Цефтриаксон инъекцияға арналған ұнтақ 1 гр № 1 - бағасы Ақтауда

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Цефтриаксон

Халықаралық патенттелмеген атауы

Цефтриаксон

Дәрілік түрі, дозалануы

Инъекция үшін ерітінді дайындауға арналған 0,5 г және 1,0 г ұнтақ

Фармакотерапиялық тобы

Жүйелі пайдалануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы басқа бета-лактамды препараттар. Үшінші буын цефалоспориндері. Цефтриаксон.

АТХ коды J01DD04

Қолданылуы

Препарат ересектер мен балалардағы келесі инфекцияларды, соның ішінде мерзіміне жетіп туылған нәрестелерді емдеуге арналған: бактериялық менингит, ауруханалық емес және ауруханалық пневмония, жедел отит, құрсақ қуысының инфекциясы, несеп шығару жолдарының асқынған инфекциялары, сүйектер мен буындардың инфекциялары, тері мен жұмсақ тіндердің асқынған инфекциясы, соз, мерез, бактериялық эндокардит.

Препарат қолданылуы мүмкін:

- ересектерде өкпенің созылмалы обструктивті ауруларының өршуін емдеу үшін;

- ересектер мен балаларда, туғанына 15 күн болған жаңа туған нәрестелерді қоса, ерте (II) және кеш (III) сатыдағы таратылған диссеминацияланған боррелиозды емдеу үшін;

- хирургиялық инфекцияның операция алдындағы профилактикасы үшін;

- бактериялық инфекциямен байланысты болуы мүмкін нейтропения және қызбасы бар пациенттерді емдеу үшін;

- жоғарыда аталған инфекцияларда дамыған бактериемиясы бар пациенттерді емдеуде.

Цефтриаксонды этиологиялық факторлардың ықтимал ауқымы оның әсер ету спектріне сәйкес келмеген кезде басқа бактерияға қарсы дәрілермен бірге тағайындауға болады. Бактерияға қарсы дәрілерді тиісінше қолдану жөніндегі ресми нұсқауларды ескерген жөн.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- цефтриаксонға, басқа цефалоспориндерге аса жоғары сезімталдық

-анамнезіндегі бета-лактамды бактерияға қарсы препараттардың (пенициллиндер, монобактамдар, карбапенемдер) кез келген басқа түріне аса жоғары сезімталдықтың ауыр реакциялары (мысалы, анафилаксиялық реакциялар).

Цефтриаксон қарсы көрсетілімді:

- 41 жасқа дейінгі шала туған нәрестелер (гестациялық мерзім, хронологиялық жас);

- мерзімі жетіп туған жаңа туған нәрестелерде (28 күнге дейін): а) гипербилирубинемия, сарғаю, гипоальбуминемия немесе ацидоз, билирубин байлауының бұзылуы мүмкін жағдайлар болған кезде,

б) егер оларға цефтриаксонның кальций тұзы преципитаттарының түзілу қаупіне байланысты кальцийді немесе құрамында кальций бар ерітінділерді вена ішіне енгізу қажет болса (немесе қажет болуы мүмкін).

* In vitro зерттеулері цефтриаксон билирубинді сарысулық альбуминмен байланыстырудан ығыстыруы мүмкін екенін көрсетті, бұл осындай пациенттерде билирубин энцефалопатиясының қаупін арттырады.

Цефтриаксонды бұлшықет ішіне енгізер алдында, еріткіш ретінде лидокаин қолданылатын кезде, лидокаинге қарсы көрсетілімдерді ескеру керек (Лидокаин дәрілік затты медициналық қолдану жөніндегі нұсқаулықтағы ақпаратты қараңыз). Құрамында лидокаин бар цефтриаксон ерітінділерін вена ішіне енгізуге болмайды.

Қолдану кезінде қажетті сақтандыру шаралары

Цефтриаксонды анамнезінде басқа бета-лактамды антибиотиктерге (пенициллиндер, монобактамдар, карбапенемдер) аса жоғары сезімталдықтың ауыр емес реакцияларын көрсететін пациенттерде сақтықпен қолдану керек.

