Қазақстан Республикасы
Денсаулық сақтау министрлігі
Фармация комитеті төрағасының
2019 жылғы “19 ” сәуірде
№ N020895 бұйрығымен
БЕКІТІЛГЕН
Дәрілік затты медициналық қолдану
жөніндегі нұсқаулық
АЙРА–сановель Плюс
Саудалық атауы
АЙРА–сановель Плюс
Халықаралық патенттелмеген атауы
Жоқ
Дәрілік түрі
Таблеткалар 16 мг/12.5 мг
Құрамы
Бір таблетканың құрамында
белсенді заттар: кандесартан цилексетилі 16 мг,
гидрохлоротиазид 12.5 мг,
қосымша заттар: лактоза моногидраты, жүгері крахмалы, полиэтиленгликоль 8000, гидроксипропилцеллюлоза, кальций карбоксиметилцеллюлозасы, магний стеараты, темірдің (III) қызыл тотығы (Е172), темірдің (III) сары тотығы (Е172).
Сипаттамасы
Ұзынша пішінді, ақшыл-қызғылт түсті, екі жағында сызығы бар таблеткалар
Фармакотерапиялық тобы
Жүрек-қантамыр жүйесі. Ренин-ангиотензин жүйесіне ықпал ететін препараттар. Басқа препараттармен біріктірілімдегі ангиотензин ІІ антагонистері. Диуретиктермен біріктірілімдегі ангиотензин II антагонистері. Диуретиктермен біріктірілген кандесартан
АТХ коды C09DA06
Фармакологиялық қасиеттері
Фармакокинетикасы
Кандесартан цилексетилі
Кандесартан цилексетилін және гидрохлортиазидті бірге қабылдау осы дәрілік заттардың кез келгенінің фармакокинетикасына клиникалық тұрғыдан маңызды әсерін тигізбейді.
Сіңуі және таралуы
Кандесартан цилексетилі
Кандесартан цилексетилі ішке қабылдағаннан кейін белсенді зат – кандесартанға айналады. Кандесартан цилексетилі ерітіндісін ішке қабылдағаннан кейін кандесартанның абсолютті биожетімділігі 40%-ға жуықты құрайды. Таблетка түріндегі препараттың салыстырмалы биожетімділігі, ішуге арналған ерітіндімен салыстырғанда, шамамен 34% құрайды. Таблетка түріндегі препаратты қабылдағаннан кейін 3-4 сағаттан соң қан сарысуында ең жоғары концентрацияға (Сmax) жетеді. Препараттың дозасын тиісті шекте арттырған кезде кандесартанның концентрациясы дозаға байланысты жоғарылайды. Кандесартанның фармакокинетикалық параметрлері пациенттің жынысына байланысты емес. Ас қабылдау «концентрация – уақыт» қисығы астындағы ауданға (AUC) елеулі ықпал етпейді, яғни ас препараттың биожетімділігіне елеулі ықпалын тигізбейді. Кандесартан қан плазмасы ақуыздарымен белсенді түрде байланысады (99%-дан астам). Кандесартанның плазмалық таралу көлемі 0.1 л/кг құрайды.
Гидрохлортиазид
Гидрохлортиазид асқазан-ішек жолынан тез бөлініп шығады, биожетімділігі шамамен 70% құрайды. Аспен қатарластыра қабылдау сіңуін шамамен 15%-ға арттырады. Биожетімділігі жүрек функциясының жеткіліксіздігі және айқын ісінулері бар пациенттерде төмендеуі мүмкін. Қан плазмасы ақуыздарымен байланысы шамамен 60% құрайды. Көзге көрінетін таралу көлемі шамамен 0,8 л/кг құрайды.
Метаболизмі және бөлініп шығуы
Кандесартан цилексетилі
Кандесартан, негізінен, организмнен несеппен және өтпен бірге өзгермеген күйінде шығарылады және бауырда тек аздаған дәрежеде метаболизденеді (CYP2C9).
Кандесартан метаболизмі P450 цитохромының CYP1A2, CYP2A6, CYP2C9, CYP2C19, CYP2D6, CYP2E1 немесе CYP3A4 изоферменттерімен байланысты дәрілік препараттармен өзара әрекеттеспейді. Кандесартанның жартылай шығарылу кезеңі шамамен 9 сағат құрайды. Препараттың организмде жиналып қалуы байқалмайды. Кандесартанның жартылай шығарылу кезеңі кандесартан цилексетилін гидрохлортиазидпен бірге қабылдағаннан (шамамен 9 сағаттан) кейін өзгермеген күйінде қалады. Монотерапиямен салыстырғанда, біріктірілген препаратты көп рет қабылдағаннан кейін кандесартанның қосымша жиналып қалу орын алмайды.
