Стрептоцид таблеткалар 300 мг № 10 - бағасы Шымкентте

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Стрептоцид

Халықаралық патенттелмеген атауы

Сульфаниламид

Дәрілік түрі, дозалануы

Таблеткалар, 300 мг

Фармакотерапиялық тобы

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Сульфаниламидтер және триметоприм. Қысқа мерзімді әсер ететін сульфаниламидтер. Сульфаниламид.

АТХ коды J01EB06

Қолданылуы

- тілме қабынуында

- баспада

- жарақат инфекциясында

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- әсер етуші заты сульфаниламидке, сульфондарға немесе қосымша заттарының кез келгеніне аса жоғары сезімталдық

- бүйрек (нефроздар, нефриттер) аурулары, бүйректің ауыр жеткіліксіздігі

- бауыр аурулары, бауыр жеткіліксіздігі, жедел гепатит

- анамнезде сульфаниламидтерге айқын уытты-аллергиялық реакциялар болуы

- гипертиреоз, базедов ауруы

- туа біткен глюкоза-6-фосфатдегидрогиназа тапшылығы

- порфирия

- сүйек кемігінде қан түзілудің бәсеңдеуі

- қан түзілу жүйесінің аурулары, анемия, лейкопения

- декомпенсацияланған жүрек жеткіліксіздігі

- азотемия

- жүктілік және емшек емізу кезеңі

- 6 жасқа дейінгі балалар

Қолдану кезіндегі қажетті сақтандыру шаралары

Препаратты ұзақ қолданғанда қан көрінісі жағдайын, бүйрек пен бауыр функциясын, қандағы глюкоза деңгейін жүйелі бақылап отыру қажет.

Препаратты жеткіліксіз дозада тағайындау немесе препарат қолдануды ерте тоқтату сульфаниламидтерге микроорганизмдер төзімділігінің жоғарылауына ықпал етуі мүмкін.

Сульфаниламидтерді А тобы бета-гемолиздік стрептококк туындатқан инфекцияны емдеу үшін қолданбаған жөн, өйткені олар оның эрадикациясына әкелмейді, демек, ревматизм және гломерулонефрит сияқты асқынудан сақтандыра алмайды.

Препаратты созылмалы жүрек жеткіліксіздігі, бауыр аурулары бар науқастарға, бүйрек функциясы бұзылуында сақтықпен тағайындау қажет.Стрептоцидті аллергиялық аурулардың ауыр түрі бар немесе бронх демікпесімен, қан ауруларымен пациенттерге сақтықпен тағайындаған жөн. Жоғары сезімталдық реакциясы белгілері пайда болғанда препаратты тоқтату керек. Бүйрек жеткіліксіздігінде сульфаниламидтер мен оның метаболиттерінің организмде жинақталуы мүмкін, бұл уытты әсерінің дамуына әкеледі.

Сульфаниламидтерді, оның ішінде стрептоцидті қант диабетімен науқастарға сақтықпен қолданған жөн, өйткені сульфаниламидтер қандағы қант деңгейіне әсер етуі мүмкін. Сульфаниламидтердің жоғары дозалары гипогликемиялық әсер береді.

Сульфаниламидтер бактерицидті емес, бактериостатикалық препараттар болып табылатындықтан, инфекцияның қайталануын және микроорганизмдердің төзімді түрлерінің дамуын болдырмау үшін толыққанды емдеу курсы қажет.

Химиялық құрылымы ұқсастығын ескере отырып, сульфаниламидтерді фуросемидке, тиазидті диуретиктерге, карбоангидраза тежегіштері мен сульфонилмочевина туындыларына жоғары сезімталдығы бар адамдарға қолдануға болмайды.

Кристаллурияның және уролитиаз дамуының алдын алу үшін пациенттерге сұйықтықты жеткілікті мөлшерде ішу қажет.

