Фурагин таблеткалар 50 мг № 30 - бағасы Таразда

«Қазақстан Республикасы

Денсаулық сақтау министрлігі

Медициналық және

фармацевтикалық бақылау

комитеті» РММ төрағасының

20__ ж. «___» ___________

№ __________ бұйрығымен

БЕКІТІЛГЕН

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Фурагин^®

Халықаралық патенттелмеген атауы

жоқ

Дәрілік түрі, дозасы

Таблеткалар, 50 мг

Фармакотерапиялық тобы

Жүйелі пайдалануға арналған бактерияға қарсы препараттар. Жүйелі қолдануға арналған бактерияға қарсы препараттар. Бактерияға қарсы басқа препараттар. Нитрофуран туындылары. Фуразидин.

АТХ коды J01XE03

Қолданылуы

• несеп шығару жолдарының (пиелонефрит, цистит, уретрит) және қуық асты безінің (простатит) жедел және созылмалы инфекциялары
• несеп-жыныс жүйесінің операциядан кейінгі инфекциялары (операциядан кейінгі пиелонефрит, цистит, простатит)

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

• фурагинге, нитрофуран тобының препараттарына немесе препараттың қосымша заттарына жоғары сезімталдық
• бүйректің ауыр жеткіліксіздігі (шумақтық сүзілу жылдамдығы (ШСЖ) 30 мл/мин кем немесе креатининнің жоғары деңгейі)
• бауырдың ауыр жеткіліксіздігі
• порфирия
• полиневропатия (оның ішінде диабеттік)
• энзима глюкозо-6-фосфатдегидрогеназа жеткіліксіздігі (гемолиз даму қаупі)
• жүктілік және бала емізу
• тұқым қуалайтын фруктоза көтере алмаушылығы, Lapp-лактаза ферментінің тапшылығы, глюкоза-галактоза мальабсорбциясы бар адамдар
• 18 жасқа дейінгі балалар мен жасөспірімдер

Фурагинді уросепсис және бүйрек паренхимасы инфекциясы кезінде қолдану ұсынылмайды.

Басқа дәрілік препараттармен өзара әрекеттесуі

Несепті сілтілендіретін дәрілер (мысалы, натрий гидрокарбонаты) фурагиннің емдік әсерін азайтады (фурагиннің несеппен шығарылуын жеделдетеді). Несепті қышқылдандыратын дәрілер (қышқылдар, соның ішінде аскорбин қышқылы, сондай-ақ кальций хлориді) несептегі фурагин концентрациясын арттырады (оның несеппен шығарылуы баяулайды), осылайша препараттың емдік әсері артады, бірақ сонымен қатар уытты құбылыстардың даму қаупін арттырады.

Аминогликозидтер мен тетрациклин фурагиннің бактерияға қарсы әсерін күшейтеді. Бүйрек жеткіліксіздігі кезінде фурагинді аминогликозидтер тобының антибиотиктерімен бір мезгілде қабылдау ұсынылмайды. Хлорамфениколмен және ристомицинмен біріктірілімде гемоуыттылық құбылыстар қаупі артады.

Нитрофурандар in vitro хинолондарға (налидикс қышқылы, оксолин қышқылы, норфлоксацин) антагонизмді көрсетеді. Дегенмен, осы өзара әрекеттесудің клиникалық мәні in vivo зерттелмеген, сондықтан осы дәрілерді бір мезгілде қолданудан аулақ болу керек.

Фурагин мен урикозуриялық дәрілерді (пробенецид, сульфинпиразон) бір мезгілде қолданған кезде фурагиннің несеппен шығарылуы азаяды, бұл фурагиннің жинақталуына және қолайсыз жағымсыз әсерлер мен уытты жағдайлардың даму мүмкіндігіне әкеледі.

Фурагинді және құрамында магний трисиликаты бар антацидтерді бір мезгілде қолдану кезінде фурагиннің сіңуі төмендейді.

Атропин фурагиннің сіңуін баяулатады, бірақ сіңірілетін препараттың жалпы мөлшері өзгермейді.

Емдеу кезінде алкоголь ішпеу керек, өйткені қолайсыз жағымсыз әсерлер (жүрек соғысы, жүрек аймағындағы ауыру, бас ауыруы, жүрек айнуы, құсу, құрысу, артериялық қысымның төмендеуі, қызу және қорқыныш сезімі) пайда болуы мүмкін.

