Дәріханаларды баға бойынша іріктеу үшін “Сүзгі” түймесін, одан әрі “Бағасы бойынша, 1… бастап …” және “Таңдау” деген түймені басыңыз. Дәріханадағы ең төмен баға сіздің алдыңызда. I-teka сервисінің көмегімен үнемдеңіз!
Өскемен қаласында дәрі-дәрмекті тез жеткізу керек пе? Қажетті дәрілерді “Сатып алу” түймесі бойынша кәрзеңкеге салып, “Дәріхананы таңдау” түймесін басып тапсырыс ресімдеңіз, содан соң біздің курьерлеріміз дәрі-дәрмектерді үйге немесе жұмысқа тиімді бағалармен жеткізеді. Дәрілерді жеткізудің орташа бағасы қазіргі сәтте 1500 тг. бастап 2500 тг. дейін (құны тәуліктің уақытынан және дәріхана мен жеткізу мекенжайының ара-қашықтығына байланысты).
Біздің сервис дәрілердің брондауға төлем жасап, ыңғайлы уақытта өзіңіз алып кетуге мүмкіндік береді! Тапсырысты ресімдеген кезде, “Дәріханадан алып кету” түймесін басыңыз, біз сіздің тапсырысыңызды брондап, оны алуға арналған код жібереміз. Маңызды: препараттарды дәріханадан алып кету оның бар екенін дәріхана растағаннан кейін мүмкін болады.
Сайттағы деректер үнемі жаңартылып тұрады. Дәріхананың карточкасында біз бағаның қашан жаңартылғанын көрсетеміз - 2 сағ. бұрын, кеше, 10 мин. бұрын, 5 мин. бұрын, және т.б.
Керек дәріні таппадыңыз ба? Күн сайын біз сайтқа жаңа дәріханалар мен дәріхана жүйелерінің нүктелерін қосамыз. Мысалы, бізден таба аласыздар: Gold medicine дәріханалары, Mega Pharm әлеуметтік дәріханалары, "Алмасат" дәріханалары, "Salamat" дәріханалары, ТБД (Төмен Баға Дәріханалары), Гиппократ және басқалар. Жаңартуларды бақылаңыздар!
🌟 Ең төменгі баға | 890 тг. |
🌟 Орташа бағасы | 1 035 тг. |
🌟 Ең жоғары баға | 1 180 тг. |
🌟 Көбінесе мына баға бойынша сатады | 1 060 тг. |
Халықаралық патенттелмеген атауы | Оксиметазолин |
Қосымша белсенді ингредиенттер | - |
Категория | Мұрын ауруларына арналған дәрі-дәрмектер |
Дәрілік форма | тамшылар |
Доза | 0,05% |
Саны | 10 мл |
Дәріханада шығарылады |
Қазақстан Республикасы Денсаулық сақтау министрлігі «Тауарлар мен көрсетілетін қызметтердің сапасы мен қауіпсіздігін бақылау комитеті» РММ төрағасының 20__ж. «___» ___________ № ______________ бұйрығымен БЕКІТІЛГЕН |
|
|
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Називин®
Халықаралық патенттелмеген атауы
Оксиметазолин
Дәрілік түрі, дозасы
0,05% мұрынға тамызатын дәрі
Респираторлық жүйе. Мұрынға арналған препараттар. Деконгестанттар және жергілікті қолдануға арналған басқа мұрынға арналған препараттар. Симпатомиметиктер, қарапайымдар. Оксиметазолин.
АТХ коды R01AA05
Қолданылуы
ДП ересектерге, 6 жастан асқан балаларға қолдануға болады
Називин препаратының мұрынға тамызатын 0.05% дәрінің емдік әсері 25 секундтан басталады, 12 сағат бойы әсер етеді.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
Қолдану кезіндегі қажетті сақтандыру шаралары
Бұл дәрілік препаратты қауіп пен пайда арақатынасын мұқият өлшегеннен кейін төмендегі жағдайларда қолданған жөн:
- жоғары көзішілік қысымда, әсіресе жабықбұрышты глаукома кезінде;
- жүрек-қантамырдың ауыр аурулары (мысалы, жүректің ишемиялық ауруы) және гипертония кезінде;
- феохромоцитома кезінде;
- зат алмасу бұзылғанда (мысалы, гипертиреоз, қант диабеті);
- простата гиперплазиясында;
- порфирия кезінде;
- моноаминоксидаза тежегіштерімен (MAO тежегіштері) және қан қысымын ықтимал арттыратын басқа да дәрілік препараттармен ем алатын пациенттерге.