Кандесартанның жалпы клиренсі шамамен 0.37 мл/мин/кг құрайды, мұндайда бүйрек клиренсі – 0.19 мл/мин/кг жуық. Кандесартан бүйрекпен шығарылуы шумақтық сүзілу және белсенді өзекшелік секреция жолымен жүзеге асады.
Радиоактивті-таңбаланған кандесартан цилексетилін ішке қабылдағаннан кейін енгізілген мөлшердің 26%-ға жуығы несеппен бірге кандесартан түрінде және 7%-ы белсенді емес метаболит түрінде шығарылады, бұл орайда енгізілген мөлшердің 56%-ы кандесартан түрінде және 10%-ы белсенді емес метаболит түрінде нәжістен табылады.
Гидрохлортиазид
Гидрохлортиазид метаболизденбейді және нефронның проксимальді бөлігінде шумақтық сүзілу және белсенді өзекшелік секреция жолымен препараттың белсенді түрінде толық дерлік бөлініп шығады. Жартылай шығарылу кезеңі шамамен 8 сағатты құрайды. Ішке қабылданған дозаның шамамен 70%-ы несеппен бірге 48 сағат ішінде шығарылады. Жартылай шығарылу кезеңі кандесартанмен бірге қабылдаған кезде өзгермейді. Препараттарды біріктіріп қолданғанда, монотерапиямен салыстырғанда, гидрохлортиазидтің қосымша жиналып қалуы байқалған жоқ.
Ерекше топтардағы кандесартан фармакокинетикасы
Егде жастағы пациенттерде (65 жастан асқан) кандесартанның Cmax және AUC, жас пациенттермен салыстырғанда, тиісінше, 50% және 80% артты. Алайда, АЙРА-сановель Плюсті қолданған кезде гипотензиялық әсері мен жағымсыз әсерлердің даму жиілігі пациенттердің жасына байланысты болмайды.
Бүйрек функциясы жеңіл және орташа бұзылған пациенттерде қайта қолданғанда кандесартанның Cmax және AUC тиісінше 50% және 70%-ға артты, ал препараттың жартылай шығарылу кезеңі өзгермейді.
Бүйрек функциясы ауыр бұзылған пациенттерде және гемодиализдегі пациенттерде кандесартанның Cmax және AUC тиісінше 50%-ға және 110%-ға артты, ал препараттың жартылай шығарылу кезеңі 2 есе ұзарды.
Бауыр фунциясы жеңіл және орташа бұзылған пациенттерде кандесартанның AUC мәні 20% - 80%-ға жоғарылағаны байқалды.
Гидрохлортиазид
Бүйрек фунциясының жеткіліксіздігі бар пациенттерде жартылай шығарылу кезеңі ұзағырақ.
Фармакодинамикасы
Кандесартан цилексетилі: Кандесартан цилексетилі кандесартан II ангиотензин тиімді антагонисінің белсенді емес түрі болып табылады. Ішке қабылдағанда, кандесартан цилексетилі асқазан-ішек жолдарында сіңу үдерісінде гидролизге ұшырайды және кандесартанға - белсенді түріне өтеді.
Кандесартан қан тамырларының тегіс бұлшықеттерінде, бүйрек үсті бездерінде II ангиотензиннің АТ1 рецепторымен байланысу үдерісін бөгей отырып, II ангиотензиннің вазоконстрикторлық және альдостерон-секреторлық функциясына кедергі келтіреді. Кандесартан басқа гормоналды рецепторлармен байланысуға немесе қалыпты қызметі жүрек-қан тамырларын реттеу үшін қажетті иондық өзекшелерді бөгеуге қабілетсіз. Артериялық гипертензияны емдеуге пайдаланғанда кандесартан артериялық қысымға ұзақ әсер етеді және дозаға қарай оны төмендетеді. Кандесартанның гипертензияға қарсы әсері жүрек рефлексін күшейтусіз жүйелік шеткері қарсыласуды азайтуымен байланысты. Кандесартанды дозалар аралығында күніне 1 рет қолдану ең жоғары және ошақтық тиімділігі арасындағы аздаған айырмашылығы пайда болуына және артериялық қысымның тұрақты төмендеуіне ықпал етеді.
