Йомоги капсулалар 250 мг № 10 - бағасы Талдықорғанда

Дәрілікпрепараттымедициналыққолдану

жөніндегінұсқаулық (Қосымшапарақ)

Саудалық атауы

Йомоги

Халықаралық патенттелмеген атауы

Жоқ

Дәрілік түрі, дозалануы

Капсулалар, 250 мг

Фармакотерапиялық тобы

Ас қорыту жолы және зат алмасу. Диареяға қарсы, ішекке арналған қабынуға қарсы/микробқа қарсы препараттар. Диареяға қарсы микроорганизмдер. Диареяға қарсы микроорганизмдер. Boulardii сахаромицеттері.

АТХ коды A07FА02

Қолданылуы

- жедел және созылмалы бактериялық диареяда

- антибиотик қабылдаудан туындаған колит және диареяның профилактикасында және емдеуде

- жалған жарғақшалы колит және Clostridium difficile негізделген ауруларда

- тітіркенген тоқ ішек синдромында

- ұзақ энтеральді қоректенуден туындаған диареяда

Қолданудың басталуына дейін қажетті мәліметтер тізбесі

Қолдануға болмайтын жағдайлар

- әсер етуші затқа немесе қосымша заттардың кез келгеніне аса жоғары сезімталдық

- орталық вена катетері бар пациенттер

- қатер шегіндегі пациенттер немесе зеңдік инфекция қаупіне байланысты иммунитеті төмен пациенттер

- галактозаның тұқым қуалайтын жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы

- 6 жасқа дейінгі балаларға (дәрілік түрмен байланысты)

Қолдану кезіндегі қажетті сақтандыру шаралары

Қант диабетімен ауыратын пациенттерге мәлімет: 1 капсула Йомоги 0.01 НБ сәйкес келеді.

Saccharomyces boulardii белсенділігін төмендетпеу үшін, өте ыстық немесе суық тамақпен немесе сусынмен бір мезгілде қолданбау керек. Алкогольмен қабылдауға болмайды.

Егер 2 күн ішінде диарея тоқтамаса немесе нәжісте қан аралас болса немесе дене температурасының жоғарылауымен бірге болса, препаратты одан әрі қолдану жөнінде дәрігермен кеңескен жөн. Су-тұз теңгерімін қалпына келтіруге арналған ерітінділерді, әсіресе балаларда қолдану қажет. Регидратациялық ерітіндінің көлемі жоғалтқан көлеміне баламалы болуы тиіс, яғни дене салмағының әр кг үшін 50-100 мл. Жедел және созылмалы диарея, құсу немесе тамақтан тартыну жағдайында су теңгерімін қалпына келтіру – пероральді немесе парентеральді тәсілін таңдау қажет.

Saccharomyces cerevisiae HANSEN CBS 5926 – бұл иммундық қорғаныс жүйесі бұзылған пациенттерде пайда болатын қолайсыз жағдайларда ішек жолынан қанға немесе орталық веналық катетердің сыртқы контаминациясымен ауысып келіп, жүйелік зеңдік инфекциясын тудыруы мүмкін тірі микроорганизм.

Капсулалар тұтастығы бұзылған кезде орталық веналық катетері бар пациенттер қолданған жағдайда соңғысының колонизациясы нәтижесінде фунгемия қаупі туындайды.Орталық веналық катетері бар пациенттерде гематогенді зеңдік инфекция және сепсис туындауы туралы хабарламалар қатер шегіндегі жағдайдағы пациенттерде немесе иммунитеті төмен пациенттерде болған (мұндай жағдайда Saccharomyces boulardii қолданылмаған). Осының салдары көбіне гипертермия болып табылады, қан сынамасында Saccharomyces бар екендігі анықталады. Бұл симптомдар зеңге қарсы емнен және катетерді алғаннан кейін қайтады. Алайда, қатер шегіндегі жағдайдағы кейбір пациенттерде өліммен аяқталуы байқалды.Тірі микроорганизмдерден алынған барлық дәрілік заттар сияқты, негізінен орталық веналық немесе шеткері катетері бар, тіпті егер олар Saccharomyces boulardii қабылдамаса да, жанасумен немесе ауа тамшылары жолымен кез-келген инфекцияны болдырмау үшін пациенттердің қатысуында препаратпен жұмыс істеуге ерекше назар аудару керек.

