Одестон®

Одестон®

Гимекромон

Таблеткалар 200 мг

Бір таблетканың құрамында

белсенді зат – 200 мг гимекромон

қосымша заттар: картоп крахмалы, желатин, натрий лаурилсульфаты, магний стеараты.

Дөңгелек пішінді, беті тегіс, ақ немесе сарғыш реңді ақ түсті, бір жағында «Ch» әріптерімен өрнектелген, диаметрі 8.8-ден 9.3 мм дейінгі таблеткалар.

Ас қорыту жолы және зат алмасу. Бауыр және өт шығару жолдарының ауруларын емдеуге арналған препараттар. Өт шығару жолдарының ауруларын емдеуге арналған басқа препараттар. Гимекромон.

АТХ коды А05АХ02

Ішке қабылдағанда гимекромон ас қорыту жолдарынан жеңіл сіңеді. Қан сарысуындағы ең жоғары концентрациясына 2-3 сағаттан кейін жетеді.Қан сарысуынан жартылай шығарылу кезеңі 1 сағатқа жуықты құрайды. Гимекромон несеппен шығарылады; шамамен 93%-ы глюкуронат,

1,4%-ы – сульфонат түрінде, 0,3%-ы өзгермеген гимекромонды құрайды.

Гимекромон кумарин туындысы болып табылады. Препарат өт жолының тегіс бұлшықеттерінің және Оддиев сфинктерінің түйілуін басады, өттің бөлінуін ұлғайтады және оның өт жолдары арқылы шығарылуын шапшаңдатады. Бұл өт іркілісін және соған байланысты дімкәстікті азайтады, холестериннің шығарылуын арттырады және шөгінділер мен өт тастарының пайда болуын қиындатады. Ас қорыту жолдары бездерінің сөлініс белсенділігін және ішекке сіңу үдерісін төмендетпейді.

Кешенді ем құрамында: өт жолдарының түйілулерін, дискинезияны, диспепсиялық бұзылуларды емдеуде

• өт қабына және өт жолдарына жасалған операциялардан кейін, науқастардағы өт-тас ауруымен асқынбаған өт жолдарының функционалдық бұзылуларында
• өт бөлінуінің азаюына байланысты тәбеттің болмауы, жүрек айнуы, созылмалы іш қатуларында.

Ересектер мен 14 жастан үлкен балаларға: тамақтанудың алдында 30 минут бұрын 200-400 мг (1-2 таблеткадан) күніне үш рет.

10-14 жастағы балаларға: – тамақтанудың алдында 30 минут бұрын 200 мг (1 таблеткадан) күніне үш рет.

Препаратты 2-3 апта бойы қабылдау керек.

- гимекромонға немесе препараттың қандай да бір басқа компоненттеріне

өте жоғары сезімталдық

- өт жолдарының бітелуі

- бауыр/бүйректің жедел жеткіліксіздігі

- тоқ ішектің іріңді қабынуы және Крон ауруы бар емделушілер

- спецификалық емес ойық жаралы колит, асқазан мен 12 екі елі ішектің

ойық жара ауруы

- бауыр функциясының бұзылуы

- гемофилия

- жүктілік және лактация кезеңі

- 10 жасқа дейінгі балалар

Одестон тікелей емес антикоагулянттардың әсерін күшейтеді. Морфин гимекромон әсерін бәсеңсітеді.

Гимекромон мен метоклопрамидті қоса қабылдағанда екі препараттың да әсері бәсеңдейді.

Жүктілік және лактация кезеңі

Одестонды жүктілік пен бала емізу кезеңінде қолданудың қауіпсіздігі туралы деректер жоқ. Препаратты жүкті әйелдерге және бала емізуші аналарға тағайындау ұсынылмайды.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Анықталмаған

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға немесе 50 таблеткадан пломбасы бар полиэтилен тығынмен тығындалған полиэтилен құтыға салынған.

Полиэтилен құтыға заттаңба қағазынан жасалған өзі желімденетін заттаңба жапсырылады.

2, 5 немесе 10 пішінді ұяшықты қаптамадан немесе 1 полиэтилен құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.

Рецептісіз

Adamed Pharma S.A.,

Пенькув, М.Адамкевич к-сі 6А, 05-152 Чоснув, Польша

Марш. Ю.Пилсудский к-сі 5, 95-200 Пабянице, Польша

«Адамед Фарма» АҚ ҚР өкілдігі, 050009, Алматы қ., Бөгенбай батыр к-сі, 150 үй, «Кадам Инвест» бизнес орталығы, 9 қабат. Тел.: +7(727) 2676054