Гексикон суппозиторийлер 16 мг № 10 - бағасы Шымкентте

«Қазақстан Республикасы

Денсаулық сақтау министрлігі

Медициналық және

фармацевтикалық бақылау

комитеті» РММ төрағасының

202__ ж. «____» ___________

№ ___________ бұйрығымен

БЕКІТІЛГЕН

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Гексикон®

Халықаралық патенттелмеген атауы

Хлоргексидин

Дәрілік түрі, дозасы

Қынаптық суппозиторийлер, 16 мг

Фармакотерапиялық тобы

Несеп-жыныс жүйесі және жыныс гормондары. Гинекологиялық инфекцияға қарсы және антисептикалық препараттар. Инфекцияға қарсы және антисептикалық препараттар, кортикостероидтармен біріктірілімдерін қоспағанда. Басқа антисептиктер және микробқа қарсы препараттар.

АТХ коды G01AX

Қолданылуы

• жыныстық жолмен берілетін (хламидиоз, уреаплазмоз, трихомониаз, соз, мерез, генитальді герпес және т.б.) инфекциялардың профилактикасы үшін – жыныстық қатынастан кейін екі сағаттан кешіктірмей қолдану керек
• акушерлік-гинекологияда инфекциялық-қабыну асқынуларының профилактикасы үшін (гинекологиялық ауруларды операциялық емдеудің алдында, босанудың және жасанды аборттың алдында, жатырішілік спиральді (ЖІС) қойғанға дейін және кейін, жатыр мойынын диатермокоагуляциялағанға дейін және кейін, жатыр ішін тексеру алдында)
• бактериялық вагинозды, кольпиттерді (оның ішінде спецификалық емес, аралас, трихомонадты), жатыр мойыны эрозиясын, вульва қышынуын, оның ішінде жүктілік және лактация кезеңінде емдеу үшін

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

• препарат компоненттеріне жоғары сезімталдық
• менархе басталғанға дейінгі қыздар

Қолдану кезіндегі қажетті сақтық шаралары

Суппозиторийді енгізгеннен кейін жағымсыз сезінулер (қышыну, күйдіру) пайда болған кезде препаратты қолдануды тоқтату керек.

Препаратты қолданған кезде қынаптан бөлінетін бөлініс мөлшері артуы мүмкін. Әдетте, аздаған мөлшерде мөлдір бөлініс бөлінсе препаратпен емді үзбеуге болады. Қан аралас бөлініс бөлінген кезде препаратты қолдануды тоқтату және дәрігермен кеңесу ұсынылады.

Препаратпен жанасқаннан кейін көзге хлоргексидиннің түсуін болдырмау үшін қолды жуу керек.

Сыртқы жыныс мүшелерін өңдеу суппозиторийлердің тиімділігі мен жағымдылығына әсер етпейді, өйткені препарат қынап ішіне қолданылады.

Басқа дәрілік препараттармен өзара әрекеттесуі

Йодпен бір мезгілде қолдануға болмайды.

Гексикон® құрамында анион тобы (сапониндер, натрий лаурилсульфаты, натрий карбоксиметилцеллюлоза) бар детергенттермен және сабынмен, егер оларды қынап ішіне енгізетін болса, үйлесімсіз.

Арнайы ескертулер

Педиатрияда қолдану

Гексикон®, қынаптық суппозиторийлер, 16 мг қыздарға етеккір басталғаннан кейін тағайындалады.

Жүктілік және лактация кезінде

Жүктілік және лактация кезеңі препарат үшін қарсы көрсетілім емес.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дәрілік препараттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері.

Қолдану бойынша ұсынымдар

Дозалау режимі

Ем үшін: тәулігіне 2 рет 1 суппозиторийден.

Жыныс жолдары арқылы берілетін инфекция профилактикасы үшін: қорғанбаған жыныс қатынасынан кейін 2 сағаттан кешіктірмей 1 суппозиторийден.

Енгізу әдісі мен жолы

Қынап ішіне. Суппозиторийді қолданардың алдында пішінді қаптамасынан шығару керек.

Емдеу ұзақтығы

Ем үшін: 7-10 күн бойы. Қажет болған кезде емдеу курсы 20 күнге дейін ұзартылуы мүмкін.

Артық дозалану жағдайында қабылдануы қажетті шаралар

Қазіргі уақытта препаратпен артық дозалану жағдайлары туралы хабарланған жоқ.

Дәрілік препаратты стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)

Өте сирек

- ауыр аллергиялық реакциялар мен анафилаксияны қоса жоғары сезімталдық реакциялары

Белгісіз

- препаратты тоқтатқаннан кейін басылатын аллергиялық реакциялар (бөртпе, қышыну, күйдіру)

- қынаптан қан аралас бөлініс бөлінуі.

Егер нұсқаулықта көрсетілген жағымсыз әсерлердің кез келгені ушықса немесе Сіз нұсқаулықтарда көрсетілмеген жағымсыз әсерлерді байқасаңыз, дәрігерге хабарлаңыз.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Тіркеу куәлігінің ұстаушысы

«Нижфарм» АҚ, Ресей Федерациясы

603105, Нижний Новгород қ., Салганская көшесі, 7

тел.: (831) 278-80-88

факс: (831) 430-72-28

Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

«Нижфарм-Қазақстан» ЕҰ» ЖШС

050011, Қазақстан Республикасы, Алматы қ., Сүйінбай даңғылы, 258В үй

тел.: (727) 2222-100

факс: (727) 398-64-95

e-mail: almaty@stada.kz