Егер сізде бауыр мен бүйрек аурулары болса, дәріні қабылдамас бұрын дәрігермен немесе фармацевтпен кеңесіңіз.

Басқа дәрілік препараттармен өзара әрекеттесуі

Амсакрин, ванкомицин, лабеталол, флуконазол және аминогликозидтермен фармацевтикалық түрде үйлеспейді.

In vitro-да хлорамфеникол мен цефтриаксон арасында антагонизм табылды.

Қолдану бойынша ұсынымдар

Дозалау режимі

Доза инфекцияның түріне, орналасқан жеріне және ауырлығына, патогеннің сезімталдығына, пациенттің жасына және бауыр мен бүйрек функциясының жағдайына байланысты.

Төменде келтірілген кестелерде көрсетілген дозалар осы көрсетілімдерде қолдану үшін ұсынылған дозалар болып табылады. Әсіресе ауыр жағдайларда көрсетілген ауқымдардың ең жоғары дозаларын тағайындаудың орындылығын қарастырған жөн.

Ересектер және 12 жастан асқан балалар (дене салмағы ≥50 кг)

* Анықталған бактериемия кезінде келтірілген ауқымының ең жоғары дозалары қарастырылады.

** Препаратты тәулігіне 2 г астам дозада тағайындаған кезде препаратты тәулігіне 2 рет қолдану мүмкіндігі қаралады.

Препаратты енгізудің арнайы режимін талап ететін ересектер мен 12 жастан асқан балаларға (≥50 кг) арналған көрсетілімдер:

Жедел ортаңғы отит: әдетте, препаратты 1-2 г дозада бір рет бұлшықет ішіне енгізу жеткілікті. Шектелген деректер ауыр жағдайларда немесе алдыңғы емнің әсері болмаған кезде 3 күн ішінде тәулігіне 1-2 г дозада цефтриаксонды бұлшықетішілік енгізу тиімді болуы мүмкін екенін көрсетеді.

Хирургиялық инфекциялардың операция алдындағы профилактикасы: операция алдында 2 г дозада бір рет енгізу.

Соз: 0,5 г дозада бір реттік енгізу.

Мерез: ұсынылатын дозалар 0,5 г немесе 1 г күніне бір рет нейросифилис кезінде күніне бір рет 2 г дейін ұлғайтылады, емдеу ұзақтығы 10-14 күн. Мерез кезінде, оның ішінде нейросифилис кезінде дозалау жөніндегі ұсынымдар шектеулі деректерге негізделген. Ұлттық және жергілікті басшылықтарды назарға алу қажет.

Диссеминацияланған Лайм-боррелиоз (ерте (II) және кеш (III) кезең): 2 г дозада тәулігіне бір рет 14-21 күн бойы қолдану керек. Емдеудің ұсынылатын ұзақтығы өзгереді. Ұлттық және жергілікті басшылықтарды назарға алу қажет.

Балаларда қолдану

Нәрестелер, сәбилер және 15 күннен 12 жасқа дейінгі балалар (<50 кг)

* Анықталған бактериемия кезінде келтірілген ауқымының ең жоғары дозалары қарастырылады.

** Тәулігіне 2 г артық дозаны тағайындағанда препаратты тәулігіне 2 рет қолдану мүмкіндігі қарастырылады.

Препаратты енгізудің арнайы режимін талап ететін жаңа туылған нәрестелер, сәбилер және 15 күннен 12 жасқа дейінгі балалар үшін көрсетілімдер (<50 кг)

Жедел ортаңғы отит: әдетте, дәрілік затты кг дене салмағына 50 мг дозада бір рет бұлшықет ішіне енгізу жеткілікті.

Шектелген деректер ауыр жағдайларда немесе алдыңғы емнің әсері болмаған кезде 3 күн ішінде тәулігіне 50 мг/кг дозада цефтриаксонды бұлшықетішілік енгізу тиімді болуы мүмкін екенін көрсетеді.