Артериялық қысымның жеткіліксіз төмендеуінде тиазидті диуретиктерді (гидрохлоротиазид) және кальций антагонистерін (амлодипин) үйлестіре қолдану мүмкіндігі бар.
Кандесартан, бүйрек қан тамырларының қарсыласуын төмендетумен қатар, бүйректің қанмен жабдықталуын және шумақтық сүзілісін жылдамдатады.
Гидрохлоротиазид: Гидрохлоротиазид нефронның дистальді өзекшелерінде электролиттердің реабсорбция механизміне әсер етеді; натрий және хлор иондары бөлінуін арттырады (шамамен тең мөлшерде). Гипертензияға қарсы әсер ету механизмі аяғына дейін анықталмаған. Ішке қабылдағанда диурез 2 сағат өткенде басталады, ең жоғары мәніне 4 сағат ішінде жетеді және 6-12 сағат бойына жалғасады.
Кандесартан цилексетилі/Гидрохлоротиазид: Кандесартан және гидрохлоротиазид жинақталған гипотензиялық әсер береді. Артериялық гипертензиясы бар пациенттерде кандесартан пен гидрохлоротиазидті үйлестіре қолдану ЖЖЖ ұлғаюынсыз АҚ тиімді және ұзақ уақыт төмендеуін туындатады. Ортостатикалық артериялық гипотензия препаратты бірінші қабылдағанда байқалмайды, емдеу аяқталғаннан кейін артериялық гипертензия күшеймейді. Препаратты тәулігіне 1 рет қолдану АҚ 24 сағат бойы ең жоғары және орташа әсер ету тиімділігінің елеусіз айырмашылығымен тиімді және баяу төмендетеді.
Қазіргі уақытта бүйрек ауруы/ нефропатиясы бар, сол жақ қарынша функциясы төмендеген/ іркілісті жүрек жеткіліксіздігі бар пациенттерде және миокард инфарктысынан кейінгі пациенттерде кандесартан цилексетилі/гидрохлоротиазид біріктірілімін пайдалану бойынша деректер жоқ.
Қолданылуы
- біріктірілген емді талап ететін артериялық гипертензияда
Қолдану тәсілі және дозалары
АЙРА–сановель Плюстің бастапқы ұсынылатын дозасы күніне 1 таблетка.
Препаратты артериялық қысымы кандесартан цилексетилі немесе гидрохлоротиазидтің монотерапиясымен тиісті түрде бақыланбайтын пациенттерде қолдануға болады.
Пациентті АЙРА–сановель Плюспен емге көшірер алдында кандесартан дозасын титрлеу ұсынылады.
Ең жоғары емдік әсерге ем басталғаннан кейін 4 аптадан соң жетеді.
АЙРА–сановель Плюс күніне бір рет тамақ ішу уақытына байланыссыз, аз мөлшердегі сумен іше отырып қабылданады.
Егде жастағы адамдарда: Пациентті АЙРА–сановель Плюспен емге көшірер алдында кандесартан дозасын титрлеу ұсынылады (егде жастағы науқастарда кандесартан цилексетилінің ұсынылатын бастапқы дозасы 4 мг).
Бүйрек жеткіліксіздігінде: Бүйрек функциясының жеңіл немесе орташа бұзылуы (КК > 30 мл/мин/1.73 м2) бар пациенттерде, гемодиализдегі пациенттерді қоса, АЙРА–сановель Плюс емін бастағанға дейін кандесартан дозасын 4 мг бастап титрлеу ұсынылады.
Препаратты бүйректің ауыр дәрежедегі (КК < 30 мл/мин/1.73 м2) жеткіліксіздігі бар пациенттерде қолдануға болмайды.
Айналымдағы қан көлемі төмен пациенттер: Артериялық гипотензия қаупі бар пациенттер үшін, мысалы айналымдағы қан көлемі төмен пациенттер үшін кандесартан дозасын 4 мг бастап титрлеу ұсынылады.
Бауыр жеткіліксіздігінде: Бауыр функциясының жеңіл немесе орташа бұзылуы бар пациенттерде АЙРА–сановель Плюс емін бастағанға дейін кандесартан дозасын 2 мг бастап титрлеу ұсынылады.
Препаратты бауырдың ауыр дәрежедегі жеткіліксіздігі немесе холестазы бар пациенттерге қолдануға болмайды.
Балаларда: АЙРА–сановель Плюсті балаларда және жасөспірімдерде (18 жасқа дейінгі жаста) қолданудың қауіпсіздігі және тиімділігі анықталмаған.
