Урсосан форте таблеткалар 500 мг № 30 - бағасы Павлодарда

Дәрілік затты медициналық қолдану

жөніндегі нұсқаулық

УРСОСАН® ФОРТЕ

Саудалық атауы

УРСОСАН® ФОРТЕ

Халықаралық патенттелмеген атауы

Урсодезоксихолий қышқылы

Дәрілік түрі

Үлбірлі қабықпен қапталған таблеткалар, 500 мг

Құрамы

Бір таблетканың құрамында

белсенді зат - урсодезоксихолий қышқылы 500 мг

қосымша заттар (ядро): жүгері крахмалы, желатинденген жүгері крахмалы, натрий карбоксиметилкрахмалы (А типі), коллоидты кремнийдің қостотығы, магний стеараты.

қосымша заттар (қабығы): ақ опадрай (03В28796): гипромеллоза 6, титанның қостотығы (Е 171), макрогол 400, тазартылған су.

Сипаттамасы

Бөлетін көлденең сызығы бар дерлік ақ түсті үлбірлі қабықпен қапталған ұзынша пішінді таблеткалар. Таблетканың ұзындығы – 17 мм.

Фармакотерапиялық тобы

Ас қорыту жолы және зат алмасу. Бауыр және өт шығару жолдары ауруларын емдеуге арналған препараттар. Өт шығару жолдары ауруларын емдеуге арналған препараттар. Өт қышқылдары және олардың туындылары. Урсодезоксихолий қышқылы.

АТХ коды А05АА02

Фармакологиялық қасиеттері

Фармакокинетикасы

Урсодезоксихолий қышқылын (УДХҚ) пероральді қабылдағанда жіңішке ішекте пассивті диффузия есебінен, ал мықын ішекте белсенді тасымал арқылы жылдам толық сіңу басталады. Абсорбция жылдамдығы, әдетте, 60-80% құрайды. УДХҚ 96-98%-ға плазма ақуыздарымен байланысты, бауырда оңтайлы босап шығады және глицин және таурин конъюгаттары түрінде өтпен шығарылады. Ішекте конъюгаттардың бір бөлігі деконъюгацияланады және қайта сіңу басталады.

Конъюгаттар сондай-ақ литохолий қышқылына дегидроксилденуі мүмкін, оның бір бөлігі сіңіріледі, сульфатталады және өт жолдары арқылы шығарылады. Жүйелі түрде қабылданғанда урсодезоксихолий қышқылы қан сарысуының негізгі өт қышқылына айналады (өт қышқылының жалпы мөлшерінің 48 %), бұл уытты өт қышқылдары сіңірілуінің төмендеуіне және олардың бауырға түсуіне әкеледі. Препараттың емдік әсері бауырдағы УДХҚ концентрациясына байланысты. Урсодезоксихолий қышқылының биологиялық жартылай шығарылу кезеңі 3 - 5, 5 - 8 күнді құрайды.

Фармакодинамикасы

Урсодезоксихолий қышқылы (УДХҚ) өт қышқылы болып табылады және адам денесінде табиғи жолмен аздаған мөлшерде (5% аспайды) түзіледі. Бауырда холестерин синтезін және өттегі холестерин концентрациясын төмендетеді, өт шығару жүйесінде холестериннің ерігіштігін жоғарылатады, өттің түзілуін және шығарылуын стимуляциялайды. УДХҚ өттің ішектегі абсорбциясының бәсеңдеуі есебінен оның холестеринмен қанығуын төмендетеді, ең алдымен, холестериннің ұсақталуы және сұйық кристалды фазаның түзілуі есебінен, өттің литогенді индексін азайтады. Нәтижесі холестериндік өт тастарының еруі және жаңа конкременттер түзілуінің алдын алу болып табылады.