Назальды қолдануға арналған тамырды тарылтатын препараттың әсері ұзақ қолданғанда және артық дозаланғанда төмендеуі мүмкін. Осы препараттарды көп пайдалану нәтижесінде төмендегілер туындауы мүмкін:
- мұрынның шырышты қабығының реактивті гиперемиясы (рикошет феномені)
- мұрынның шырышты қабығының созылмалы ісінуі
- мұрынның шырышты қабығының атрофиясы
Називин® мұрынға тамызатын дәрінің құрамындағы консервант (бензалконий хлориді) мұрынның шырышты қабығының ісінуін туындатуы мүмкін, әсіресе ұзақ уақыт қолданғанда. Егер мұндай реакцияға күдік болса (мұрынның үнемі бітеліп қалуы), мүмкіндігінше мұрынға қолдануға арналған консервантсыз препаратты қолдану керек. Егер назальды қолдануға арналған мұндай препараттардың құрамында консервант жоқ препарат болмаса, енгізудің басқа түрін қараған жөн.
Басқа дәрілік препараттармен өзара әрекеттесуі
Транилципроминдік типтегі моноаминоксидаза тежегіштерімен (МАО) және трициклді антидепрессанттармен бір мезгілде қолданылмайды, артериялық қысым жоғарылауы мүмкін.
Тамырды тарылтатын басқа препараттарды (гипертензиялық дәрілер) бірге тағайындау жағымсыз әсерлердің даму қаупін арттырады.
Арнайы ескертулер
Жүктілік немесе лактация
Жүктіліктің бірінші триместрінде осы препаратты қабылдаған әйелдердің шектеулі санынан алынған деректер жүктілік немесе ұрықтың/ нәрестенің денсаулығына әсер етуі мүмкін оксиметазолин әсерінің салдарынан қандай да бір жағымсыз реакциялардың дамығанын көрсетпеді. Жануарларға жүргізілген зерттеулер терапиялық дозалар диапазонынан асатын дозаларға қатысты репродукциялық уыттылығының бар екенін көрсетті. Називин® препаратын мұрынға тамызатын дәріні жүктілік кезінде пайда/қауіп арақатынасын мұқият бағалағаннан кейін қолдану керек. Жүктілік немесе емшек емізу кезеңінде қолданған кезде ұсынылатын дозаны арттырмау керек.
Педиатрияда қолданылуы
Називин®, 0.05% мұрынға тамызатын дәрі 6 жасқа дейінгі балаларға қолданылмауы тиіс.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Називин® препаратын ұзақ уақыт ұсынылған дозалардан артық дозалардан қолданғаннан кейін жүрек-қантамыр жүйесі мен орталық жүйке жүйесіне тигізетін жалпы әсерін жоққа шығаруға болмайды. Мұндай жағдайларда көлік құралын немесе жабдықты басқару қабілеті төмендеуі мүмкін.
Қолдану жөніндегі нұсқаулар
Дозалау режимі
Називин® 0,05% мұрынға тамызатын дәрі назалды қолдануға арналған.
Күніне 2-3 рет, 1-2 тамшыдан 0,05% ерітіндіні мұрынның әрбір жолына тамызу. Називин® мұрынға тамызатын дәрінің бір реттік дозасы күніне 3 реттен артық қабылданбауы тиіс. Називин® мұрынға тамызатын дәріні 5-7 күннен артық қолдануға болмайды. Ұсынылған дозалардан жоғары дозаларды қолдануға болмайды.
Енгізу әдісі мен жолы
Називин®, 0,05% мұрынға тамызатын дәрі ересектер мен 6 жастан асқан балаларға мұрынның әр жолына 1-2 тамшыдан назалды қолдануға арналған.