Жағымсыз әсерлері
Жиі (> 1/100, < 1/10)
- бас ауыру, бас айналу
- тыныс жолдарының инфекциялары
Өте сирек (< 1/10 000)
- жүректің айнуы
- жөтел
- лейкопения, нейтропения және агранулоцитоз
- гиперкалиемия, гипонатриемия
- «бауыр» ферменттері белсенділігінің жоғарылауы, бауыр функциясының бұзылуы немесе гепатит
- ангионевроздық ісіну, бөртпе, есекжем, терінің қышуы
- арқаның ауыруы, артралгия, миалгия
- бүйрек функциясының бұзылуы, бейім пациенттерде бүйрек функциясының жеткіліксіздігін қоса есептегенде
Гидрохлортиазидпен емдеген кезде, әдетте 25 мг немесе одан астам дозада, келесі жағымсыз әсерлер білінді:
Жиі (> 1/100, < 1/10)
- жеңіл бас айналу, вертиго
- глюкозурия
- әлсіздік
- холестерол және триглицеридтер деңгейінің артуы
- гипергликемия, гиперурикемия, электролиттік теңгерімсіздік (гипонатриемия және гипокалиемияны қоса)
Жиі емес (> 1/1000, < 1/100)
- бөртпе, есекжем, фотосенсибилизация реакциялары
- ортостатикалық гипотензия
- анорексия, тәбеттің жоғалуы, асқазанның тітіркенуі, диарея, іштің қатуы
Сирек (> 1/10 000, < 1/1 000)
- лейкопения, нейтропения/агранулоцитоз, тромбоцитопения, апластикалық анемия, сүйек кемігі функциясының әлсіреуі, гемолиздік анемия
- анафилаксиялық реакциялар
- ұйқының бұзылуы, депрессия, мазасыздық
- парестезия
- уақытша көздің бұлдырауы
- аритмия
- некроздық васкулит, жедел васкулит
- респираторлы дистресс-синдром (соның ішінде пневмония және өкпенің ісінуі)
- панкреатит
- сарғаю (бауырішілік холестаздық)
- уытты эпидермальді некролиз, жүйелі қызыл жегіне ұқсас эритематозды реакциялар, жүйелі қызыл жегінің асқынуы
- бұлшықет түйілуі
- бүйрек функциясының бұзылуы және интерстициальді нефрит
- плазмадағы креатинин және мочевинаның деңгейінің жоғарылауы
Белгісіз
- меланомалық емес тері обыры (базальды жасуша карциномасы және жалпақжасушалы обыр)
Қолдануға болмайтын жағдайлар
- препараттың компоненттеріне немесе сульфонамидтер туындыларына жоғары сезімталдық
- жүктілік және лактация кезеңі
- бауырдың ауыр жеткіліксіздігі және/немесе холестазы бар науқастар
- ауыр бүйрек жеткіліксіздігі (креатинин клиренсі <30 мл/мин/1.73 м2)
- рефрактерлық гипокалиемия және гиперкальциемия
- подагра
- 18 жасқа дейінгі балалық және жасөспірімдік жаста
- тұқым қуалайтын фруктоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдар
Дәрілермен өзара әрекеттесуі
АЙРА-сановель Плюс препаратын варфаринмен, дигоксинмен, пероральді контрацептивтермен (этинилэстрадиол /левоноргестрел), глибенкламидпен, нифедипинмен біріктіріп қолданғанда клиникалық тұрғыдан елеулі фармакокинетикалық өзара әрекеттесулер байқалмады.
Калийдің жоғалуына әкелетін гидрохлортиазидтің әсері калийдің жоғалуына және гипокалиемияға әкелетін басқа да дәрілермен (мысалы, диуретиктер, іш жүргізетін дәрілер, амфотерицин, карбеноксолон, пенициллин G натрий, салицил қышқылының туындылары, стероидтар, АКТГ) күшеюі мүмкін.
АЙРА-сановель Плюс пен басқа да калий жинақтайтын диуретиктерді, калий препараттарын, калий қоспаларын немесе тұз алмастырғыштарды, сондай-ақ сарысудағы калий деңгейін арттыруы мүмкін басқа да дәрілік препараттарды (мысалы, натрий гепарині) бірге қолданғанда сарысудағы калий мөлшерінің ұлғаюына әкелуі мүмкін. Калий деңгейіне мониторингті қажеттілігі бойынша жүргізу керек.
Диуретикалық дәрілермен индукцияланған гипокалиемия және гипомагниемия оймақгүл гликозидтерінің және аритмияға қарсы дәрілердің кардиоуыттық әсер етуіне бейімді етеді.