Жоғары полярлық қасиеттерді иелене отырып, УДХҚ аполярлы (уытты) өт қышқылдарымен уытты емес аралас мицеллалар түзеді, бұл бауырдың холестаздық ауруларында, билиарлы рефлюкс-гастритте және рефлюкс-эзофагитте асқазан рефлюктатының жасушалық жарғақшаларды зақымдау қабілетін төмендетеді. Одан өзге, УДХҚ асқазан-ішек жолының гепатоциттері, холангиоциттері және эпителиоциттері жасушалық жарғақшаларының құрамына кіруге қабілетті қосарлы молекулаларды түзеді, уытты өт тастары тұздарының зақымдаушы әсерін тұрақтандырады және қорғайды. Уытты өт тастары концентрациясын азайтып және бикарбонаттарға бай холерезді көтермелеп, УДХҚ бассүйекішілік холестаздың тиімді шешілуіне ықпал етеді. Липофильді өт қышқылдарының ішекте сіңірілуін бәсекелес төмендетеді, олардың энтерогепаттік циркуляция кезіндегі «фракциялық» айналымын жоғарылатады, холерезді индукциялайды, өт пассажын және уытты өт тастарын ішек арқылы шығарылуын стимуляциялайды. Асқазан және панкреаттік секрецияны күшейтеді, липаза белсенділігін күшейтеді, гипогликемиялық әсер көрсетеді.

Иммуномодуляциялық әсері гепатоциттер мен холангиоциттер жарғақшаларында НLА­ антигендер экспрессиясының бәсеңдеуімен, лимфоциттердің табиғи киллерлік белсенділігінің қалпына келуімен, интерлейкин-2 түзілуімен, эозинофилдер мөлшерінің азаюымен, иммунокомпетентті иммуноглобулиндердің (Ig), бірінші кезекте – IgM бәсеңдеуімен; асқазан-ішек жолының гепатоциттер мен эпителиоциттер апоптозы регуляциясымен негізделеді. Бастапқы билиарлық циррозы, муковисцидозы, алкогольдік және алкогольдік емес стеатогепатиттері бар науқастарда фиброздың өршуін сенімді тежейді, өңеш веналарының варикоздық кеңею қаупін төмендетеді.

Кистоздық фиброз - балалар популяциясы. УДХҚ қолданудан гепатобилиарлық ауруларымен (CFAНD) байланысты кистоздық фиброзы бар бала пациенттерді емдеудің 10 жылға дейінгі және одан артық ұзақ мерзімді тәжірибесі бар. УДХҚ қолданылған ем өт жолдарында пролиферацияны төмендетуі, гистологиялық өзгерістердің өршуін тоқтатуы және тіпті CFAНD ерте сатысында гепатобилиарлық өзгерістерді жоюы мүмкін екені туралы деректер бар. УДХҚ көмегімен емдеуді емнің тиімділігін оңтайландыру үшін CFАНD диагнозы қойылғаннан кейін барынша ерте бастау керек.

Қолданылуы

- Өт қабында холестериндік өт тастарын еріту. Өт тастары рентген түсірілімдерде көлеңке сияқты бейнеленбеуі және олардың диаметрі 15 мм аспауы тиіс. Өт қабының функционалдық қабілеті өт тастары болғанда да сақталуы тиіс.

- Декомпенсацияланған бауыр циррозының болмау шартымен бастапқы билиарлық холангитті (ББХ) симптоматикалық емдеу.

Балалар популяциясы

- 6-дан 18 жасқа дейінгі балаларда кистоздық фиброзда (муковисцидозда) гепатобилиарлық бұзылыстар

Қолдану тәсілі және дозалары

УРСОСАН® ФОРТЕ таблеткаларын ішке, тамақтанғанда немесе одан кейін, шайнамай, жеткілікті мөлшердегі сумен ішіп қабылдау қажет. Ұсынылған дозаны қамтамасыз ету үшін таблетканы сызығынан сындырып, ортасынан бөлу керек. Дұрыс сындырылмаған сегменттер пайдаланылмауы тиіс. Сегментті ауыз қуысында ұстап тұрғанда ащы дәм сезіледі. УРСОСАН® ФОРТЕ қолдануда жасқа қатысты шектеулер жоқ, алайда 6 жасқа дейінгі балаларға препаратты осы дәрілік түрінде қолдану ұсынылмайды.

Тұрақты қолдану. Пациенттің дене салмағына және дене салмағының 1 кг-на, мг/кг/тәул препараттың ұсынылған дозасына байланысты таблеткалардың тәуліктік мөлшерін есептеу.

Холестериндік өт тастарын еріту үшін препараттың орташа тәуліктік дозасы 10 мг/кг (12-15 мг/кг дейін) құрайды.

