоздық реакциялар емдеудің бірінші курсынан кейін, әсіресе анамнезінде психикалық аурулары бар пациенттерде дамуы мүмкін. Бұл жағдайда метронидазолмен емдеуді тоқтату, бұл туралы дәрігерге хабарлау және тиісті емдік шаралар жүргізу керек.

Қанның жасушалық құрамының бұзылуы

Жалпы қан талдауы көрсеткіштерінің мониторингі (әсіресе лейкоциттік формула) анамнезінде қанның жасушалық құрамы бұзылған немесе жоғары дозалармен емдеуді және/немесе ұзақ емдеуді қажет ететін пациенттерге ұсынылады.

Лейкопения кезіндегі емдеу ұзақтығы инфекцияның ауырлығына байланысты.

Әсері белгілі қосымша заттар

Бұл дәрілік препараттың құрамында натрий бар. 100 мл ерітіндінің құрамында 0,340 г натрий бар.

Мұны натрий мөлшері төмен қатаң диетадағы пациенттерді емдеу кезінде ескеру керек.

Басқа дәрілік препараттармен өзара әрекеттесуі

Метронидазолды алкогольдік сусындармен бірге қолдану ұсынылмайды.

Метронидазолды бусульфанмен бірге қолдану ұсынылмайды.

Метронидазолды дисульфираммен бірге қолдану ұсынылмайды.

Параклиникалық зерттеу тәсілдерінің нәтижелеріне әсері

Метронидазол трепонемаларды иммобилизациялауы және Нельсонның жалған оң тестіне әкелуі мүмкін.

Коккейн синдромы бар пациенттерде ауыр гепатоуыттылық/жедел бауыр жеткіліксіздігі, оның ішінде өліммен аяқталатын, жүйелі қолдануға арналған метонидазол бар препараттармен емдеу басталғаннан кейін кенеттен және тез манифесттелген жағдайлар тіркелген. Мұндай пациенттерде метронидазолды «пайда-қауіп» арақатынасын мұқият бағалағаннан кейін және емдеудің альтернативті әдісі болмаған кезде ғана пайдалану керек. Бауыр функциясын бағалауды емдеуді тура бастар алдында, емдеу кезінде және аяқталғаннан кейін бауыр функциясының көрсеткіштері қалыпқа келгенге дейін немесе олар бастапқы мәндерге оралғанға дейін жүргізген жөн. Егер емдеу кезінде бауыр функциясының көрсеткіштері едәуір жоғарыласа, емді тоқтату керек.

Кокейн синдромы бар пациенттерге бауырдың ықтимал зақымдануының кез келген симптомдары туралы дереу дәрігерге хабарлауды және олар пайда болған кезде метронидазолмен емдеуді тоқтатуды ұсыну керек.

Қолдану жөніндегі нұсқаулар

Дозалау режимі

• Амебиаз
  • Ересек жастағы пациенттер

1,50 г/тәу (в/і инфузия арқылы тәулігіне үш рет 500 мг)

• • Бала жастағы пациенттер

30-40 мг/кг/тәу венаішілік инфузия арқылы

Бауыр амебиазы бар пациенттерде абсцесс қалыптасу сатысында метронидазолмен емдеуді абсцесс дренаждалғаннан кейін бастау керек.

• Анаэробты инфекциялар
  • Бала жастағы пациенттер

1-1,5 г/тәу, 2-3 в/і инфузияға бөлінген.

• • Бала жастағы пациенттер

20-30 мг/кг/тәу, в/і инфузияға бөлінген.

Егер науқастың жағдайы мүмкіндік берсе, препаратты сол дозада пероральді түріне ауыстыру керек.

• Операциядан кейінгі инфекциялардың профилактикасы

Антибиотикопрофилактиканың ұзақтығы қысқа болуы керек, негізінен операциядан кейінгі кезеңмен (24 сағат, бірақ 48 сағаттан артық емес) шектеледі.

• • Ересек жастағы пациенттер

1 г бір реттік дозаны хирургиялық араласудан 30 минут бұрын вена ішіне енгізеді.