АЙРА-сановельді пируэтті қарыншалық тахикардияны тудыру мүмкіндігі бар препараттармен бірге қабылдағанда, қандағы калийдің деңгейін бақылау керек:
• Ia класс аритмияға қарсы препараттары (мысалы, хинидин, гидрохинидин, дисопирамид)
• III класс аритмияға қарсы препараттары ( мысалы, амиодарон, соталол, дофетилид, ибутилид)
• Кейбір психозға қарсы дәрілер (мысалы, тиоридазин, хлорпромазин, левомепромазин, трифторперазин, циамемазин, сульпирид, султоприд, амисульприд, тиаприд, пимозид, галоперидол, дропеиодол)
• Басқалар (мысалы, бепридил, цизаприд, дифеманил, эритромицин в/і, галофантрин, кетансерин, мизоластин, пентамидин, спарфлоксацин, терфенадин, винамин в/і).
Литий препараттарын АӨФ тежегіштерімен немесе гидрохлортиазидпен бірге тағайындағанда қан сарысуындағы литий концентрациясының қайтымды артуы және уыттану реакцияларының пайда болғаны жөнінде мәлімделген. Осындай реакциялар ангиотензин ІІ рецепторларының антагонистерін пайдаланғанда да кездесуі мүмкін. Кандесартан мен гидрохлоротиазидті литийдің препараттарымен біріктіріп қолдануға болмайды. Осыған байланысты бұл препараттарды біріктіріп қолданғанда қан сарысуындағы литий деңгейін бақылап отыру керек.
Ангиотензин II рецепторлары антагонистерін және қабынуға қарсы стероидты емес дәрілерді (ҚҚСД, ЦОГ-2 іріктелген тежегіштерін, ацетилсалицил қышқылын (күніне > 3 г) және іріктелмеген ҚҚСП) бір мезгілде қолданғанда гипертензияға қарсы әсері әлсіреуі мүмкін.
АӨФ тежегіштерін қолданған жағдайындағы сияқты, ангиотензин II рецепторлары антагонистерін және ҚҚСП бірге қолдану, әсіресе, бүйрек функциясы бұрыннан бұзылған пациенттерде, бүйрек функциясының нашарлау қаупінің артуына әкелуі мүмкін, жедел бүйрек жеткіліксіздігін, сондай-ақ қан плазмасындағы калий деңгейінің жоғарылауын қоса. Осы біріктірілімді, әсіресе, егде жастағы пациенттерге сақтықпен тағайындау керек. Біріктірілген ем басталғаннан кейін және емделу үдерісінде пациенттер талапқа сай гидратация және бүйрек функциясына мониторинг жасаған жөн.
Гидрохлортиазидтің несеп жүргізгіш, натрийуретикалық және гипотензиялық әсерін қабынуға қарсы стероидты емес препараттар әлсіретеді.
Гидрохлортиазидтің сіңуі колестиполды немесе холестираминді қолданған кезде бәсеңдейді.
Деполяризацияламайтын миорелаксанттардың (мысалы, тубокурариннің) әсері гидрохлортиазидпен күшеюі мүмкін.
Тиазидтік диуретикалық дәрілер қандағы кальций деңгейін, оның шығарылуының азаюына байланысты, арттыруы мүмкін. Құрамында кальций бар тағамдық үстемелерді немесе D дәруменін қабылдау қажет болғанда, қан плазмасындағы кальций деңгейін бақылаған және қажет болғанда дозаны түзеткен жөн.
Тиазидтер бета-адреноблокаторлардың және диазоксидтің гипергликемиялық әсерін күшейтеді.
Антихолинэргиялық дәрілер (мысалы, атропин, биперидин), асқазан-ішек жолының жиырылуының төмендеуі салдарынан, тиазидтер негізінде несеп жүргізгіш дәрілердің биожетімділігін арттыруы мүмкін.
Тиазидтер амантадиннің жағымсыз әсерлерінің қаупін арттыруы мүмкін.
Тиазидтер цитоуыттық (мысалы, циклофосфамид, метотрексат сияқты) дәрілердің организмнен шығарылуын баяулатуы және олардың миелосупрессиялық әсерін күшейтуі мүмкін.
Препаратты қабылдау аясында алкоголь, барбитураттар немесе анестетиктер қабылдаған кезде ортостатикалық гипотензияның пайда болу жиілігі артуы мүмкін.
