Лизобакт таблеткалар № 30 Өскеменде

Дәрілік затты медициналық

қолдану жөніндегі нұсқаулық (Қосымша парақ)

Саудалық атауы

Лизобакт^®

Халықаралық патенттелмеген атауы

Жоқ

Дәрілік түрі, дозалануы

Соруға арналған таблеткалар

Фармакотерапиялық тобы

Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар.

АТХ коды R02AA20

Қолданылуы

Ойық жараларды қоса, ауыз қуысы мен ауыз-жұтқыншақ шырышты қабығының инфекциялық қабыну ауруларын емдеу (біріктірілген ем құрамында). Бактериялық инфекцияның жалпы клиникалық белгілері кезінде жалпы антибиотиктік емді қарастыру керек.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- препарат компоненттеріне аса жоғары сезімталдық

- 6 жасқа дейінгі балалар.

- тұқым қуалайтын лактоза жақпаушылығы, лактаза тапшылығы немесе глюкоза-галактоза мальабсорбциясы.

Басқа дәрілік препараттармен өзара әрекеттесуі

Лизобакт^® препараты антибиотиктердің, соның ішінде пенициллиннің, хлорамфениколдың, нитрофурантоиннің әсерін күшейтеді, диуретиктердің әсерін күшейтеді, леводопаның белсенділігін бәсеңдетеді. Изониазид, пеницилламин, пиразинамид, иммуносупрессорлар, эстрогендер және пероральді контрацептивтер пиридоксинге қажеттілікті күшейтуі мүмкін (пиридоксинге қатысты антагонистік әсер немесе реналдық экскрецияның ұлғаюы).

Арнайы ескертулер

Жоғары сезімталдық реакциялары пайда болған жағдайда препарат қолдануды тоқтатып, дәрігерге қаралу қажет.

Бактериялық инфекцияның жалпы клиникалық белгілері кезінде жалпы антибиотикпен емді қарастыру керек. Көрсеткіштер 5 күннен артық ұзақ емдеуді ақтамайды, әрі бұл бактериялық немесе зеңдік таралу қаупімен бірге қалыпты ауыз қуысының микробтық флорсыаның теңгерімсіздігіне әкелуі мүмкін.

Жүктілік және лактация кезеңі

Клиникалық деректер жеткіліксіз және бізге қорытынды жасауға мүмкіндік бермейді.

Сондықтан сақтық шарасы ретінде жүктілік кезінде бұл препаратты пайдаланбаған дұрыс.

Лактация

Лизоцимнің емшек сүтіне экскрециясы туралы деректер болмаған кезде, сондай-ақ препараттағы пиридоксиннің көп мөлшеріне байланысты бала емізу кезеңінде бұл препаратпен емдеу жүргізбеген жөн.

Дәрілік заттың көлік құралын немесе қауіптілігі зор механизмдерді басқару қабілетін әсер ету ерекшеліктері.

Әсер етпейді.

Қолдану бойынша ұсынымдар

Препарат жергілікті қолданылады. Лизобакт таблеткаларын тістемей, еріген таблетканы ауызда толық ерігенге дейін барынша ұзағырақ ұстап, баяу сору қажет. 6-12 жастағы балаларға - 1 таблеткадан тәулігіне 4 рет. Ересектер мен 12 жастан асқан балаларға - 2 таблеткадан тәулігіне 3-4 рет. 5 күннен астам симптомдары тұрақты сақталған және/немесе қызба қатар жүрген жағдайда дәрігерге қаралу қажет.

Артық дозаланғанда қабылдануы қажет шаралар

Артық дозалану симптомдарының болу ықтималдығы аз. Терапиялық мөлшерден әлдеқайда жоғары дозаларда қолданғаннан кейін байқалуы мүмкін және жансыздану сезімімен, шаншуды сезінумен, сондай-ақ қол мен аяқ аумағында сезімталдықтың жоғалуымен көрінеді.

Емі: көп сұйықтық ішу (қарқынды диурез).

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Өте сирек

- көпформалы экссудативті эритема.

Жиілігі белгісіз

- ангионевроздық ісіну (Квинке ісінуі)

- есекжем

- бронх түйілуі

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында:

белсенді заттар:

қосымша заттар: лактоза моногидраты, трагакантты шайыр, магний стеараты, натрий сахаринаты, ванилин

* - өндіруге арналған шикізат – жұмыртқа ақуызы

Сыртқы түрінің, иісінің, дәмінің сипаттамасы

Шеттері тегіс, ақ немесе сарғыш-ақ түсті, бір жағында сызығы бар, диаметрі 8 мм жуық дөңгелек пішінді таблеткалар.

Шығарылу түрі және қаптамасы

10 таблеткадан поливинилхлоридтен (ПВХ) және алюминий фольгадан жасалған пішінді ұяшықты қаптамаға салынған.

1 немесе 3 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Сақтау шарттары

30 ºС -ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

Босналек АҚ, Босния мен Герцеговина

71000 Сараево, Юкичев к-сі, 53

Тіркеу куәлігінің ұстаушысы

Босналек АҚ, Босния мен Герцеговина

71000 Сараево, Юкичев к-сі, 53

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Adalan» ЖШС

Тимирязев к-сі 42, 23 пав., 202 кеңсе, 050057 Алматы қ.

Тел. + 727 269 54 59; e-mail: reg@adalan.kz