Артық дозаланғанда қабылдануы қажет шаралар
Артық дозалану назальды немесе кездейсоқ пероральді қолданғанда туындауы мүмкін. Имидазол туындыларынан уыттанғаннан кейінгі клиникалық көрініс диффузиялы болуы мүмкін, себебі гиперреактивті фазалар орталық жүйке жүйесінің, жүрек-қантамыр және өкпе жүйесінің функциясының тежелу фазаларымен кезектесуі мүмкін.
Орталық жүйке жүйесінің стимуляциясы мазасызданумен, қозумен, елестеулермен, құрысулармен көрінеді.
Орталық жүйке жүйесінің тежелуі дене температурасының төмендеуімен, әлсіздікпен, ұйқышылдықпен және комамен көрінеді.
Бұдан әрі байқалатын симптомдар миозды, мидриазды, қызбаны, тершеңдікті, бозаруды, цианозды, жүрек соғуын, тахикардияны, брадикардияны, жүрек аритмиясын, жүректің тоқтауын, гипертонияны, шок гипотензиясын, жүрек айну мен құсуды, тыныс алудың тежелуін және апноэны, психогенді бұзылуларды қамтуы мүмкін.
Әсіресе балаларда артық дозалану көбінесе құрысулар мен кома, брадикардия, апноэ және гипертония немесе гипотония сияқты орталық жүйке жүйесінің басым әсерлерін жиі туындатады.
Қатты артық дозаланғанда стационарлық қарқынды терапия жүргізіледі. Белсендірілген көмірді, натрий сульфатын немесе асқазанды шаюды (көп рет) дереу қолдану қажет, өйткені оксиметазолин тез сіңбеуі мүмкін. Вазопрессорларды қолдануға болмайды. Антидот ретінде селективті емес ɑ-гі
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
Жиілік бойынша мәліметтер:
өте жиі: ≥ 10%, жиі: ≥ 1% о <1/10), жиі емес (≥ 1/1000 - ден < 1/100-ге дейін), сирек (≥ 1/10000-нан < 1/1000-ге дейін), өте сирек (< 1/10000-нан < 1/1000-ге дейін)
Жиі
- мұрынның шырышты қабығының ашытуы және құрғауы, түшкіру
Сирек
- жүрек соғуы, тахикардия, гипертония
Өте сирек
- үрей, ұйқысыздық, шаршағыштық ( ұйқышылдық, седация), бас ауыру, елестеулер (көбінесе балаларда)
- аритмия
- нәрестелер мен сәбилердің апноэсі
- құрысулар (әсіресе балаларда)
Тек сирек/ Жекеленген жағдайларда және т. б.
- әсер ету аяқталғаннан кейін шырышты қабық ісінуінің көбеюі, мұрынның қанауы
- жоғары сезімталдық реакциялары (ангионевроздық ісіну, бөртпе, қышыну)
- тахифилаксия (ұзақ қолданғанда немесе артық дозаланғанда)
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
белсенді зат - оксиметазолин гидрохлориді, 0,5000 мг
қосымша заттар: лимон қышқылы моногидраты, натрий цитраты дигидраты, глицерол (85 %), бензалконий хлориді (50% ерітінді), тазартылған су.
Сыртқы түрінің, иісінің, дәмінің сипаттамасы
Түссізден сәл сарғыш түске дейін мөлдір дерлік ерітінді.
10 мл препараттан пипетка-қақпағы бар қара шыныдан жасалған құтыда.
1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.
Сақтау мерзімі
3 жыл
Алғашқы ашқаннан кейінгі қолдану мерзімі 6 ай.
Жарамдылық мерзімі өткеннен кейін қолдануға болмайды!
25°C-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәліметтер
Софаримекс – Индустрия Кимика э Фармасуэтика, С.А.,
Av. Das Industrias – Alto do Colaride Cacem 2735-213, Португалия
Tel: (+351) 21 432 8200, fax: (+351) 21 432 0109
Тіркеу куәлігінің ұстаушысы
«P&G Health Germany GmbH»
Sulzbacher Штрассе 40
65824 Швальбах-ам-Таунус, Германия
Тел.: 0 61 51/8 56-22 60
Факс: 0 61 51/8 56-22 03
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
Dr. Reddy’s Laboratories Ltd, 050057 Алматы қ., 22 желі к-сі, 45, 8 (727) 3941699; 8 (727) 3941689; 87017633805; факс: 3941294 (110);
e-mail: maira70@mail.ru