Тиазидтермен емдеу глюкозаға төзімділікті төмендетуі мүмкін. Диабетке қарсы препараттардың, соның ішінде инсулиннің дозасын таңдау қажет болуы мүмкін. Метформинді, гидрохлоротиазидпен байланысты ықтимал функционалды бүйрек жеткіліксіздігінен туындаған лактоацидоздың даму қаупі салдарынан сақтықпен қолдану керек.
Гидрохлортиазид қантамырларды тарылтатын аминдердің (мысалы, эпинефриннің (адреналиннің)) ықпалын азайтады.
Гидрохлортиазид, әсіресе йодталған контрасты заттардың үлкен дозаларымен біріктіргенде, бүйрек функциясының жедел жеткіліксіздігінің пайда болу қаупін арттырады.
Циклоспоринмен қатарластыра қолданғанда гиперурикемия және подагра қаупі артуы мүмкін.
Баклофенді, трициклдік антидепрессанттарды немесе нейролептиктерді қатарластыра қолдану гипертензияға қарсы әсердің күшеюіне әкелуі және гипотензияны тудыруы мүмкін.
Айрықша нұсқаулар
Бүйрек артериясының стенозы: Ренин-ангиотензин-альдостерон жүйесіне әсер етуші басқа дәрілік заттар АӨФ тежегіштері сияқты бүйрек артериясының билатералдық стенозы немесе жалғыз бүйрек артериясының стенозы бар науқастарда АЙРА–сановель Плюс қабылдау қан сарысуындағы мочевина және креатинин концентрациясының артуына алып келуі мүмкін. Осыған ұқсас әсер ангиотензин II рецепторларының антагонистерін қолдануда байқалуы мүмкін.
Айналымдағы қан көлемі төмендеуі (АҚК): Бұрын мәлімделгендей, ренин-ангиотензин-альдостерон жүйесіне әсер етуші дәрілік заттарды қолданғанда АҚК айқын азаюы бар науқастарда (мысалы, диуретиктерді жоғары дозаларда қабылдаушы науқастарда) симптоматикалық артериялық гипотензия өрбуі мүмкін. Осыған байланысты, АЙРА–сановель Плюсті қабылдауды бастағанға дейін жай-күйін түзету керек.
Бүйрек жеткіліксіздігі: Осындай жағдайда тиазидтен гөрі, ілмектің диуретиктерді пайдалану дұрысырақ. АЙРА–сановель Плюсті бүйрек жеткіліксіздігі бар науқастарда қолдануда мезгіл-мезгіл калий және креатинин деңгейін бақылау керек.
Бүйрек трансплантациясы: Жуырда бүйрек трансплантациясын өткерген науқастарда АЙРА–сановель Плюсті қолданудың деректері жоқ.
Аорта және митралды клапандар стенозы (обструктивті гипертрофикалық кардиомиопатия): Басқа вазодилататорларды қолданғандағы сияқты, аортаның гемодинамикалық стенозы, митральді клапандар стенозы бар науқастарда немесе обструктивті гипертрофиялық кардиомиопатиямен науқастарда АЙРА–сановель Плюс қолдану жоғары назар аударуды талап етеді.
Бірінші гиперальдостеронизм: Бірінші гиперальдостеронизмі бар науқастар ренин-ангиотензин-альдостеронды жүйеге әсер етуші гипертензияға қарсы препараттарға сезімтал емес. Осыған байланысты аталған науқастарда кандесартан цилексетилін қолдану ұсынылмайды.
Анестезия және хирургиялық араласулар: Ангиотензин II антагонистерін қабылдаушы пациенттерде, анестезия кезінде және хирургиялық араласуларда ренин-ангиотензинды жүйе блокадасы нәтижесінде артериялық гипотензия дамуы мүмкін. Сұйықтықтарды және/немесе вазопрессорларды вена ішіне енгізуді талап ететін ауыр артериялық гипотензия жағдайлары өте сирек анықталуы мүмкін.
Бауыр жеткіліксіздігі: Бауыр функциясы бұзылуы немесе бауырдың үдемелі ауруы бар пациенттерге сұйықтық көлемінің және электролиттік құрамының елеусіз ауытқуы бауыр комасын туындатуы мүмкіндігіне байланысты тиазидтерді сақтықпен қабылдау керек.
Бауыр жеткіліксіздігі бар пациенттерде АЙРА-сановель Плюс қолданудың клиникалық тәжірибесі жоқ.
Су-тұз теңгерімінің бұзылуы: Несеп айдайтын препараттар қабылдаған барлық жағдайлардағы сияқты қан плазмасындағы электролиттерді бақылау керек.