Арнайы ескертулер

Бүйрек функциясының бұзылуы (ШСЖ 30 мл/мин кем болған кезде, қолдануға болмайды)бар науқастарға, анемия кезінде, В тобы дәрумендерінің және фолий қышқылының тапшылығы, өкпе аурулары кезінде сақ болу керек.

Фурагинді ұзақ уақыт қабылдау кезінде шеткері нейропатия дамуы мүмкін.

Клиникалық зерттеулер мен пациенттерді клиникалық бақылаулар барысында нитрофурандар аталық бездің функциясына жағымсыз әсер еткені анықталды, бұл сперма және эякулят мөлшерінің азаюы, сперматозоидтар қозғалғыштығының төмендеуі және олардың морфологиясының патологиялық өзгерістері түрінде білінді.

Фурагинді қант диабетімен ауыратын науқастарға сақтықпен қолдану керек, өйткені препарат полиневропатияның дамуына ықпал етуі мүмкін. Ұзақ емдеу жағдайында бауыр және бүйрек функциясын, сондай-ақ өкпе функциясын, қандағы лейкоциттер мөлшерін, әсіресе 65 жастан асқан пациенттерде мезгіл-мезгіл бақылау керек.

Өте сирек жағдайларда жалған жарғақшалы колиттің дамуы мүмкін екенін ескеру керек, оның себебі табиғи ішек микрофлорасының басылуы және Clostridium difficile көбеюі болып табылады. Жалған жарғақшалы колиттің жеңіл түрі кезінде дәрілік затты қабылдауды тоқтату жеткілікті. Тиісті ем жүргізген кезде ішек перистальтикасын бәсеңдететін дәрілік заттарды қабылдауға болмайды. Дәрілік затты тамақпен бірге қабылдау препараттың сіңуіне айтарлықтай әсер етпей, колиттің даму қаупін төмендетеді.

Фурагин қабылдайтын пациенттерді зертханалық зерттеу, егер анықтау үшін мысты қалпына келтіру әдісі қолданылса, несепте глюкозаның болуына жалған оң реакция беруі мүмкін. Энзиматикалық әдіспен орындалған несептегі глюкозаны анықтау нәтижелеріне фурагин әсер етпейді.

Препарат құрамында лактоза бар

Тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы бар адамдарға қолдануға болмайды.

Препарат құрамында қант бар

Туа біткен сирек фруктоза жақпаушылығы, глюкоза/галактоза мальабсорбциясы немесе сахароза/изомальтаза жеткіліксіздігі бар пациенттерге препаратты қолдануға болмайды.

Педиатрияда қолдану

18 жасқа дейінгі балалар мен жасөспірімдерде қолдануға болмайды.

Жүктілік немесе лактация кезінде

Қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Фурагин көлік құралдарын басқаруға және механизмдерге қызмет көрсетуге әсер етпейді.

Қолдану бойынша ұсынымдар

Дозалау режимі

Ересектерге күніне 2-3 рет 100-200 мг тағайындалады. Ең жоғары тәуліктік доза − 600 мг. Емдеу курсы 7-10 күнді құрайды. Қажет болса, емдеу курсы 10-15 күннен кейін қайталанады.

Созылмалы несеп шығару жолдары инфекцияларының профилактикасы үшін – күніне 50 мг.

Әйелдерде несеп шығару жолдарының қайталамалы инфекциялары кезінде (12 ай ішінде кемінде 3 көрініс) 6-12 ай бойы күніне 100 мг Фурагин (2 таблетка) пайдаланылады.

Енгізу әдісі мен жолы

Фурагин^® таблеткалары тамақтан кейін судың жеткілікті мөлшерімен іше отырып, ішке қабылданады.

Артық дозалану жағдайында қабылдануы қажетті шаралар

Нитрофурандар уыттылығы аз. Әдетте уытты әсер бүйрек функциясы бұзылған науқастарда мүмкін.

Симптомдары: бас ауруы, бас айналу, депрессия, шеткері полиневрит, аллергиялық реакциялар (есекжем, ангионевроздық ісіну, бронхоспазм), жүрек айну, құсу, гемолитикалық анемия (глюкозо-6-фосфатдегидрогеназа жеткіліксіздігі бар адамдарда), мегалобластты анемия, өте сирек – бауыр функциясының бұзылуы.