Хирургиялық инфекциялардың операция алдындағы профилактикасы: операция алдында дене салмағына 50-80 мг/кг дозада бір рет енгізу.

Мерез: тәулігіне бір рет дене салмағына 75-100 мг/кг ұсынылған дозалар, емдеу ұзақтығы 10-14 күн. Мерез кезінде, оның ішінде нейросифилис кезінде дозалау туралы ұсынымдар шектеулі деректерге негізделген. Ұлттық және жергілікті басшылықтарды назарға алу қажет.

Диссеминацияланған Лайм-боррелиоз (ерте (II) және кеш (III) кезең): дене салмағына 50-80 мг/кг дозада тәулігіне бір рет 14-21 күн бойы қолдану керек. Емдеудің ұсынылатын ұзақтығы өзгереді. Ұлттық және жергілікті басшылықтарды назарға алу қажет.

0-14 күндік жаңа туған нәрестелер

Цефтриаксон 41 аптаға дейінгі шала туылған нәрестелерге қарсы көрсетілімді (гестациялық мерзім + хронологиялық жас).

* Анықталған бактериемия кезінде келтірілген ауқымының ең жоғары дозалары қарастырылады. Ең жоғары тәуліктік дозасы кг дене салмағына 50 мг аспауы тиіс.

Препаратты енгізудің арнайы режимін талап ететін 0-14 күндік жаңа туған нәрестелер үшін көрсетілімдер:

Жедел ортаңғы отит: әдетте, дәрілік затты кг дене салмағына 50 мг дозада бір рет бұлшықет ішіне енгізу жеткілікті.

Хирургиялық инъекциялардың операция алдындағы профилактикасы: операция алдында кг дене салмағына 20-50 мг дозада бір рет енгізу.

Мерез: тәулігіне бір рет дене салмағына ұсынылатын 50 мг/кг доза, емдеу ұзақтығы 10-14 күн. Мерез кезінде, оның ішінде нейросифилис кезінде дозалау жөніндегі ұсынымдар шектеулі деректерге негізделген. Ұлттық және жергілікті басшылықтарды назарға алу қажет.

Емнің ұзақтығы: емнің ұзақтығы аурудың ағымына байланысты. Цефтриаксонды қолдануды пациенттің дене температурасы қалыпқа келгеннен немесе қоздырғыштың эрадикациясы расталғаннан кейін 48-72 сағат бойы жалғастыру керек.

Егде жастағы адамдарда қолдану: бүйрек пен бауырдың қалыпты жұмыс істеуі жағдайында егде жастағы пациенттер үшін дозаны түзету қажет емес.

Бауыр функциясы бұзылған пациенттерде қолдану: қолда бар деректер бүйрек функциясы қалыпты болған жағдайда бауыр функциясының жеңіл немесе орташа бұзылуы кезінде цефтриаксон дозасын түзету қажеттілігін көрсетпейді. Бауырдың ауыр жеткіліксіздігі бар пациенттерде препаратты қолдану бойынша зерттеулер жүргізілген жоқ.

Бүйрек функциясы бұзылған пациенттерде қолдану: қолда бар деректер бауыр функциясы бұзылмаған жағдайда бүйрек функциясы бұзылған пациенттерде цефтриаксон дозасын түзету қажеттілігін көрсетпейді. Терминальді бүйрек жеткіліксіздігі жағдайларында (креатинин клиренсі<10 мл/мин) цефтриаксон дозасы тәулігіне 2 г аспауы тиіс. Диализдегі пациенттерде емшарадан кейін препаратты қосымша енгізу талап етілмейді. Цефтриаксон перитонеальді гемодиализ жолымен шығарылмайды. Препараттың қауіпсіздігі мен тиімділігін клиникалық бақылау қажет.

Ауыр бауыр және бүйрек жеткіліксіздігі бар пациенттерде қолдану: ауыр бүйрек және бауыр жеткіліксіздігі бар пациенттерде цефтриаксонды қолдану кезінде препараттың қауіпсіздігі мен тиімділігін клиникалық бақылау қажет.