Несеп жүргізетін әсері бар, тиазидтер негізіндегі препараттар кальций иондарының несеппен бірге бөлініп шығуын азайтуға қабілетті және қан плазмасында кальций иондарының концентрацияларын мезгіл-мезгіл және аздап арттыруы мүмкін.
Тиазидтер, оның ішінде гидрохлоротиазид те бар, су-тұз теңгерімінің бұзылуын (гиперкальциемия, гипокалиемия, гипонатриемия, гипомагниемия және гипохлоремиялық алкалоз) туындатуы мүмкін.
Анықталған гиперкальциемия жасырын гиперпаратиреоз белгісі болуы мүмкін. Тиазидті диуретиктерді қолдануды қалқанша безі маңайын зерттеу талдауларының нәтижесін алғанға дейін тоқтата тұру керек.
Гидрохлортиазид калийдің бөлініп шығуын дозаға байланысты арттырады, бұл гипокалиемияға себепші болуы мүмкін. Гидрохлортиазидтің осыған ұқсас әсері, егер оны кандесартан цилексетилімен біріктіріп қолданса, аз білінеді. Гипокалиемия қаупі құрамында тұз төмен сұйықтық қабылдаушы, ГКС немесе АКТГ емдеу курсын қатар өтіп жүрген, бауыр циррозы бар, диурезі ұлғайған пациенттерде жоғары болады
Ренин-ангиотензин-альдостерон жүйесіне әсер етуші препараттарды қолдану тәжірибесі негізінде, АЙРА–сановель Плюсті және калий шығарылуын арттыратын несеп айдайтын дәрілерді параллельді қолдануды құрамында калий бар тағамдық қосымшалар немесе қан плазмасындағы калий құрамын жоғарылатуға ықпалды басқа препараттарды қолданумен компенсациялауға болады.
АЙРА–сановель Плюсті ангиотензин өзгертуші ферментпен немесе ангиотензин ІІ рецепторларының тежегіштерімен бірге қолдану әдетте, егер пациент жүрек функциясының жеткіліксіздігіне немесе бүйрек функциясының жеткіліксіздігіне шалдыққан болса, осындай жағдайлар құжатпен тіркелмеген болса да, гипокалиемияны тудыруы мүмкін.
Тиазидтердің магнийдің бөлініп шығуын арттыратыны көрінді, бұл гипомагниемияны туындатуы мүмкін.
Метаболизмге және эндокриндік жүйеге әсері: Тиазидтермен емдеу қандағы глюкоза деңгейін бұзуы мүмкін. Қант диабеті бар науқастарда гипогликемиялық дәрілердің, оның ішінде инсулиннің дозасын түзету талап етілуі мүмкін. Тиазидті диуретиктер қолдану латентті жүретін қант диабетінің білінуіне дейін жеткізетін гипергликемия дамуына алып келуге ықпалды. Қан плазмасындағы холестериннің және триглицеридтер деңгейінің ұлғаюын тиазидті диуретиктер қолданумен байланыстырады. Алайда құрамында 12,5 мг дозасы бар АЙРА–сановель Плюсті қолданған кезде осындай әсерлердің барынша аз мөлшері байқалды.
Тиазидті диуретиктер қан плазмасындағы несеп қышқылы концентрациясын арттырады және бейімі бар пациенттерде подагра туындауына ықпал етуі мүмкін.
Фотосезімталдығы: Тиазидті диуретиктер қабылдағанда фотосезімталдық реакциялары жағдайлары болғаны туралы хабарламалар болды. Егер емдеу кезінде фотосезімталдық реакциялары туындаса емдеуді тоқтату ұсынылады. Қайта қолдану қажет болған жағдайда дененің осал жерлерін күннен немесе жасанды ультракүлгін сәулеленуден қорғау ұсынылады.
Гидрохлоротиазидті тұтынудың жинақталған дозасы артқанда меланомалық емес тері обырының ( базальды жасуша карциномасы және жалпақжасушалы обыры) дамуының жоғарылауы анықталды. Гидрохлоротиазидтің фотосенсибилизаторлық әсері меланомалық емес тері обырының дамуына себеп болуы мүмкін. Терінің жағдайын үнемі тексеріп, жаңа зақымданулардың пайда болуын және терінің кез-келген күдікті зақымдалуы туралы дереу хабарлау қажет. Күдік тудыратын терінің зақымдалуы дер кезінде, соның ішінде биопсиямен гистологиялық зерттеуді қажет етеді. Анамнезінде меланомалық емес тері обыры бар науқастарға, құрамында гидрохлоротиазиді жоқ басқа препарат тағайындау қажет болуы мүмкін.