Препараттың тәуліктік дозасын түнде бір рет қабылдайды. 6-дан 24 айға дейінгі емдеу курсы өт тастарының көлеміне және құрамына байланысты. Өт тастары жоғалғанға дейін 6 ай аралықпен кезекті холецистограмма немесе УДЗ жүргізу және тас кальцинозы туындамады ма, соны тексеру керек.

Емді 4-12 апта аралықпен 2 кезекті холецистограмманы және/немесе УДЗ өт тастарының жоқтығын көрсеткенше жалғастыру керек. Егер өт қабындағы тастар көлемі 12 ай емдеуден кейін кішіреймесе препарат қолдануды тоқтату керек. Тастардың қайта түзілуінің профилактикасы үшін препаратты тастар ерігеннен кейін бірнеше ай ішінде қолдану ұсынылады.

Холелитиаздың қайталанатын профилактикасы үшін холецистэктомиядан кейін бірнеше ай бойы тәулігіне 2 рет 250 мг (½ таблетка) тағайындайды.

Бастапқы билиарлық холангитті (ББХ) симптоматикалық емдеу

Тәуліктік доза дене салмағына байланысты және 1 ½-ден 3 ½ таблеткаға (дене салмағының 1 кг-на 14 ± 2 мг УДХҚ) дейін ауытқиды.

Емнің алғашқы үш айында УРСОСАН® ФОРТЕ таблеткасын қабылдауды күні бойына бөлу керек. Бауыр сынамаларының мәндері жақсарғанда тәуліктік дозаны күніне бір рет кешке қабылдауға болады.

ББХ кезінде УРСОСАН® ФОРТЕ таблеткасын шексіз уақыт мерзімінде қабылдауға болады.

Емнің басында клиникалық симптомдар нашарлаған (қышудың күшеюі) жағдайда күнделікті УРСОСАН® ФОРТЕ ½ таблеткасын қабылдаумен емді жалғастыру керек, әрі қарай ұсынылған дозалау режиміне қол жеткенше дозаны біртіндеп арттыру (тәуліктік дозаны күнделікті ½ таблеткаға ұлғайтып) керек.

Балалар популяциясы (6-18 жас)

Кистоздық фиброз (муковисцидозе) кезіндегі гепатобилиарлық бұзылыс

6-18 жас аралығындағы кистоздық фиброзы бар балалар: 2-3 бөлінген дозаларда күніне 20 мг/кг, әрі қарай қажет болса дозаны күніне 30 мг/кг ұлғайтады.

Жағымсыз әсерлер

Жағымсыз әсерлердің кездесу жиілігі (жағдайлар мөлшері/бақылау саны) келесі градация түрінде ұсынылған: өте жиі (≥1/10); жиі (≥1/100 <1/10 дейін); жиі емес (≥1/1000 <1/100 дейін); сирек (≥1/10000 <1/1000 дейін); өте сирек (<1/10 000), белгісіз – жиілігі қолда бар деректер бойынша саналуы мүмкін емес.

Асқазан-ішек жолы тарапынан

Клиникалық зерттеулерде УРСОСАН® ФОРТЕ таблеткаларымен емдеу аясында диарея немесе паста тәрізді нәжіс жиі байқалды.

Бастапқы билиарлық циррозды емдегенде іштің үстіңгі жағында қатты ауыру өте сирек байқалды.

Бауыр және өт шығару жолдары тарапынан

УРСОСАН® ФОРТЕ таблеткаларымен емдеу аясында өте сирек жағдайларда өт тастарының кальцинациялануы байқалды.

Бастапқы билиарлық циррозды кеш сатыларында емдегенде өте сирек жағдайларда бауыр циррозының декомпенсациясы байқалды, ол емді тоқтатқаннан кейін төмендеді.

Тері және тері асты тіндері тарапынан

Өте сирек жағдайларда есекжем байқалуы мүмкін

Қолдануға болмайтын жағдайлар

- өт қышқылдарына немесе препарат құрамына кіретін кез келген қосымша затқа жоғары сезімталдық

- өт қабының немесе өт жолдарының жедел қабыну аурулары

- өт жолдарының бітелуі (жалпы өт жолының немесе өтқабындағы өт жолдының бітелуі)

- өт шаншуының жиі ұстамалары

- рентгеноконтрастылы әктенген өт тастары

- өт қабының жиырылу қабілетінің бұзылуы

- 6 жасқа дейінгі балалар

Балалар популяциясы

- портоэнтеростомия, сәтті нәтижеге әкелмеген немесе егер өт жолдарының атрезиясы бар балаларда өттің жеткілікті ағыны қалпына келмеген болса

