Оспамокс түйіршіктер 125 мг/5 мл 60 мл Астанада

Дәрілік затты медициналық

қолдану жөніндегі нұсқаулық (Қосымша парақ)

Саудалық атауы

Оспамокс®

Халықаралық патенттелмеген атауы

Амоксициллин

Дәрілік түрі, дозасы

Ішке қабылдау үшін суспензия дайындауға арналған 125 мг/5 мл және 250 мг/5 мл ұнтақ

Фармакотерапиялық тобы

Жүйелі қолдануға арналған инфекцияға қарсы препараттар.Жүйелі пайдалануға арналған бактерияға қарсы препараттар. Бактерияға қарсы бета-лактамды препараттар, пенициллиндер. Кең ауқымды әсер ететінпенициллиндер. Амоксициллин.

Қолданылуы

Оспамокс мұндай инфекцияларды емдеуге арналған:

• жедел бактериялық синусит

Оспамокс эндокардит профилактикасына арналған.

Бактерияға қарсы дәрілік препараттарды талапқа сай пайдалануға қатысты ресми нұсқаулар қалтқысыз қадағалануы тиіс.

Қолдануға болмайтын жағдайлар

• пенициллин тобы препараттарының белсенді компоненттеріне немесе препараттың кез келген қосымша компонентіне аса жоғары сезімталдық
• анамнезіндебасқа бета-лактам препараттарына (мысалы, цефалоспориндерге, карбапенемдерге немесе монобактамдарға) аса жоғары сезімталдықтың ауыр реакциясы

Қолдану кезіндегі қажетті сақтандыру шаралары

Амоксициллинмен емдеуді бастамас бұрын анамнезіндеайқаспалы аллергиялық реакция тудыруы ықтимал пенициллиндер мен цефалоспориндерге аса жоғары сезімталдық реакциялары (10%-15%) жоқ екендігіне көз жеткізу маңызды.

Бұл реакциялар анамнезінде бактерияға қарсы бета-лактамды дәрілерге аса жоғары сезімталдығы бар адамдарда жиі байқалады.

Балаларды, оның ішінде шала туған және жаңа туған нәрестелерді емдеу кезінде сақтық танытқан жөн: бүйрек, бауыр функциясын және қан түзу жүйесінің жағдайын бақылау қажет.

Бүйрек жеткіліксіздігі бар пациенттерде амоксициллиннің шығарылуы баяулайды және бұзылу дәрежесіне байланысты жалпы тәуліктік дозаны қысқарту қажеттілігі туындауы мүмкін.

Бүйрек функциясының бұзылуы бар пациенттерде бұзылулардың айқын көріну дәрежесіне байланысты дозаны түзету талап етіледі. Құрысулар бүйрек функциясы бұзылған пациенттерде немесе жоғары доза қабылдаған немесе бейім факторлары (анамнезінде құрысулар, эпилепсия және басқа да бұзылулар) бар пациенттерде пайда болуы мүмкін.

Амоксициллинді ұзақ уақыт қолдану кейбір жағдайларда оған сезімтал емес бактериялар мен зеңдердің өсуіне әкелуі мүмкін. Осыған байланысты пациенттер суперинфекцияның дамуына мұқият мониторинг жүргізуі тиіс.

Анафилаксиялық шок және басқа ауыр аллергиялық реакциялар туралы хабарламалар амоксициллинді пероральді қабылдағаннан кейін өте сирек кездеседі. Мұндай реакция пайда болған кезде шұғыл іс-шаралар кешенін жүргізу қажет: адреналинді вена ішіне енгізу, содан кейін гистаминге қарсы препараттар, айналымдағы қан көлемі орнын толтыру және глюкокортикоидтар енгізу.

Препаратты жоғары дозада қолданған кезде амоксициллинмен туындауы мүмкін кристаллурияныңпрофилактикасы үшін жеткілікті мөлшерде сұйықтықты қолдану қажет. Несепте амоксициллиннің жоғары концентрациясының болуы несеп катетерінде препараттың шөгуін тудыруы мүмкін, сондықтан оны белгілі бір уақыт аралығынан кейін көзбен шолып тексеру керек.

Амоксициллинқолданып емдеу кезінде несепте глюкозаның болуына талдау жүргізгенде глюкозооксидазаныңферментативтік әдістерін қолдану керек, себебі ферментативті емес әдістерді қолдану кезінде жалған оң нәтижелер болуы мүмкін.

Оспамокс вирустық инфекциялары, жеделлимфобласты лейкоз немесе инфекциялық мононуклеоз (терідегі эритематоз бөртпесінің жоғары қаупіне байланысты) бар пациенттерде бактериялық инфекцияларды емдеу үшін қолданылмауы тиіс.

Амоксициллиннің жоғары дозасын қолданғанда бактерияға қарсы басқа дәрілерді қолданған кездегідей қан көрсеткіштерін үнемі бақылап отыру қажет.

Ұзақ ем кезінде ағзалар жүйесінің функциясын, соның ішінде бүйрек, бауыр және қан түзу функциясын үнемі бағалау ұсынылады.

Қан ұюының қажетті деңгейін демеп отыру үшін пероральді антикоагулянттар дозасын түзету қажет.

Қандағы амоксициллин мөлшері жүкті әйелдерде эстрадиолды талдау нәтижелерінің бұрмалануына әкелуі мүмкін.