Егде жастағы адамдарда тері тарапынан ауыр жағымсыз реакциялар дамуының жоғары қаупі, қан түзілудің бәсеңдеуі, тромбоцитопениялық пурпура (соңғысы-әсіресе тиазидті диуретиктермен үйлесімде) байқалады. Ауыр жағымсыз реакциялар туындаудың жоғары қаупіне байланысты препаратты 65 жастан асқан пациенттерге тағайындаудан тартынған дұрыс.

Сульфаниламидтер қолданғанда фотосенсибилизация дамуы мүмкіндігін ескере отырып, тікелей күн сәулесі мен жасанды ультракүлгін сәулеленудің әсер етуін болдырмау керек.

Емдеу кезінде дозалау режимін сақтап, ұсынылған дозаны 24 сағат аралықпен қолдану қажет, препарат қабылдауды өткізіп алуға болмайды. Дозаны өткізіп алған жағдайда келесі дозаны қосарламау керек.

Егер ауру белгілері жоғала бастамаса немесе керісінше денсаулық жағдайы нашарласа, немесе қолайсыз құбылыстары туындаса, препарат қолдануды тоқтатып, препаратты одан әрі қолдануға қатысты кеңес алу үшін дәрігерге қаралу керек.

Басқа дәрілік препараттармен өзара әрекеттесуі

Бір мезгілде қолданғанда:

• қабынуға қарсы стероидты емес препараттармен, сульфонилмочевина туындыларымен, антикоагулянтты дәрілермен, К дәрумені антагонистерімен осы препараттардың әсері күшейеді
• фолий қышқылымен, бактерицидті антибиотиктермен (оның ішінде пенициллиндер, цефалоспориндер) - сульфаниламидтер тиімділігі төмендейді
• бактерицидті антибиотиктермен, ішілетін контрацептивтермен – бұл препараттардың әсері төмендейді
• ПАСҚ және барбитураттармен - сульфаниламидтер белсенділігі күшейеді;
• эритромицинмен, линкомицинмен, тетрациклинмен – бактерияға қарсы белсенділігі өзара күшейеді, әсер ету ауқымы кеңейеді
• рифампицин, стрептомицин, мономицинмен, канамицинмен, гентамицинмен, оксихинолин (нитроксолин) туындыларымен –препараттардың бактерияға қарсы әсері өзгермейді
• налидикс қышқылымен (невиграмон) – кейде антагонизм байқалады
• хлорамфеникололмен, нитрофурандармен – жиынтық әсері төмендейді
• құрамында ПАБҚ (новокаин, анестезин, дикаин) эфирлері бар препараттармен –сульфаниламидтердің бактерияға қарсы белсенділігі жойылады

Сульфаниламидтер гексаметилентетраминмен (уротропинмен), диабетке қарсы препараттармен (сульфонилмочевина туындылары), дефининмен, неодикумаринмен және басқа жанама антикоагулянттармен бір мезгілде тағайындалмайды.

Стрептоцид метотрексаттың ақуыздармен байланысын ығыстыру салдарынан және/немесе оның метаболизмін бәсеңдетуінен оның әсерін күшейтуі мүмкін.

Сүйек кемігін бәсеңдететін басқа да препараттармен бір мезгілде қолданғанда гемолиз, гепатоуытты әсері, уытты әсерлердің даму қаупі.

Уротропинмен несептің қышқыл реакциясы кезінде кристаллурия дамуы қаупінің жоғарылауы салдарынан бір мезгілде қолдану ұсынылмайды.

Фенилбутазон (бутадион), салицилаттар және индометацин сульфаниламидтерді қан плазмасы ақуыздарымен байланыстан ығыстыруы мүмкін, осылайша олардың қандағы концентрациясын ұлғайтады.

Парааминосалицил қышқылымен және барбитуралармен қолданғанда сульфаниламидтер белсенділігі күшейеді;

левомицетинмен – агранулоцитоздың даму қаупі ұлғаяды;

құрамында парааминобензой қышқылының эфирлері бар препараттармен (новокаин, анестезин, дикаин) сульфаниламидтердің бактериялық белсенділігі жойылады.