Дәрілермен өзара әрекеттесуі

УРСОСАН® ФОРТЕ холестираминмен, холестиполмен немесе құрамында алюминий гидроксиді және/немесе смектит (алюминий оксиді) бар антацидтермен бір уақытта тағайындамаған жөн, өйткені бұл препараттар ішектегі УДХК тұтқырлайды, демек, оның сіңірілуін және тиімділігін бәсеңдетеді. Бұл препараттарды УРСОСАН® ФОРТЕ таблеткаларын қабылдаудан 2 сағат бұрын немесе қабылдаудан кейін 2 сағаттан соң қабылдау керек.

УРСОСАН® ФОРТЕ таблеткасын қабылдау циклоспориннің ішектен сіңірілуіне ықпал етуі мүмкін, бұл қан плазмасындағы циклоспорин концентрациясына мониторинг жүргізуді, ал қажет болса – оның дозалау режимін түзетуді талап етеді.

Жекелеген жағдайларда УРСОСАН® ФОРТЕ таблеткасын қабылдау ципрофлоксациннің сіңірілуін төмендетуі мүмкін.

УРСОСАН® ФОРТЕ (күніне 500 мг) мен розувастатинді (күніне 20 мг) бір уақытта пайдалану жеңіл дәрежеде розувастатиннің плазмада болу деңгейінің жоғарылауына әкелді. Бұл әрекеттесудің клиникалық релеванттылығы, оның ішінде басқа статиндерге қатысты белгісіз.

УДХҚ кальций антагонисі нитрендипиннің плазмадағы ең жоғарғы концентрациясын (Cmax) және фармакинетикалық қисық астындағы ауданын (AUC) төмендететіні туралы деректер бар, бұл нитрендипин концентрациясына мониторинг жүргізуді талап етеді. Нитрендипин дозасын ұлғайту қажеттілігі жоққа шығарылмайды. УДХҚ мен дапсонның өзара әрекеттесуінде соңғысының әсері төмендейтіні туралы деректер бар.

Бұл бақылаулар УДХҚ-ның Р450 3А цитохромдық ферменттеріне индукциялану потенциалы туралы растауы мүмкін. Алайда, индукция УДХҚ мен Р450 3А цитохромдық субстраты ретінде белгілі будесонидтің өзара әрекеттесуін мұқият зерттеу барысында байқалмады.

Эстрогендер, прогестогендер (пероральді контрацептивтер), неомицин, клофибрат сияқты кейбір дәрілік препараттар холелитиазды ұлғайтуы мүмкін, осылайша урсодезоксихолий қышқылының холестериндік өт конкременттерін еріту қабілетінің қарама-қайшы әсерін көрсетеді.

Айрықша нұсқаулар

УРСОСАН® ФОРТЕ таблеткасын дәрігердің қадағалауымен қабылдау керек.

Емнің алғашқы үш айында дәрігер 4 апта сайын, кейін 3 ай сайын бауыр функциясының көрсеткіштерін АСТ (SGOT), АЛТ (SGPT) және ГГТ (y-GT) тексеріп отыруы тиіс. Бұл емделіп жүрген пациенттер тобында емге жауап беретін және жауап бермейтін адамдарды анықтауға мүмкіндік беретінімен қатар, сондай-ақ ерте сатысында, әсіресе өршіген сатыдағы бастапқы билиарлық холангиті бар пациенттерде бауырдың потенциалды зақымдануын анықтауға мүмкіндік береді. Холестериндік өт тастарын еріту үшін пайдаланғанда:

Емнің алға жылжуын бағалау үшін, сондай-ақ өт тастарының қандай да бір әктенуін уақытында анықтау үшін тастың көлеміне байланысты өт қабын визуализациялау (оральді холецистография) қажет – бұл ем басталғаннан кейін 6-10 ай өткенде тұрған және шалқасынан жатқан күйдегі (УДЗ көмегімен тексеру) жалпы көрініс және окклюзия.

Егер өт қабын рентген түсірілімінде визуализациялау мүмкін болмаса немесе өт тастарыныңәктенуінде өт қабының жиырылу қабілетінің бұзылуы немесе билиарлық шаншудың жиі көріністері кезінде УРСОСАН® ФОРТЕ қолданбаған жөн.