• • Бала жастағы пациенттер

20-40 мг/кг бір реттік дозаны хирургиялық араласудан 30 минут бұрын вена ішіне енгізеді.

Пациенттердің ерекше топтары

Балалар

12 жастан асқан балаларға бастапқы 500 мг дозада вена ішіне тамшылатып (инфузия ұзақтығы - 30-40 минут), әр 8 сағат сайын 5 мл/мин жылдамдықпен. 2 - 3 инфузиядан кейін жақсы көтерсе сорғалатып енгізуге көшеді. Ең жоғары тәуліктік доза - 4 г. Көрсетілімдер бойынша ішке демеуші қабылдауға көшуді жүзеге асырады. 8 аптадан 12 жасқа дейінгі балаларға - тәуліктік доза бір реттік доза түрінде 20-30 мг/кг немесе әр 8 сағат сайын 7,5 мг/кг құрайды. Инфекцияның ауырлығына байланысты тәуліктік доза 40 мг/кг дейін ұлғайтылуы мүмкін.

8 аптаға дейінгі балаларға – күнделікті бір реттік доза түрінде 15 мг/кг немесе 12 сағат сайын 7,5 мг/кг

Емдеу курсы 7 күн.

Гестация мерзімі 40 аптаға дейінгі нәрестелерде метронидазолдың жинақталуы өмірінің бірінші аптасында орын алуы мүмкін, сондықтан емнің бірнеше күні ішінде қан сарысуындағы метронидазол концентрациясына мониторинг жүргізген жөн.

Іріңді-септикалық ауруларда әдетте 1 емдеу курсы жүргізіледі.

Егде жастағы пациенттер

Егде жастағы пациенттерде метронидазол фармакокинетикасы өзгеруі мүмкін, осыған байланысты қан сарысуындағы метронидазол деңгейін бақылау қажеттілігі туындауы мүмкін.

Бауыр жеткіліксіздігі бар пациенттер

Метронидазолдың едәуір жинақталуы бауыр энцефалопатиясы бар пациенттерде байқалуы мүмкін. Қан плазмасында метронидазол концентрациясының өсуі салдарынан энцефалопатия симптомдары күшеюі мүмкін. Қажет болса, тәуліктік дозаны 1/3-ке дейін азайтуға және тәулігіне бір рет қолдануға болады.

Бүйрек жеткіліксіздігі бар пациенттер

Созылмалы бүйрек жеткіліксіздігі және креатинин клиренсі 30 мл/мин кем және/немесе бауыр жеткіліксіздігі бар науқастарға ең жоғары тәуліктік доза - 1 г артық емес, қабылдау жиілігі - тәулігіне 2 рет.

Қолдану тәсілі

Көлемі 100 мл (500 мг) бір құтының ішіндегісін в/і баяу 30-60 минут бойы енгізеді. Анаэробты инфекцияларды 7-10 күн бойы емдеу пациенттердің көпшілігі үшін қанағаттанарлық болуы тиіс, бірақ клиникалық және бактериологиялық бағалауға байланысты емдеуді ұзартуға болады, мысалы, ішектен, кіші жамбас мүшелерінен анаэробты қоздырғыштармен эндогенді қайта жұқтыру қаупін тудыратын инфекцияны жою үшін.

Аралас аэробты-анаэробты инфекцияларда Метрогил вена ішіне енгізуге арналған ерітіндісін препаратты енгізгенде араластырмай парентеральді антибиотиктермен біріктіріп қолдануға болады.

Метрогилді, вена ішіне енгізуге арналған ерітіндісін басқа препараттармен араластыруға болмайды.

Артық дозалану жағдайында қабылдануы қажет шаралар

Симптомдар құсу, атаксия және аздаған дезориентациямен шектелді. Метронидазолға спецификалық антидот жоқ. Едәуір артық дозаланғанда симптоматикалық ем ұсынылады.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)

Қан және лимфа жүйесі тарапынан бұзылулар:

• нейтропения, агранулоцитоз, тромбоцитопения.

Психиканың бұзылуы:

• елестеулер,
• оқшауланған суицидтік ойлармен немесе әрекеттермен қатар жүруі мүмкін паранойя және/немесе делирий бар психоздық реакциялар,
• депрессия.