Жалпы: Қан тамырлық тонус және бүйрек функциясы тікелей ренин-ангиотензин-альдостерон жүйе белсенділігіне тәуелді (мысалы, созылмалы жүрек жеткіліксіздігі, бүйрек артериясы стенозын қоса, бүйрек ауруы) науқастарда сондай-ақ бұл жүйеге әсер ететін препаратпен емдеу жедел артериялық гипотензияға, азотемияға, олигурияға және өте сирек жедел бүйрек жеткіліксіздігіне әкелуі мүмкін. Ангиотензин II рецепторлары антагонистерін қолдануда байқалатын осыған ұқсас әсерлер АЙРА–сановель Плюсті қабылдағанда байқалмаған. Кез келген басқа да гипертензияға қарсы препарат сияқты, жүректің ишемиялық ауруы және ишемиялық церебральді-қан тамырлық аурулары бар науқастарда АЙРА–сановель Плюс артериялық қысымның қатты төмендеуіне, миокард инфарктысына немесе инсультқа алып келуі мүмкін.
Гидрохлоротиазидке жоғары сезімталдық реакциялары пайда болу ықтималдығы анамнезінде бронх демікпесі, аллергиялық реакциялар бар пациенттерде көбірек; бұл басқа пациенттерде аллергиялық симптоматикалар пайда болуын жоққа шығармайды.
Егде жастағыларда пайдаланылуы: АЙРА–сановель Плюсті қолданудың қауіпсіздігі мен тиімділігінің айырмашылығы байқалмаған.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Гипертензияға қарсы дәрілер қолдану бас айналуын немесе қажу сезімін туындатуы мүмкіндігінен пациенттер көлік басқаруда немесе техникамен жұмыста сақ болуы керек.
Артық дозалануы
Симптомдары: Препаратпен артық дозаланған кезде (672 мг-ға дейінгі кандесартан цилексетилі) пациенттің ауыр зардаптарсыз айығып кеткен жекелеген жағдайлары мәлімделді.
Гидрохлортиазидтің артық дозалануының негізгі біліністері сұйықтық пен электролитерді қатты жоғалту болып табылады. Сондай-ақ бас айналу, АҚ төмендеуі, ауыз ішінің құрғауы, тахикардия, қарыншалық аритмия, седация, есінен тану және бұлшықет құрысулары сияқты симптомдар байқалды.
Емі: АҚ-ның клиникалық тұрғыдан айқын төмендеуі пайда болған кезде симптоматикалық ем жүргізу және пациенттің қандағы pH және электролиттерін бақылау қажет. Пациентті шалқасынан жатқызып, аяғын көтеру керек. Қажет болған кезде айналымдағы қан көлемін, мысалы, вена ішіне натрий хлоридінің изотониялық ерітіндісін құю арқылы, арттырған жөн. Қажет болған жағдайда симптоматикалық дәрілер тағайындалуы мүмкін. Кандесартанның және гидрохлортиазидтің гемодиализдің жәрдемімен шығарылу ықтималдығы аз.
Шығарылу түрі және қаптамасы
ПВХ/ПВДХ үлбірден және алюминий фольгадан жасалған пішінді ұяшықты қаптамада 14 немесе 15 таблеткадан.
2 пішінді қаптамадан (14 таблеткадан) немесе 6 пішінді қаптамадан (15 таблеткадан) медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
25˚С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Дәріханадан босатылу шарттары
Рецепт арқылы
Өндіруші
«Сановель» фармако-индустриалды сауда компаниясы, Түркия
34580 Силиври/Стамбул/Түркия
Тіркеу куәлігінің ұстаушысы
Арвен Илач Санаий ве Тиджарет Аноним Ширкети, Түркия
34460 Истиние-Стамбул/ Түркия
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс жасау деректері (телефон, факс, электрондық пошта)
«Сановель Илач Санаий ве Тиджарет Аноним Ширкети» АҚ филиалы
Қазақстан Республикасы, 050059
Алматы қ-сы, Қажы-Мұқан к-сі, 26А
Телефон: 8 (727) 264 73 05, 8 701 014 1182
Факс: 8 (727) 262 00 12
эл.поштасы: sanovel@mail.ru
Дәріханалар
Дәрілер
Мед. орталықтар
Дәрігерлер
Мед. қызметтер
Онлайн кеңес беру 
