Қазақстан Республикасы
Денсаулық сақтау министрлігі
Тауарлар мен көрсетілетін
қызметтердің сапасы мен
қауіпсіздігін бақылау
комитеті төрағасының
2019 ж. «11» қараша
№N024622 бұйрығымен
БЕКІТІЛГЕН
Медициналық мақсаттағы бұйымының медицинада қолдану жөніндегі нұсқаулық
ОРВИ АКТИВ
Медициналық мақсаттағы бұйымның атауы
ОРВИ АКТИВ, мұрынға арналған спрей 30 мл
Бұйымның құрамы мен сипаттамасы
Йота-каррагинан, карбоксиметил бета-глюкан (натрий тұзы), калий монофосфаты мен дифосфаты, ЭДТА-натрий, натрий хлоридінің изотониялық ерітіндісі.
Өндіруші ұйымның атауы және (немесе) тауарлық белгісі
Абботт Лабораториз ГмбХ, Германия
Қолдану саласы
ОРВИ АКТИВ тыныс жолдарының вирустық және бактериялық инфекциясының алдын алуға және оның кешенді емінде қосымша ретінде қолдануға ұсынылған.
ОРВИ АКТИВ төмендегілерге жәрдемдеседі:
- ЖРА, ЖРВИ, тұмау сияқты тыныс жолдары инфекцияларының алдын алу;
- мұрынның шырышты қабатын ұзақ уақыт физиологиялық ылғалдандыру;
- ЖРА, ЖРВИ, тұмау сияқты тыныс жолдарының инфекциясы кезінде жағдайды жеңілдету;
- жіті ринит, жіті катаральды синусит, Шегрен синдромы, мұрынның шырышты қабатының қабыршақтануы сияқты мұрынның шырышты қабатының құрғауымен және ісіп қызаруымен жүретін аурулар кезінде жағдайды жеңілдету;
- синусит, мұрын-жұтқыншақ полипозы, бактериялық немесе зеңдік инфекциясы бар созылмалы ринит сияқты мұрын-жұтқыншақ бөлімінің және мұрынның қосалқы қуыстарының жиі және созылмалы қабыну аурулары кезінде жағдайды жеңілдетеді;
Йота-каррагинан және карбоксиметил бета-глюкан сияқты табиғи текті белсенді компоненттердің арқасында ОРВИ АКТИВ мұрынның шырышты қабығынан вирустары мен артық шырышын кетіріп қана қоймай, сонымен қатар мұрынның шырышты қабығын сыртқы ортаның агрессивті әсерінен қорғайтын жұқа қабат түзеді. ОРВИ АКТИВ вирустар мен бактериялардан кешенді қорғауға, симптомдардың пайда болуы мен ұзақтығын азайтуға жәрдемдеседі, ағзаға жүйелік әсер тигізбейді.
Қолдану тәсілі
Балаларға 3 жастан бастап және ересектерге қолдануға болады.
Жедел распираторлық ауру мен басқа да тыныс жолдарының вирустық инфекцияларының алдын алу ретінде спрейді 3 уақыт мұрын жолына 1 рет бүрку арқылы күнделікті қолданады.
Респираторлық инфекцияның алғашқы белгілерінде, спрейді қажет болғанда әр мұрын жолына 5 ретке дейін бүркуге болады.
Дәрігермен кеңескеннен кейін жүкті әйелдерге және 1 жасқа толған балаларға қолданылуы мүмкін.
- Баллонға бүріккішін орнатыңыз
- Мұрынды тазалаңыз
- Қондырманы абайлап мұрын жолына кіргізіңіз
- Бүріккішті бір немесе бірнеше рет басыңыз
- Осы әрекеттерді екінші мұрын жолына да жасаңыз
- Пайдаланып болғаннан кейін бүріккіштің қондырмасын сабынды сумен тазалап жуып, кептіріңіз.