Емі: асқазанды шаю, инфузиялық ерітіндіні в/і енгізу (0,9% натрий хлориді ерітіндісі). Симптоматикалық және демеуші ем жүргізу. Ауыр жағдайларда гемодиализ көрсетілген. Спецификалық антидоты белгісіз.

Дәрілік препараттың бір немесе бірнеше дозасын өткізіп алу кезіндегі қажетті шаралар

Егер келесі қабылдауды өткізіп алсаңыз, препаратты есіңізге түскен кезде қабылдаңыз, бірақ келесі қабылдау уақыты таяп қалған болса, оны өткізіп жіберіңіз. Ешқашан қосарлы дозаны қабылдамаңыз!

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

Күмән туындаса, емдеуші дәрігермен кеңесіңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиі емес

• бас айналу, ұйқышылдық
• тәбеттің жоғалуы, жүрек айнуы

Сирек

• шеткері невропатия
• жедел және созылмалы өкпе реакциясы.

Жедел өкпе реакциясы екпіндеп дамиды. Ол ауыр ентігу, қызба, көкірек тұсының ауыруы, қақырықпен немесе онсыз, эозинофилиямен жөтел түрінде көрінеді. Жедел өкпе реакциясымен бір мезгілде тері бөртпелері, қышыну, есекжем, ангионевроздық ісіну, миалгия туралы хабарланды. Жедел өкпе реакциясы жоғары сезімталдық реакциясына негізделген, ол бірнеше сағат, сирек –минут ішінде пайда болуы мүмкін. Жедел өкпе реакциясы қайтымды сипатқа ие, ол дәрілік затты қабылдауды тоқтатқаннан кейін басылады.

• Созылмалы өкпе реакциясы нитрофурандармен (оның ішінде Фурагинмен) емдеуді тоқтатқаннан кейін ұзақ уақыт өткеннен кейін дамуы мүмкін. Ол ентігудің біртіндеп жоғарылауымен, тыныс алудың жиілеуімен, тұрақсыз қызбамен, эозинофилиямен, үдемелі жөтелмен, интерстициялық пневмония және/немесе өкпе фиброзымен сипатталады.
• көрудің бұзылуы
• құсу, диарея
• папулезді бөртпелер, қышыну
• әлсіреп қалу, дене температурасының жоғарылауы, өтпелі алопеция

Өте сирек

• қан түзудің бұзылуы (агранулоцитоз, тромбоцитопения, апластикалық анемия)
• жеңіл интракраниальді гипертензия
• панкреатит
• холестаздық сарғаю, гепатит
• ангиоэдема, есекжем, эксфолиативті дерматит, erythema multiforme

Фурагин несепті қоңыр түске бояуы мүмкін.

Жағымсыз әсерлер дамыған жағдайда дозаны азайту немесе препаратты қабылдауды тоқтату керек. Егер препарат тамақтан кейін көп мөлшердегі сұйықтықпен ішіп қабылданса, жағымсыз әсерлер азаяды.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

Қосымша мәліметтер

Құрамы

Бір таблетканың құрамында

белсенді зат – фурагин 50 мг,

қосымша заттар – лактоза моногидраты, желатинделген крахмал, қант, полисорбат 80 (твин 80), стеарин қышқылы.

Сыртқы түрінің, иісінің, дәмінің сипаттамасы

Сарыдан қызғылт-сары реңді сары түске дейінгі, ойығы бар жалпақ цилиндр пішінді таблеткалар.

Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

3 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды!

Сақтау шарттары

Жарықтан және ылғалдан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы.

Өндіруші туралы мәліметтер

«Олайнфарм» АҚ

Рупницу к-сі 5, Олайне, LV-2114, Латвия

Тел.: +371 67013705

Факс: +371 67013777

E-mail: olainfarm@olainfarm.com

Тіркеу куәлігінің ұстаушысы

«Олайнфарм» АҚ

Рупницу к-сі 5, Олайне, LV-2114, Латвия

Тел.: +371 67013705 / Факс: +371 67013777

E-mail: olainfarm@olainfarm.com

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, электронды пошта)

“Олайнфарм” АҚ өкілдігі

050009 Алматы қ., Абай даңғ. 151/115, 807 кеңсе

Телефон / факс +7 727 333 46 52

E-mail: olainfarm.instr@mail.ru