Ацикловир-АКОС жақпа 5% 5 гр Теміртауда

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

АЦИКЛОВИР-АКОС

Халықаралық патенттелмеген атауы

Ацикловир

Дәрілік түрі, дозасы

Жақпамай, 5 %

Фармакотерапиялық тобы

Дерматология. Дерматологияда қолдануға арналған антибиотиктер және химиотерапиялық препараттар. Жергілікті қолдануға арналған химиотерапиялық препараттар. Вирусқа қарсы препараттар. Ацикловир

АТХ коды D06BB03

Қолданылуы

- ерін (қайталанатын ерін герпесі) және бет терісінің Herpes simplex вирусынан туындаған вирустық инфекцияларды емдеу

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- ацикловирге немесе валацикловирге немесе препараттың қандай да бір басқа компонентіне аса жоғары сезімталдық

Басқа дәрілік препараттармен өзара әрекеттесуі

Иммунитет стимуляторларымен бірге қолдану ацикловирдің әсерін күшейтеді.

Арнайы ескертулер

Сақтықпен: Ацикловир жақпамайы ерін герпесінің қайталануының профилактикасы үшін тиімді. Емдеу тиімділігі ол неғұрлым ерте басталса (инфекцияның алғашқы белгілерінде), соғұрлым жоғары болады.

Шырышты қабықтарға (әсіресе ауыз бен мұрынның), сондай-ақ көзге тигізуден аулақ болған жөн. Офтальмологияда қолдану үшін ацикловирдің басқа дәрілік түрі бар.

Препаратты жаққаннан кейін бірден жуынуға және шомылуға болмайды.

Ацикловирдің емдік әсерін жүзеге асыру үшін организмнің иммундық жүйесінің ахуалының маңызы зор. Ацикловир жақпа майын жергілікті қолдануына байланысты иммунитеті әлсіз пациенттерге (мысалы, сүйек кемігін трансплантациялаудан кейін немесе АИТВ-инфекциясы болған кезде) және герпес инфекциясының ауыр және қайталанатын ағымы кезінде препаратты жүйелі түрде тағайындау керек. 1,25 см жақпамай жолағын зақымданған терінің 25 шаршы см жағу керек.

Терінің басқа жерлеріне аутоинокуляцияның алдын алу үшін саусаққаптар немесе резеңке қолғаптарды пайдалану қажет.

Ацикловир герпестің жыныс жолымен берілуін бөгемейтіндіктен, клиникалық белгілер болмаса да емдеу кезеңінде жыныстық қатынастан тартынған дұрыс.

Препаратты қолдану кезінде аллергиялық реакциялар туындаған жағдайда жақпамайды қолдануды дереу тоқтатып, тиісті шаралар қолдану қажет.

Құрамында пропиленгликоль бар – терінің тітіркенуін тудыруы мүмкін, метилпарагидроксибензоат және пропилпарагидроксибензоат - баяу типті аллергиялық реакциялар.

Жүктілік және лактация кезінде

Жүктілік және бала емізу кезеңінде препаратты қолдану қауіпсіздігіне барабар және қатаң бақыланатын клиникалық зерттеулер жүргізілген жоқ. Қолдану ана үшін болжамды пайда ұрық пен бала үшін ықтимал қауіптен асып кеткен жағдайларда ғана көрсетілімде. Ананың жүйелі қан ағымына енгенде ацикловир емшек сүтіне өтеді, бірақ жақпамай қолданған кезде бала алатын препараттың мөлшері өте аз.

Ацикловирді қолданудың тіркеуден кейінгі тәжірибесінің нәтижесінде кез келген дәрілік түрде ацикловир қолданатын әйелдерде жүктілік нәтижелері бойынша ақпаратты қамтитын деректер алынды. Жалпы популяциямен салыстырғанда ацикловирмен ем қабылдаған пациенттер арасында туа біткен даму кемістіктері немесе қандай да бір кемістіктер санының өсуі анықталған жоқ. Қолданар алдында, Егер сіз жүкті болсаңыз немесе жүкті болуыңыз мүмкін деп ойласаңыз немесе жүктілікті жоспарласаңыз, сондай-ақ бала емізу кезеңінде дәрігермен кеңесу керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

АЦИКЛОВИР-АКОС көлікті басқару немесе назардың жоғары шоғырлануын және психомоторлық реакциялардың жылдамдығын талап ететін басқа да ықтимал қызмет түрлерімен айналысу қабілетіне әсер етпейді.

Қолдану жөніндегі нұсқаулар

Дозалау режимі

Жақпамайды зақымдалған бөліктерге тәулігіне 5-6 рет (инфекция басталғаннан кейін мүмкіндігінше ерте) уақыттың бірдей аралығында жағады.

Қайталанатын инфекцияны емдеуді продромальды кезеңінде немесе инфекцияның ең басында бастау маңызды.

Емді бөртпе бетінде қабыршық пайда болғанша, немесе олар толығымен жазылғанша жалғастыру қажет.

Енгізу әдісі мен жолы

Сыртқа.

Емдеу ұзақтығы – 5 күннен кем емес, ең көбі 10 күн.

Артық дозаланған жағдайда қабылдануы тиіс шаралар

Қазіргі уақытта сыртқа қолдануға арналған Ацикловир жақпамайы препаратымен артық дозалану жағдайлары туралы хабарланбаған.

Дәрілік препаратты қолдану тәсілін түсіндіру үшін медициналық қызметкерге кеңес алуға жүгіну ұсынылады.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Жиі емес

- препаратты жаққан жерде қысқа мерзімді ашытып-күйдіру және шаншу сезімі, терінің құрғауы, терінің қабыршақтануы, қышыну

Сирек

- эритема, препаратты жаққан жерде жанаспалы дерматит

Өте сирек

- анафилаксиялық реакциялар, ангионевроздық ісінуді және есекжемді қоса

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды ұлттық сараптау орталығы» ШЖҚ РМК

Қосымша мәліметтер

Дәрілік препараттың құрамы

Бір сықпаның ішінде:

белсенді зат: ацикловир - 0.250 г,

қосымша заттар: тауық майы (құс майының липидті компоненті, ЛИПОКОМП-С), эмульгатор № 1 - 0.004 г, макрогол 400 (полиэтиленоксид-400, полиэтиленгликоль-400), пропиленгликоль – 0.500 г, метилпарагидроксибензоат (нипагин, метилпарабен) - 0.004 г, пропилпарагидроксибензоат (нипазол, пропилпарабен) - 0.001 г, тазартылған су 5.000 г дейін.

Сыртқы түрінің иісінің, дәмінің сипаттамасы

Ақ немесе сарғыш реңді ақ түске дейін жақпамай.

Шығарылу түрі және қаптамасы

5 г-ден алюминий сықпада. Әр сықпа медициналық қолдану жөніндегі қазақ және орыс тілдеріндегі нұсқаулықпен картон қорапшаға салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз.

Өндіруші туралы мәлімет

«Синтез» ААҚ

Ресей, 640008,

Қорған обл., Қорған қ., Конституция даңғылы, 7 үй.

тел./факс (3522) 48-16-89

Тіркеу куәлігінің ұстаушысы

«Синтез» ААҚ

Ресей, 640008,

Қорған обл.,

Қорған қ., Конституция даңғылы, 7 үй.

тел./факс (3522) 48-16-89

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды поштасы):

"ИнтерФармасьютикал" ЖШС

483110 Қазақстан Республикасы, Қаскелен қ., Бокин к-сі, 58

Тел.: +7(495)799-21-86