Бастапқы билиарлық холангиттің кеш сатысын емдеу үшін пайдаланғанда. Өте сирек жағдайларда емді тоқтатқаннан кейін ішінара регрессиямен бауыр циррозының декомпенсациясы байқалды.

ББЦ пациенттерде сирек жағдайларда емнің басында клиникалық симптомдардың нашарлауы орын алуы мүмкін, яғни қышудың күшеюі мүмкін. Мұндай жағдайда дозаны күніне 250 мг дейін төмендету және “Қолдану тәсілі және дозалары” бөлімінде көрсетілгендей ұсынылған дозаға дейін ұлғайту керек.

Диарея жағдайында дозаны азайту, ал тоқтамайтын диарея жағдайында емді тоқтату керек.

Пациенттердің ерекше топтары үшін қосымша ақпарат

УРСОСАН® ФОРТЕ жоғарғы дозаларымен (күніне 28-30 мг/кг) ұзақ мерзімді емдеу бастапқы склероздаушы холангиті (off-label қолданумен) бар пациенттерде жағымсыз ауыр дәрілік реакциялардың жоғары байқалу жиілігімен байланысты болды.

Жүктілік және лактация кезеңі

УРСОСАН® ФОРТЕ таблеткаларымен емдеуден кейін тууға қатысты ықпалы туралы деректер жоқ. Урсодезоксихолий қышқылын жүкті пациенттерде қолдану туралы деректер жоқ немесе шектеулі. Жүктіліктің ерте сатысында тератогенді әсердің болуы туралы деректер бар. Егер ана үшін күтілетін пайда шаранада немесе нәрестеде жағымсыз әсерлер дамуының потенциальді қаупінен (урсодезоксихолий қышқылының адекватты және қатаң бақыланатын зерттеулері жүкті әйелдерде жүргізілмеді) басым болса ғана УДХҚ жүктілік кезінде қолдануға болады. Бала туу жасындағы әйелдер препаратты сенімді контрацепция құралдарын пайдалану аясында ғана қабылдауы тиіс.

Гормондық емес немесе эстрогендер мөлшері төмен контрацепция тәсілдерін пайдалануға кеңес беріледі. Өт тастарын еріту мақсатында УРСОСАН® ФОРТЕ 500 мг таблеткалар түрінде қабылдайтын пациенттерде гормондық емес контрацепция тәсілдерін пайдалану керек, өйткені гормондық бала көтеруге қарсы дәрілер тастардың түзілуіне ықпал етуі мүмкін. Жүктіліктің мүмкіндігі емнің басталуына дейін жоққа шығарылуы тиіс.

Расталған бірнеше жағдайларға сәйкес бала емізетін әйелдердің сүтіндегі урсодезоксихолий қышқылының концентрациясы үлкен емес; емшек емізу аясында балаларда жағымсыз реакциялардың туындау ықтималдығы аз.

Дәрілік препараттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Ықпал етпейді.

Артық дозалануы

Симптомдары: диарея. Бұл жағдайда дозаны азайту қажет, ал егер іш өтуі (диарея) жойылмаса емді тоқтату керек. Басқа артық дозалану симптомдарының ықтималдығы аз, өйткені урсодезоксихолий қышқылының сіңірілуі дозаның ұлғаюымен төмендейді, демек, көбінесе нәжіспен бөлініп шығады.

Емі: симптоматикалық, сұйықтық көлемінің және электролиттік теңгерімнің жоғалуының орнын толтырумен.

Шығарылу түрі және қаптамасы

10 таблеткадан поливинилхлоридті/поливинилиденхлоридті үлбірден және алюминий фольгадан жасалған пішінді ұяшықты қаптамаға салынады.

1, 2, 3, 5, 6, 9 немесе 10 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Түпнұсқалық қаптамада 250С-ден аспайтын температурада сақтау керек. Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/Тіркеу куәлігінің ұстаушысы

ПРО.МЕД.ЦС Прага а.о.

Телчска 377/1, Михле

140 00 Прага 4

Чех Республикасы

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«ПРОМ.МЕДИК.КАЗ» ЖШС

Алматы қаласы, Наурызбай ауданы, Шағын ауданы Рахат, көшесі Асанбай Асқаров, үй 21/1, т.е.б. 1а;тел. 8(727)260-89-36, еmail: [email protected]