Енгізу әдісі мен жолы

Цефтриаксонды вена ішіне инфузия түрінде кемінде 30 минут (қолайлы жол), вена ішіне баяу 5 минут бойы немесе бұлшықет ішіне (терең инъекциялар) қолданған жөн.

Вена ішіне сорғалатып енгізуді 5 мин бойы жақсырақ үлкен веналарға жүзеге асырған жөн.

Нәрестелер мен 12 жасқа дейінгі балаларда 50 мг/кг немесе одан да көп вена ішіне енгізу дозаларын инфузия арқылы енгізу керек. Жаңа туған нәрестелерде билирубин энцефалопатиясының ықтимал қаупін азайту үшін инфузияның ұзақтығы 60 минуттан артық болуы керек.

Бұлшықет ішіне енгізу үлкен бұлшықеттерге жүргізілуі керек, бір бұлшықетке 1 г-нан аспауы керек. Цефтриаксонды препаратты вена ішіне енгізу мүмкіндігі болмаған немесе пациент үшін бұлшықет ішіне енгізу жолы қолайлы болған жағдайларда бұлшықет ішіне енгізу керек.

Цефтриаксон жаңа туған нәрестелерге қарсы (= 28 күн) қажет болған жағдайда өкпе мен бүйректе цефтриаксон-кальций преципитаттарының пайда болу қаупіне байланысты кальций препараттарын немесе құрамында кальций бар ерітінділерді енгізуге болмайды.

Цефтриаксонды еріту үшін тұнба түзілу қаупіне байланысты құрамында кальций бар препараттарды (Рингер ерітіндісі, Хартман ерітіндісі) қолдануға болмайды.

Сондай-ақ цефтриаксонның кальций тұздары преципитаттарының пайда болуы препаратты вена ішіне енгізуге арналған бір инфузиялық жүйеде кальций бар ерітінділермен араластырған кезде болуы мүмкін. Сондықтан цефтриаксонды және құрамында кальций бар ерітінділерді араластыруға немесе бір мезгілде қолдануға болмайды.

Хирургиялық инфекциялардың операция алдындағы профилактикасы үшін цефтриаксонды операцияға дейін 30-90 минут бұрын енгізу керек.

Ерітінділерді дайындау.

Бұлшықет ішіне енгізу үшін 1 г инъекция үшін 3,5 мл суда ерітіледі; инъекция глютеальді бұлшықетке терең енгізіледі. Бір бөксеге 1 г артық емес енгізу ұсынылады. Вена ішіне енгізуге арналған концентрациясы: 100 мг/мл. Вена ішіне енгізу үшін 1 г цефтриаксонды инъекцияға арналған 10 мл суда ерітеді. Вена ішіне инфузияға арналған концентрация: 50 мг/мл. Инфузияға ерітінді дайындау үшін 2 г цефтриаксонды 40 мл кальций ионынан бос инфузиялық ерітінділердің бірінде еріту керек: 0,9% натрий хлоридінің ерітіндісі, 0,45% натрий хлоридінің ерітіндісі + 2,5% глюкоза ерітіндісі, 5% немесе 10% глюкоза ерітіндісі, 5% глюкоза ерітіндісіндегі 6% декстран ерітіндісі, 6-10% гидроксиэтилденген крахмал. Мүмкін болатын сәйкессіздікті ескере отырып, құрамында нефтриаксон бар ерітінділерді дайындау кезінде де, енгізу кезінде де басқа антибиотиктері бар ерітінділермен араластыруға болмайды.

Лидокаинді 15 жасқа дейінгі балаларға халықаралық патенттелмеген «Цефтриаксон» атауы бар препараттар үшін еріткіш ретінде пайдалануға тыйым салынады.

Цефтриаксон ерітіндісін вена ішіне енгізу мүмкін болмаған немесе пациент үшін бұлшықет ішіне енгізу жолы қолайлы болған жағдайларда бұлшықет ішіне енгізу керек.

Бұлшықет ішіне енгізу үлкен бұлшықеттерге жүргізілуі керек, бір бұлшықетке 1 г-нан аспауы керек.

2 г асатын дозалар үшін вена ішіне енгізу әдісін қолдану керек.