Жағымсыз реакциялар пайда болған кезде емдеуді тоқтатып, дәрігерге қаралу қажет.

Егер нәжісті микробиологиялық зерттеу Йомоги емінің кезінде немесе қысқа уақыттан кейін жүргізілсе, бұл туралы зертханада хабарлау керек, әйтпесе жалған оң нәтиже алынуы мүмкін.

Басқа дәрілік препараттармен өзара әрекеттесуі

Йомоги препаратының клиникалық тиімділігінің төмендеуі мүмкіндігіне байланысты оларды пероральді немесе парентеральді тағайындау кезінде зеңге қарсы дәрілермен бір мезгілде қабылдауға болмайды.

Моноаминооксидаза тежегіштерін бір мезгілде қолдану артериялық қысымның жоғарылауын туындатуы мүмкін.

Арнайы ескертулер

Қосымша заттар

Препарат құрамында лактоза бар. Бұл препаратты тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттерге қабылдауға болмайды

Педиатрияда қолдану

Препарат 6 жасқа дейінгі балаларда қолдануға арналмаған.

Жүктілік немесе лактация кезінде

Егер ана үшін күтілген пайда ұрық немесе балаға төнетін қауіптен асып түскен жағдайда ғана жүктілік және лактация кезеңінде Йомоги препаратының қолданылуы дұрыс болуы мүмкін.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Қолдану жөніндегі нұсқаулар

Дозалану режимі

6 жастан 12 жасқа дейінгі балаларға: 1 капсуладан күніне 1-2 рет.

Ересектергежәне 12 жастанасқанбалаларға: 1-2 капсуладан күніне 2 рет.

Ұсынылатынемдеу курсы

- жедел диарея - 3-5 тәулік;

- жедел және созылмалы бактериялық диареяны, тітіркенген тоқ ішек синдромы - 10-14 тәулік;

- антибиотик-астасқан диарея және жалған жарғақшалы колиттің профилактикасы және емдеу - антибиотиктер қолданудың бүкіл курсына антибиотиктермен біріктіріп 2 капсула дозасын тәулігіне 2 рет.

Ұзақ энтеральді қоректену кезінде диареяны емдеу үшін - қоректендіруші сұйықтықтың 1.5литріне күніне 3 капсула.

Диареяныемдеудісимптомдаржойылғаннанкейінде бірнешекүнбойыжалғастырукерек.

Пациенттердің ерекше тобы

Балалар

Препарат 6 жасқадейінгібалалардақолдануғаарналмаған.

Егде жастағы пациенттер

Дозанытүзетуқажетемес.

Бауыржеткіліксіздігі бар пациенттер

Деректержоқ.

Бүйрекжеткіліксіздігі бар пациенттер

Деректержоқ.

Енгізу әдісі және жолы

Ішке қабылдау үшін.

Капсуланы тамақтануға дейін 1 сағат бұрын қолданған жөн, бүтіндігін бұзбай және жеткілікті мөлшердегі жылы сұйықтықпен, дұрысы бір стақан сумен ішіп, жұтып жіберу қажет.

Пациентті зонд арқылы тамақтандыру кезінде капсуланы ашып, ішіндегісін тиісінше тамақпен немесе сұйықтықпен (бөлме температурасында) немесе қоректік ерітіндімен араластыру керек.

Ауа-тамшы жолымен инфекция жұқтыру қаупіне байланысты капсулаларды пациенттер палаталарында ашуына болмайды. Медицина қызметкерлері пробиотиктермен жұмыс істеген кезде енгізу үшін қолғап кию керек, содан кейін қолғапты бірден лақтырып, қолды мұқият жуу керек.