Жүйке жүйесі тарапынан бұзылулар:

• шеткері сенсорлық нейропатия,
• бас ауыруы,
• бас айналуы,
• сананың шатасуы,
• құрысулар,
• энцефалопатия, оның ішінде емді тоқтатқаннан кейін әдетте қайтымды МРТ өзгерістерімен қатар жүретін,
• жеделге жуық мишық синдромы (атаксия, дизартрия, жүрістің бұзылуы, нистагм, тремор),
• асептикалық менингит.

Көру ағзалары тарапынан бұзылулар:

• көрудің транзиторлық бұзылулары, мысалы, анық көрмеу, диплопия, миопия, көру өткірлігінің төмендеуі, түсті қабылдаудың бұзылуы,
• оптикалық нейропатии/неврит.

Асқазан-ішек жолы тарапынан бұзылулар:

• жеңіл дәрежедегі асқазан-ішек жолы тарапынан бұзылулар (эпигастриядағы ауыру, жүрек айнуы, құсу, диарея),
• ауыздың құрғауымен, стоматитпен, дисгевзиямен, анорексиямен қатар жүретін глоссит,
• емді тоқтатқаннан кейін қайтымды панкреатит.
• тіл түсінің немесе сыртқы түрінің өзгеруі (кандидоздық инфекция).

Бауыр және өт шығару жолдары тарапынан бұзылулар:

• бауыр ферменттері (АЛТ, АСТ, сілтілік фосфатаза) деңгейінің жоғарылауы, өте сирек – цитолизбен (кейде сарғаюмен) немесе холестазбен байланысты бауыр тарапынан жедел бұзылу жағдайлары, сондай-ақ аралас этиологиядағы бұзылулар. Бауыр-жасушалық жеткіліксіздіктің бірнеше жағдайлары тіркелген (оны емдеу үшін бауыр ауыстырып салу қажет болуы мүмкін).

Тері және тері асты тіндері тарапынан бұзылулар:

• ысыну, қышыну, тері бөртпесі (кейде қызбамен),
• есекжем, ангионевроздық ісіну, анафилаксиялық шок,
• өте сирек – жедел жайылған экзантематозды пустулез жағдайлары,
• синдром Лайелл синдромы,
• Стивенс-Джонсон синдромы,
• Бекітілген дәрі-дәрмектік эритема

Басқалары

• препарат метаболизмі нәтижесінде түзілетін суда еритін пигменттер есебінен несептің қызғылт-қоңыр түске боялуы.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 мл ерітіндінің құрамында

белсенді зат - метронидазол - 5 мг

қосымша заттар: натрий хлориді, лимон моногидраты қышқылы, сусыз динатрий гидрофосфаты, инъекцияға арналған су.

Сыртқы түрінің, иісінің, дәмінің сипаттамасы

Түссізден бозғылт-сары түске дейінгі мөлдір ерітінді.

Шығарылу түрі және қаптамасы

100 мл ерітіндіден мөлдір пластик құтыға құйылған. Целлофан тыспен қапталған бір құтыдан медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 30° С-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Дәріханалардан босатылуы

Рецепт арқылы

Өндіруші туралы мәлімет

«Юник Фармасьютикал Лабораториз»

(«Дж. Б. Кемикалс энд Фармасьютикалс Лтд.» фирмасының бөлімшесі)

Ворли, Мумбай, 400030, Үндістан

Өндіріс мекенжайы: №4 жер телімі, Phase IV, G.I.D.C. өндірістік аймағы

Паноли қ., 394116, БХАРУЧ ауданы, Үндістан

Тіркеу куәлігінің ұстаушысы

«Юник Фармасьютикал Лабораториз»

(«Дж. Б. Кемикалс энд Фармасьютикалс Лтд.» фирмасының бөлімшесі)

Ворли, Мумбай, 400030, Үндістан

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«КАЗДИНФАРМА» ЖШС

050050, Қазақстан Республикасы, Алматы қ., Лобачевский к-сі, 78 үй

тел./факс: 727 233 65 50,