Лидокаинді еріткіш ретінде пайдаланған кезде алынған цефтриаксон ерітіндісін вена ішіне енгізуге болмайды!

Лидокаинді еріткіш ретінде пайдаланған кезде 15 жастан асқан адамдарда лидокаинге тері ішіне аллергиялық сынама жүргізу ұсынылады.

Лидокаинді ерітінді енгізер алдында еріткіш ретінде пайдаланған кезде пациентте лидокаинді қолдануға қарсы көрсетілімдерді жоққа шығару керек, сондай-ақ анамнезінде лидокаинге аллергиялық реакцияларды ескеру керек.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Цефтриаксон препаратының дозасын және оны енгізу ұзақтығын аурудың түріне, ауырлығына және ағымына байланысты емдеуші дәрігер анықтайды. Цефтриаксонды әдетте дәрігер немесе медбике тағайындайды, өйткені оны енгізу үшін бұлшықет ішіне енгізу немесе тікелей венаға инъекция немесе инфузия арқылы енгізу қажет. Цефтриаксон препаратын қабылдауды тоқтату ниеті болса, кеңес алу үшін емдеуші дәрігерге қаралу керек.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау  керек шаралар

Жиі (≥ 1/100 - <1/10)

Сирек (≥ 1/1000 - <1/100)

Өте сирек (≥ 1/10000 - <1/1000)

белгісіз (қолда бар деректер бойынша бағалау мүмкін емес)

Цефтриаксонға жиі (≥1/10) осындай жағымсыз реакциялар туралы хабарланды: эозинофилия, лейкопения, тромбоцитопения, диарея, бөртпе және бауыр ферменттері концентрациясының жоғарылауы.

Цефтриаксонмен емдеу, әсіресе бүйректің немесе жүйке жүйесінің ауыр аурулары бар егде жастағы пациенттерде сирек сананың төмендеуіне, аномальді қозғалыстарға, қозу мен құрысуларға әкелуі мүмкін.

Инфекциялар: көбінесе жыныс жолдарының микозы. Зеңдерден немесе басқа резистентті микроорганизмдерден туындаған әртүрлі жергілікті суперинфекция сирек орын алуы мүмкін.

Иммундық жүйе тарапынан: өте сирек жоғары сезімталдық реакциялары, анафилаксиялық реакциялар, оның ішінде анафилаксиялық шок, анафилактоидты реакциялар. Белгісіз: Яриш-Герксгеймер реакциясы (JHR)

Жүйке жүйесі тарапынан: Сирек

- бас ауыруы, бас айналу, құрысулар, энцефалопатия.

Қан мен лимфа жүйесі тарапынан: Сирек нейтропения, лейкопения, гранулоцитопения, эозинофилия, тромбоцитопения, анемия (гемолитикалық анемияны қоса). Агранулоцитоз жағдайлары өте сирек байқалды (көбінесе 10 күн емдеуден кейін және 20 г және одан жоғары цефтриаксонның жалпы дозасын қолданғаннан кейін пайда болады). Ұзақ емдеу кезінде қанның көрінісін үнемі бақылау керек.

Ас қорыту жүйесі тарапынан: Стоматит, глоссит, қалыптан тыс нәжіс немесе диарея, жүрек айнуы, құсу, панкреатит (өт жолдарының бітелуінен туындауы мүмкін).

Гепатобилиарлық жүйе тарапынан: Ядролық сарғаю.

Тері мен тері астындағы тіндерден: көбінесе макулопапулезді бөртпе немесе экзантема сияқты аллергиялық тері реакциясы. Сирек есекжем, аллергиялық дерматит, қышыну, ісіну. Өте сирек мультиформалы эритема, Стивенс-Джонсон синдромы, Лайелл синдромы/уытты эпидермальді некролиз. Белгісіз: эозинофилиямен және жүйелік симптомдармен дәрілік реакция (DRESS-синдром),