Артық дозаланған жағдайда қолданылуы қажет шаралар

Артық дозалану жағдайы байқалмаған.

Артық дозалануы туындаған жағдайда қандай болсын іс-шаралар қажет етілмейді.

Дәрілік препараттың бір немесе бірнеше дозасын өткізіп алған кездегі қажетті шаралар

Препаратты өткізіп алған қабылдауды өтеу үшін қос дозаны қабылдауға болмайды.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Осы дәрілік препаратты қолдану бойынша қосымша сұрақтар туындаған жағдайда кеңес алу үшін дәрігерге немесе фармацевтке жүгіну керек.

ДП стандартты қолдану кезінде көрініс беретін жағымсыз реакциялар сипаттамасы және осы жағдайдақабылдау керек шаралар

Асқазан-ішек жолы тарапынан бұзылулар

Препаратты қабылдау метеоризм тудыруы мүмкін.

Тері және тері асты шелі тарапынан бұзылулар/Тыныс алу органдары, кеуде қуысы және көкірек ортасы тарапынан бұзылулар/Иммундық жүйе тарапынан бұзылулар

Терінің қышынуы, күлдіреуік (есекжем), оқшауланған және бүкіл денеге таралған терінің бөртпесі (жергілікті немесе жайылған экзантема деп аталады), сондай-ақ терінің және шырышты қабықтардың ісінуі, негізінен бет аймағында (Квинке ісінуі), ентігу және аллергиялық шок байқалды.

Болуы мүмкін жағымсыз әсерлердің деректер жиілігін болжау мүмкін емес.

Инфекциялар және инвазиялар

Өте сирек

- жай-күйі қатер шегіндегі орталық веналық катетері бар пациенттердегі немесе иммунитеті әлсіреген пациенттердегі фунгемия

Белгісіз

- жай-күйі қатер шегіндегі пациенттердегі немесе иммунитеті төмендеген пациенттердегі сепсис

Жағымсыз дәрілік реакциялартуындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасынатікелей хабарласыңыз

Қосымша мәліметтер

Дәрілік препараттың құрамы

Бір капсуланың құрамында

белсендізат - Saccharomyces boulardii лиофилизацияланған ашытқылар (Saccharomyces cerevisiae Hansen CBS 5926 синонимі) 250.00 мг,

қосымша заттар: сусыз лактоза, магнийстеараты,

капсуланың құрамы: хлорофиллин мыс кешені (Е 141), титанныңқостотығы (Е 171), темірдің (III) сары тотығы(Е 172), желатин.

Сыртқытүрінің, иісінің, дәмініңсипаттамасы

Сопақша, жылтыр, қақпағы сары түсті және корпусы ашық-жасыл түсті қатты, мөлдір емес желатинді капсулалар.

Капсуланың ішінде - өзіне тән иісібар және сұрғылт-сарғыш реңді охра түсті түйіршіктелген ұнтақ.

Шығарылу түрі және қаптамасы

10 капсуладан поливинилхлоридтен және алюминий фольгадан жасалған пішінді ұяшықты қаптамада.

1 немесе 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге жиналмалы картон қорапқа салынады.

Сақтау мерзімі

3жыл

Жарамдылық мерзімі өткеннен кейін қолдануға болмайды!

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

Ардейфарм ГмбХ

58313 Хердеке, Германия

тел.: (+0 23 30) 977 677, факс (+0 23 30) 977697

Тіркеу куәлігінің ұстаушысы

АрдейфармГмбХ, Германия

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«AVITA (АВИТА)» ЖШС

Қазақстан, Алматы қ-сы, Алмалы ауданы, БӨГЕНБАЙ БАТЫР көшесі, 150 үй, т.е. 13, пошта индексі 050000;

тел. +7 (727) 279 47 32; +7 701 745 50 02;