Препаратты қолдану кезінде дигитоксин, изопреналин, хлорсутек қышқылы, кофеин, фенилэфрин, фенобарбитал, адреналин гидрохлориді, неодикумарин, дифенин сияқты препараттарды қабылдамаған дұрыс;

Диабетке қарсы препараттармен біріктіру ұсынылмайды

Арнайы сақтандырулар

Балаларда қолдану

6 жасқа дейінгі балаларға қолдануға болмайды

Жүктілік немесе лактация кезінде

Жүктілік және емшек емізу кезінде препаратты қолдануға болмайды.

Препаратпен емдеу қажет болған жағдайда емшекпен емізу тоқтату керек.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Дәрілік заттың бас айналу, құрысулар, атаксия, ұйқышылдық, депрессия және психоздар сияқты жүйке жүйесі тарапынан болатын жағымсыз әсерлерін ескере отырып, автокөлікті басқаруда және қауіптілігі зор механизмдермен жұмыс атқаруда сақ болу керек.

Қолдану жөніндегі нұсқаулар

Дозалану режимі

Пациентке препаратты тағайындар алдында дұрысында оған науқастың ауруын туғызған микрофлораның сезімталдығын анықтау керек.

Ересектер мен жасы 12-ден асқан балаларға күніне 3 рет, 300-600 мг-ден ішке қабылдауға ұсынылады. Ересектерге ішке қабылдауға арналған ең жоғары доза: бір реттік – 1200 мг, тәулігіне– 2400 мг;

Пациенттердің ерекше топтары

6-дан 12 жасқа дейінгі балаларға - тәулігіне 4 рет 300 мг-ден.

Балаларға: бір реттік – 300 мг, тәулігіне - 1200 мг.

Енгізу әдісі және жолы

Ішке қабылдауға арналған

Емдеу ұзақтығы

Емдеу курсының ұзақтығын емдеуші дәрігер анықтайды, орташа алғанда 7 күн.

Артық дозалану жағдайында қабылдау қажет болатын шаралар

Симптомдары

анорексия (тәбеттің болмауы), жүрек айну, құсу, шаншу тәрізді ауырулар, бас ауыру, ұйқышылдық, бас айналуы, естен тану. Ұзақ қолданған кезде болуы мүмкін: қызба, гематурия, кристаллурия, цианоз, тахикардия, парестезия, диарея, холестаз, ануриясы бар бүйрек жеткіліксіздігі, уытты гепатит, лейкопения, агранулоцитоз.

Емі

артық дозалану жағдайында дәрігерге қаралу ұсынылады. Емі симптоматикалық, 2% натрий гидрокарбонаты ерітіндісімен асқазанды шаю, белсендірілген көмір немесе басқа да энтеросорбенттер суспензиясын қабылдау. Көп мөлшерде сұйықтық қабылдау, қарқынды диурез, гемодиализ жасау көрсетілген.

Дәрілік препараттың бір немесе бірнеше дозасын өткізіп алу кезіндегі қажетті шаралар

Қабылданбай қалған дозаның орнын толтыру үшін қосарлы дозаны қабылдамаңыз.

Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар

Дәрілік препаратты қолданар алдында дәрігерге немесе фармацевтке жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жүйке жүйесі және лимфа жүйесі тарапынан:

лейкопения, агранулоцитоз, апластикалық анемия, тромбоцитопения, гипопротромбинемия, эозинофилия, глюкоза-6-фосфатдегидрогеназа тапшылығы кезіндегі гемолиздік анемия.

Жүрек-қантамыр жүйесі тарапынан:

тахикардия, миокардит.

Жүйке жүйесі тарапынан:

бас ауыру, неврологиялық реакциялар (асептикалық менингитті қоса), атаксия, елеусіз ғана бас сүйекішілік гипотензия, құрысулар, бас айналу, ұйқышылдық, ұйқысыздық, шаршау сезімі, депрессия, шеткері немесе оптикалық нейропатия, көрудің бұзылуы, психоз, жабырқаулы көңіл-күй, парестезия.

Тыныс алу жүйесі тарапынан:

өкпе инфильтраттары, фиброздаушы альвеолит.