Несеп шығару жүйесінен: Сирек глюкозурия, гематурия. Өте сирек олигурия. Бүйректегі преципитат, негізінен жоғары тәуліктік дозалармен (тәулігіне 80 мг/кг және одан да көп) немесе 10 г-дан асатын жалпы дозалармен, сондай-ақ дегидратация немесе иммобилизация сияқты басқа да қауіп факторларымен емделген 3 жастан асқан балаларда. Бұл оқиға симптоматикалық немесе асимптоматикалық болуы мүмкін, бүйрек жеткіліксіздігі мен анурияға әкелуі мүмкін. Бүйректе преципитаттың пайда болуы цефтриаксонды қолдануды тоқтатқаннан кейін қайтымды болып табылады.

Жалпы бұзылулар: Сирек қалтырау, пирексия.

Енгізу орнындағы реакциялар: инъекциядан кейін инъекция орнындағы флебит және ауырсыну дамуы мүмкін, оны кем дегенде 2-4 мин бойы баяу инъекциямен азайтуға болады.

Зертханалық зерттеулердің нәтижелеріне әсері: көбінесе протромбиндік уақыттың ұзаруы, қан сарысуындағы креатинин деңгейінің жоғарылауы, коагуляцияның бұзылуы. Өте сирек Кумбс сынағының оң нәтижесі. Басқа антибиотиктер сияқты, цефтриаксон галактоземияға жалған оң нәтиже беруі мүмкін. Жалған оң нәтижелерді несептегі глюкозаны анықтау кезінде де алуға болады, сондықтан цефтриаксонмен емдеу кезінде глюкозурияны тек ферменттік әдіспен анықтау керек.

Кальциймен өзара әрекеттесу

Цефтриаксонмен және құрамында кальций бар препараттармен ем алған шала туған және мерзіміне жетіп туған нәрестелерде (<28 күн жасында) вена ішіне сирек ауыр, ал кейбір жағдайларда өлімге әкелетін жағымсыз реакциялар байқалған. Ашылғаннан кейін олар өкпе мен бүйректе цефтриаксон-кальций тұзының шөгуін анықтады. Жаңа туылған нәрестелерде шөгудің жоғары қаупі қан көлемінің төмендігімен және ересектермен салыстырғанда цефтриаксонның жартылай шығарылу кезеңімен байланысты.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір құтының ішінде:

белсенді зат – цефтриаксон (цефтриаксон натрий тұзы түрінде) – 0,5 г немесе 1,0 г

Сыртқы түрінің, иісінің, дәмінің сипаттамасы

Ақ дерлік немесе сарғыш кристалды ұнтақ.

Шығарылу түрі және қаптамасы

0,5 немесе 1,0 г ұнтақ сыйымдылығы 10 мл құтыда.

Әр құтыға көп бояулы баспаға арналған қағаздан немесе офсеттік қағаздан жасалған заттаңба немесе өздігінен желімделетін заттаңба жапсырылады.

1 құты медициналық қолдану жөніндегі қазақ және орыс тілдеріндегі нұсқаулықпен бірге хром-эрзац картон қорапшаға салынған.

10 құты медициналық қолдану жөніндегі қазақ және орыс тілдеріндегі нұсқаулықпен бірге құтыларды бекітуге арналған картон астары бар целлюлозды немесе полиграфиялық картон қорапшаға салынады.

270 құты (қорапшаға салмай) медициналық қолдану жөніндегі қазақ және орыс тілдеріндегі нұсқаулықтардың тиісті санымен бірге гофрленген картон қорапқа салынған.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы.

Өндіруші туралы мәліметтер

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ., Чапаев к-сі, 64, тел/факс +375(177)734043.

Е-mail: market@borimed.com

Тіркеу куәлігінің ұстаушысы

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ., Чапаев к-сі, 64, тел/факс +375(177)734043.

Е-mail: market@borimed.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта).

Қазақстан Республикасы, 050026. Алматы қ., Нұрмақов к-сі 26/195, 39 пәтер, ЖК «МедФарм», тел/факс: +7 (727) 2911 198, тел.: +7 777 7040709, +7 777 2306494;

Е-mail: pvqa-bzmp-kz@mail.ru