Ацикловир крем 5% 2 гр Шымкентте

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Ацикловир-ТК

Халықаралық патенттелмеген атауы

Ацикловир

Дәрілік түрі, дозасы

Сыртқа қолдануға арналған крем, 5 %

Фармакотерапиялық тобы

Дерматология. Дерматологияда қолдануға арналған антибиотиктер және химиотерапиялық препараттар. Жергілікті қолдануға арналған химиотерапиялық препараттар. Вирусқа қарсы препараттар. Ацикловир.

АТХ коды D06BB03

Қолданылуы

- Herpes simplex (herpes labialis) вирусы туғызған ерін және бет инфекциялары.

Қолдануды бастағанға дейінгі қажетті мәліметтер тізбесі

Қолдануға болмайтын жағдайлар

- ацикловир, валацикловир, пропиленгликоль немесе препараттың басқа компоненттеріне жоғары сезімталдық.

Қолдану кезіндегі қажетті сақтық шаралары

Препаратты бет пен еріннің герпес вирусымен зақымданған бөліктеріне ғана жағу керек. Кремді ауыз қуысы мен көздің шырышты қабықтарына жағу ұсынылмайды. Генитальді герпесті, сондай-ақ кез келген басқа инфекцияларды емдеуге пайдалануға болмайды. Әсіресе күшті қайталанатын ерін герпесі бар пациенттерге, сондай-ақ ерін немесе бет герпесінің барына күдік туындаған жағдайда дәрігерге қаралу қажет. Көзге тигізіп алудан сақтану керек. Крем көзге түсіп кеткен жағдайда жылы сумен мұқият жуып, қажет болса, дәрігерге қаралу қажет.

Иммунитеті әлсіреген пациенттерге (мысалы, сүйек кемігін трансплантациялаудан кейін немесе АИТВ инфекциясы бар болса) қолдану ұсынылмайдыжәне кез келген инфекцияны емдеуге қатысты дәрігермен кеңесу керек.

Құрамында терінің тітіркенуін (пропиленгликоль) және жергілікті тері реакцияларын, мысалы, жанаспалы дерматит (цетил спирті) туғызуы мүмкін қосымша заттар бар.

Басқа дәрілік препараттармен өзара әрекеттесуі

Анықталмаған. Препаратты қолданар алдында басқа препараттардың кез келгенін жүйелі қабылдайтын пациенттерге дәрігермен кеңесу қажет.

Арнайы ескертулер

Педиатрияда қолданылуы

Балаларда қолдануға шектеу жоқ.

Жүктілік және лактация кезінде

Препаратты жүктілік және бала емізу кезеңінде қолданудың қауіпсіздігіне талапқа сай және қатаң бақыланатын клиникалық зерттеулер жүргізілмеген. Қолданылуы тек ана үшін болжанатын пайдасы ұрық пен сәбиге төнетін зор қауіптен артық болатын жағдайларда ғана көрсетілімді

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Қолдану жөніндегі нұсқаулар

Дозалау режимі

Тек сыртқа қолдануға арналған. Препаратты терінің зақымданған және онымен шектесетін бөліктеріне жұқа қабатпен күніне 5 рет жағу (түнгі уақытты қоспағанда әр 4 сағат сайын) ұсынылады. Емдеуді мүмкіндігінше ертерек, дұрысы бастапқы сатыларында (қышыну немесе қызару) бастау керек. Емдеуді кешірек сатыларда да (папула немесе везикула) бастауға болады.

Емдеу ұзақтығы 4 күннен кем емес. Жазылу болмаған жағдайда емдеуді 10 күнге дейін ұзартуға болады. Егер жазылу 10 күн ішінде басталмаған жағдайда дәрігерге қаралу керек.

Егер сіз қажетті дозаны жағуды ұмытып кетсеңіз, оны еске түсірген бойда жағыңыз.

Зақымданған бөліктерге қосымша инфекция жұқтырудан және инфекцияның таралуынан сақтану үшін кремді жағуға дейін және одан кейін қолды мұқият жуып, зақымданған бөліктерді қолмен немесе сүлгімен ысқыламау қажет.

Артық дозалану жағдайында қабылдануы қажет шаралар

Кремнің едәуір мөлшерін жаққан немесе кездейсоқ жұтып қойған кездегі артық дозалануы анықталмаған. Артық дозалануынан күдіктенгенде дәрігерге қаралу қажет.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қабылдамас бұрын дәрігерге немесе фармацевтке жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

жиі емес(≥ 1/1000 және < 1/100)

- препарат жаққан бөліктердегі өткінші қызару және ашыту

- аздаған құрғау және қабыршақтану

- қышыну

сирек (≥ 1/10000 және < 1/1000)

- эритема

- препараттың қосымша компоненттеріне болатын реакциямен жиірек байланысты жанаспалы дерматит

өте сирек (< 1/10000)

- ангионевроздық ісінуді қоса, шұғыл типті аса жоғары сезімталдық реакциялары

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

«Дәрілік заттар мен медициналық бұйымдарды сараптау ұлттық орталығы» ШЖҚ РМ

Қосымша мәліметтер

Дәрілік препарат құрамы

100 г кремнің құрамында

белсенді зат –5.00 г ацикловир;

қосымша заттар: пропиленгликоль, ақ жұмсақ парафин, цетостеарил спирті, сұйық парафин, арлацел 165, полоксамер 407, диметикон 20, натрий лаурилсульфаты, тазартылған су.

Сыртқы түрінің, иісінің, дәмінің сипаттамасы

Бөгде бөлшектерден және кесектерден бос және көзге көрінетін қатпарланусыз ақ немесе ақ дерлік түсті бір текті крем.

Шығарылу түрі және қаптамасы

2 г, 5 г-нан дәрілік заттарға арналған біріктірілген материалдан жасалған сықпада.

Әрбір сықпаны медициналық қолдану жөніндегі қазақ және орыс тіліндегі нұсқаулықпен бірге тұтыну ыдысына арналған картон қорапшаға салады.

Картон қорапшалар сәйкес мөлшерде орама қағаздан жасалған бумаларға немесе қораптық картоннан жасалған қорапқа немесе жылу ұстайтын полиэтилен үлбірге немесе гофрланған картоннан жасалған жәшіктерге салынады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды!

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«Фармация 2010» ЖШС, ҚР, Қарағанды обл., Қарағанды қ-сы, Қазыбек Би ат. ауд. Чкалов к-сі, құр. 7А, тел. 8 (7212) 42-67-34

Тіркеу куәлігінің ұстаушысы

«Фармация 2010» ЖШС, ҚР, Қарағанды обл., Қарағанды қ-сы, Қазыбек Би ат. ауд. Чкалов к-сі, құр. 7А, тел. 8 (7212) 42-67-34

ҚазақстанРеспубликасы аумағында тұтынушылардан дәрілік заттар сапасына қатысты шағымдар(ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайыжәнебайланысдеректері (телефон, факс, электронды пошта)

«Фармация 2010» ЖШС, ҚР, Қарағанды обл., Қарағанды қ-сы, Қазыбек Би ат. ауд. Чкалов к-сі, құр. 7А, тел. 8 (7212) 42-67-34