Ас қорыту жолы тарапынан:

шөлдеу, ауыздың құрғауы, диспепсиялық құбылыстар, жүрек айну, құсу, диарея, анорексия, панкреатит, жалған жарғақшалы колит.

Гепатобилиарлық жүйе тарапынан:

бауыр ферменттері (АЛТ, АСТ, сілтілі фосфатаза) белсенділігінің жоғарылауы, холестаздық гепатит, гепатонекроз, гепатомегалия, сарғаю, холестаз.

Несеп шығару жүйесі тарапынан:

несеп түсінің өзгеруі (қаныққан сары-қоңыр түс), несептің қышқылды реакцияларындағы кристаллурия, болуы мүмкін нефроуытты реакциялар: интерстициальді нефрит, тубулярлы некроз, бүйрек жеткіліксіздігі, гематурия, ануриямен шок жағдайындағы бүйрек.

Тері және тері асты шелі тарапынан:

тері гиперемиясы, тері бөртулері (оның ішінде эритематозды-сквамозды, папулезді), қышыну, есекжем, аллергиялық дерматит, фотосенсибилиза-

ция, эксфолиативті дерматит, түйінді эритема, цианоз.

Аллергиялық реакциялар:

аллергиялық реакциялар (оның ішінде уытты эпидермальді некролиз – Лайелл синдромы), Стивенс-Джонсон синдромы, жүйелік қызыл жегі, сарысу құю синдромы, анафилаксиялық реакциялар, Квинке ісінуі, мұрынның бітелуі.

Жалпы бұзылулар:

дәрілік қызба, оң жақ қабырға астының және белдің ауыруы.

Басқа жағымсыз құбылыстар:

тыныс алудың қиындауы, түйінді периартериит, гипотиреоз, гипогликемия.

Сирек жағдайларда гипотиреоидизм дамуы мүмкін.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

Қосымша мәліметтер

Дәрілік препарат құрамы

Бір таблетканың құрамында

белсенді зат - 300.0 мг сульфаниламид

қосымша заттар: картоп крахмалы, стеарин қышқылы, сусыз коллоидты кремнийдің қостотығы (аэросил), кросповидон, полисорбат 80

Сыртқы түрінің, иісінің, дәмінің сипаттамасы

Ойығы бар және жалпақ беткейлі, ақ немесе ақ дерлік түсті таблеткалар. Таблетканың бір жақ бетінде сызығы, басқа бетінде - крест түріндегі фирмалық логотипі болады

Шығарылу түрі және қаптамасы

10 таблеткадан поливинилхлоридті үлбірден (ПВХ) және алюминий фольгадан жасалған пішінді ұяшықты қаптамаға салынған.

2, 5 немесе 10 пішінді ұяшықты қаптамадан медициналық қолдану жөніндегі бекітілген қазақ және орыс тілдеріндегі нұсқаулықпен бірге картон қорапшаға салынған.

Медициналық қолдану жөніндегі бекітілген нұсқаулықтан қазақ және орыс тілдеріндегі ақпаратты қорапшаға жазуға жол беріледі.

Дәрілік препараты бар қорапшаларды картон қораптарға салады.

Медициналық қолдану бойынша бекітілген қазақ және орыс тілдеріндегі нұсқаулықтармен бірге пішінді ұяшықты қаптамаларды (қорапшаға салмай) картон қораптарға салуға жол беріледі. Медициналық қолдану жөніндегі нұсқаулықтар саны қаптамалар санына тең.

Сақтау мерзімі

5 жыл

Жарамдылық мерзімі өткеннен кейін қолдануға болмайды!

Сақтау шарттары

Құрғақ, жарықтан қорғалған жерде, 30⁰С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі: +7 7252 (610151)

Автожауапбергіш нөмірі: +7 7252 (561342)

Факс:+7 7252 (610151)

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі: +7 7252 (610151)

Автожауапбергіш нөмірі: +7 7252 (561342)

Факс:+7 7252 (610151)

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі: +7 7252 (610150)

Факс:+7 7252 (610151)