Шығарылу түрі және қаптамасы
Қорғағыш қалпақшасымен және мұрын аппликаторымен жабдықталған, медициналық қолдану жөніндегі нұсқаулықпен картон қорапшаға салынған көлемі 30 мл алюминий баллон спрейі.
Қысымдағы баллон: пропеллент ретінде ауа қолданылған.
Сақтау шарттары
Жарықтан қорғалған, құрғақ, жылу көзінен алыс жерде, 100С-тан 300С-қа дейінгі температурада сақтау керек.
Жарамдылық мерзімі
36 ай
Жарамдылық мерзімі өткеннен кейін қолданбау керек.
Жарамдылық мерзімінің аяқталу күні тиісті түрде сақталған жабық өнімге ғана қолданылады.
Жарамдылық мерзімінің аяқталу күні картон қаптамасында және баллонда көрсетіледі.
Өндіруші ұйым
BIODUE S.p.A., Италия
Мекенжайы: Via A. Lorenzetti, 3/A - 50028 Tavarnelle V. Pesa – FI, Италия
Өндіруші ұйымның немесе оның өкілдігінің атауы, елі және заңды мекенжайы
Абботт Лабораториз ГмбХ.
Мекенжайы: Freundallee 9 A, 30173 Hannover, Германия
Тұтынушылардан Қазақстан Республикасы аумағында медициналық мақсаттағы бұйымдар бойынша шағымдарды (ұсыныстарды) қабылдайтын ұйымның атауы мен мекенжайы:
«Абботт Қазақстан» ЖШС
050060 Алматы қ., Қазақстан Республикасы
Ходжанов көшесі 92, офис 90
тел.: +7 7272447544, +7 7272447644,
e-mail: pv.kazakhstan@abbott.com
Сақтық (қауіпсіздік шаралары) шаралары
Өнім тек мұрынға қолдануға арналған.
Гигиеналық себептермен және ауру қоздырғыштарын таратпау үшін бір бүріккішті тек бір адам пайдалану керек.
Өнімнің қандай да бір компоненттеріне жоғары сезгіштік немесе үйлеспеушілік болған жағдайларда оны қолданбаңыз.
Өнімді мұрынның шырышты қабығында зақымданулар болмағанда ғана қолданыңыз.
Бір апта қолданғаннан кейін жағдай жақсармаса, дәрігерге қаралған жөн.
Өнім 3 жасқа дейінгі балаларға және жүкті әйелдерге дәрігермен кеңескеннен кейін қолданылуы мүмкін.
Барлық жергілікті қолдануға арналған өнімдер сияқты, бұл өнімді ұзақ пайдалану локальды тітіркенуге немесе жоғары сезгіштікке әкелуі мүмкін; мұндай жағдайда препаратты пайдалануды тоқтатып, дәрігермен кеңесу керек.
Өнімді алғаш ашқанда баллонның бүтіндігі бұзылған және онда зақымдардың болуы анықталса, өнімді қолданбаңыз.
Қаптамада көрсетілген жарамдылық мерзімі өткеннен кейін өнімді қолданбаңыз.
Балалардың көз алдынан аулақ және қолдары жетпейтін жерде сақтау керек.
Медициналық қолдану жөніндегі нұсқаулықты шығару немесе соңғы қайта қарау туралы деректер
Өндіруші– ұйым Италия елінде нұсқаулықты қайта қарау күні наурыз 2015 ж.
белгісі таңбаның үстіне салынады, ол бұйымның Европа Одағының горманизацияланған стандарт ЕО директивасының негізгі талаптарына сәйкес келетінін дәлелдейді. Бұл таңба бұйым тұтынушылардың денсаулығына зиянсыз (қауіпсіз), сонымен қатар, қоршаған ортаға зиянсыз екенін көрсетеді.
Дәріханалар
Дәрілер
Мед. орталықтар
Дәрігерлер
Мед. қызметтер
Онлайн кеңес беру 
