Нуклео ЦМФ форте капсулалар № 30 - бағасы Ақтауда

Дәрілік заттың медициналық қолдану

жөніндегі нұсқаулық

Нуклео Ц.М.Ф. форте

Саудалық атауы

Нуклео Ц.М.Ф. форте

Халықаралық патенттелмеген атауы

Жоқ

Дәрілік түрі

Капсулалар

Құрамы

Бір капсуланың құрамында

белсенді заттар: цитидин 5'- динатрий монофосфаты 5.00, уридин 5'- тринатрий трифосфаты,уридин 5'- динатрий дифосфаты, уридин 5'- динатрий монофосфаты (барлығы) 3.00 (уридин құрамына баламалы) (1.33).

қосымша заттар: лимон қышқылы, натрий цитраты дигидраты, магний стеараты, коллоидты кремнийдің қостотығы, маннитол.

капсуланың құрамы: темірдің қара тотығыЕ172, титанның қостотығы Е171, желатин, индигокармин Е132.

Сипаттамасы

Корпусы сұр түсті, қақпақшасы көк түсті, № 2 қатты желатин капсулалар. Капсуланың ішіндегісі – ақ түсті ұнтақ, гигроскопиялы.

Фармакотерапиялық тобы

Жүйке жүйесі ауруларын емдеуге арналған препараттар. Жүйке жүйесі ауруларын емдеуге арналған басқа препараттар

АТХ коды N07XX

Фармакологиялық қасиеттері

Фармакокинетикасы

Оның фармакокинетикалық қасиеттерінің адамдарға әсер етуі туралы деректер жоқ. Нуклео ЦМФ Форте дәрілік препараты екі нуклеотид: ЦМФ және УТФ астасуын білдіреді. Бұл нуклеотидтер организмде болады. Осы себептен препаратты енгізумен және кәдімгі биологиялық сұйықтықтарға әдеттегі талдау әдістерінің көмегімен сыртқы енгізуге сәйкес мөлшеріне талдауымен белгілі үлгідегі фармакокинетикалық талдау жүргізу қиын, өйткені бұл органикалық мөлшерін сыртқа енгізуден жіктеуге мүмкіндік беретін радиоактивті таңбаланған өнімді енгізуді талап етеді, әрі мұндай әсері этикалық және заң тұрғыдан күмәнді болады. Жануарларға эксперименттік талдаулар плазмадағы ең жоғары концентрациясына ЦМФ үшін де, УТФ үшін де пероральді енгізгеннен кейін 20 минуттан соң жететінін көрсеткен. Жартылай ыдырау кезеңі альфа-таралу фазасында 1,5 бастап 5 сағатқа дейінді құрайды. Бета-фаза таралуына (сыртқа шығарылуына) қатысты жартылай ыдырау кезеңі 8 сағатқа жуықты құрайды. УТФ негізінен уридин түрінде сыртқа шығарылады. ЦМФ бірінші фазада цитозин түрінде, содан соң уридин түрінде сыртқа шығарылады. Дегенмен, радиоактивтілік іздері енгізгеннен кейін 72 сағаттан соң да анықталған, бұл оның организмнің метаболизмдік үдерісіне қосатын үлесін растайды.

Фармакодинамикасы

Нуклео ЦМФ Форте құрамында нуклеотидтер қатары: ШЖЖ (шеткері жүйке жүйесі) ауруларын емдеуде кеңінен пайдаланылатын цитидин монофосфаты (ЦМФ), уридин трифосфаты (УТФ) бар.

Биохимиялық көзқарас тұрғысынан бұл екі компоненттің әсерін мынадай түрде сипаттауға болады: ЦМФ нейрональді жарғақшаны, ең бастысы миелин қабығының негізгі компоненті – сфингомиелинді түзетін липидтер кешенінің синтезіне қатысады. ЦМФ сондай-ақ нуклеин қышқылдарының (ДНҚ және РНҚ) ізашары саналады, олар өз кезегінде жасушалық метаболизмнің (мысалы, ақуыздар синтезінде) негізгі элементтері болып табылады. УТФ гликолипидтер, нейрондық құрылымдар мен миелин қабығының синтезінде, ЦМФ әсерін толықтырып, кофермент ретінде әсер етеді. Мұнымен қоса, ол бұлшықеттің жиырылуы үдерісінде қуат көзі ретінде әрекет етеді. Жалпы алғанда, ЦМФ және УТФ негізінен миелин қабығы мен басқа да жүйке құрылымдарын құрайтын фосфолипидтер мен гликолипидтер синтезіне қатысады. Бұл шеткері жүйке зақымданулары кезіндегі демиелинизацияны реттей отырып, өз кезегінде миелин қабығы регенерациясы үдерісіне ықпал ететін қарқынды метаболизмдік белсенділікке алып келеді. Осылайша, ЦМФ мен УТФ әсерлерінің бірігуі миелин қабығы регенерациясына, жүйке қозуының дұрыс жүруі мен бұлшықет трофикасының қалпына келуіне ықпалын тигізеді. Нуклео Ц.М.Ф.форте организмді жүйке қабықтарын қалыптастыру үшін моносахаридтерді кераминдермен біріктіруге қажетті фосфатты топтармен, және де миелин қабығының негізгі компоненттері – сфингомиелин мен глицерофосфолипидтер құрайтын фосфатидті қышқылдармен қамтамасыз етеді. Осылайша тұрақты трофикалық әсер, аксональді жүйке талшықтарының барынша толық жетілуі мен регенерациясы қамтамасыз етіледі. Осының нәтижесінде қабыну азайып, аксонның зақымданған бөлігінің сезімталдығы дұрысталады, бұл аксональді тасымалданудың қалпына келуіне ықпал етеді.

Қолданылуы

- ишиалгия

- радикулит

- диабеттік полинейропатия

- алкоголдік полиневрит

- белдемелі герпес

- беттік, үштік, қабырға аралық жүйкелер невралгиясы

- люмбаго

Қолдану тәсілі

Нуклео Ц.М.Ф форте ішу арқылы қабылдауға тағайындалады:

Ересектерге: 1- 2 капсуладан күніне 3 рет 1 айдан 3 айға дейін.

Емдеу курсы қажет болғанда 6 айға дейін.

Жағымсыз әсерлері

Сипатталмаған, бірақ препаратты қолдануға байланысты кез келген жағымсыз реакциялар туындаған жағдайда өз дәрігеріңізбен кеңесіңіз.

Қолдануға болмайтын жағдайлар

- препарат компоненттеріне жоғары сезімталдық

- балалар және 18 жасқа дейінгі жасөспірімдер

Дәрілермен өзара әрекеттесуі

Белгісіз

Айрықша нұсқаулар

Жүктілік жәнелактация кезеңі. Қабылдаудың мақсатқа лайықтылығы ықтимал қатерден қабылдаудың артықшылығы асып түсуіне байланысты анықталады

Дәрілік заттың автокөлікті немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Артық дозалануы

Препарат уыттылығының аздығына байланысты артық дозалану мүмкіндігі аз.

Шығарылу түрі және қаптамасы

15 капсуладан поливинилхлоридті үлбірден және алюминий фольгадан жасалған пішінді ұяшықты қаптамаға салынған.

2 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

300С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Феррер Интернасиональ, С.А.,

Гран Виа Карлос III, 94, 08028 Барселона, Испания.

Тіркеу куәлігінің иесі

Феррер Интернасиональ, С.А.,

Гран Виа Карлос III, 94, 08028 Барселона, Испания.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«Феррер Қазақстан» ЖШС

050026. Алматы қ., Мұқанов к-сі, 113 үй, 301 кеңсе.

тел: 3565810, 3565811

моб: 87777158891. эл пошта: gramazanova@ferrer.com