Плазма мен несептегі амоксициллиннің жоғары деңгейі зертханалық тестерді анықтауға әсер етуі мүмкін.

Пациенттер мұқият бақылауға және қажет болған жағдайда басқа емдікемшараларды (жасанды тыныс алу, оттегі) жүргізуді қажет етеді.

Оспамокс аллергиялық диатез, демікпе, поллиноз және асқазан-ішек жолдарының аурулары (әсіресе антибиотиктерді қолданумен байланысты колит) бар пациенттерде сақтықпен қолданылуы тиіс.

Антибиотик-астасқан колиттің дамуы, амоксициллинді қоса, бактерияға қарсы кез келген препараттарға тән және айқын көріну дәрежесі жағынан орташадан бастап өмірге қауіп төндіруге дейін өзгеруі мүмкін. Сондықтан, диареядан зардап шегетін пациенттерге кез келген антибиотиктерді қолдану кезінде немесе одан кейін препаратты тағайындағанда бұл диагнозды ескеру маңызды. Антибиотик-астасқан колит пайда болған кезде, Оспамокс препаратын қолдануды дереу тоқтату керек. Дәрігердің кеңесінен кейін тиісті терапия тағайындалуытиіс. Бұл жағдайда перистальтиканы төмендететін препараттарды қолдануға болмайды.

Диарея және құсу болатын асқазан-ішек жолы тарапынан ауыр бұзылулар кезінде, осы жай-күйлер оның сіңуін азайтуы мүмкін болғандықтан, Оспамокстықолдануға болмайды. Мұндай пациенттерге амоксициллиннің парентеральді түрін тағайындау ұсынылады.

Емнің басында қызба және пустуламен жайылған эритеманың пайда болуы жедел жайылғанэкзематоздыпустулездің дамуын дәлелдейді,демек, амоксициллинмен емдеуді тоқтату керек.

Лайм ауруын амоксициллинмен емдеген кезде эндотоксикалық шок реакциясы(Яриш-Герксгеймер реакциясы) дамуы мүмкін. Бұл құбылыстар Borreliaburgdorferiспирохетінің жаппай қырылуымен және эндотоксиндердің қанға шығуымен байланысты.

Оспамокс құрамында дайындалған суспензияда (1 өлшегішшприц) 8.50 мгаспартам(125 мг/5 мл және 250 мг/5 мл дозаларға арналған) бар .

Аспартам-фенилаланиннің көзі. Аспартамфенилкетонуриямен (ФКУ), сирек генетикалық аурумен ауыратындар үшін зиянды болуы мүмкін, бұл кезде организмнің осы заттың ыдырауына қабілетсіздігі салдарынан фенилаланинніңжоғары мөлшері байқалады.Фенилкетонуриясы бар гомозиготпациенттерде аспартаммен жеткізілетінфенилаланиннің мөлшері диеталық ережелер есебінеенгізілуі тиіс.

Оспамокс құрамында көзге, теріге және шырышты қабықтарға арналған әлсіз тітіркендіргіш болып табылатын натрий бензоаты бар және жаңа туған нәрестелерде сарғаю қаупін арттыруы мүмкін.

Басқа дәрілік препараттармен өзара әрекеттесуі

Келесі препараттармен бірге пайдалану ұсынылмайды:

Пробенецид

Пробенецид амоксициллиннің өзекшелік секрециясын төмендетеді, бұл Т1/2 және қан плазмасында амоксициллин концентрациясының ұлғаюына әкеледі.

Бактериостатикалық әсер ететін препараттар (тетрациклин қатарындағы антибиотиктер, макролидтер, хлорамфеникол) амоксициллинніңбактерицидтік әсерін бейтараптандыруы мүмкін. Аминогликозидтерді бір мезгілде қолдану мүмкіндігі бар (синергиялық әсер).

Аллопуринол.

Аллопуринолмен бірге қолдану аллергиялық тері реакцияларының дамуына әкелуі мүмкін.

Тетрациклин

Тетрациклинжәнебактериостатикалық әсер ететін басқа препараттар амоксициллиннің бактерицидті әсерін бейтараптандыруы мүмкін.

Дигоксин

Оспамокс емінің аясында дигоксиннің сіңірілуі артуы мүмкін. Дигоксин дозасын түзету қажет.

Антикоагулянттар

Амоксициллин мен антикоагулянттарды бірге қолдану протромбин уақытының ұзаруына байланысты қан кету ықтималдығын арттыруы мүмкін. Антикоагулянттар дозасын түзету қажет. Амоксициллинмен бірге антикоагулянттарды тағайындағанда қанның ұю көрсеткіштерін мониторингілеу талап етіледі.

Метотрексат

Метотрексат пен амоксициллинді бірге қолдану метотрексаттың уыттылық дәрежесін арттыруы ықтимал, бұл өзекшелік бүйрек секрециясының амоксициллинмен бәсекелі тежелуі нәтижесінде болуы мүмкін. Метотрексатты амоксициллинмен бірге тағайындағанда қан сарысуындағы метотрексат концентрациясына мониторинг жүргізу қажет. Амоксициллин метотрексат клиренсін азайтады.

Басқа өзара әрекеттесулер

Қарқынды диурезамоксициллинэлиминациясының жоғарылауы салдарынан қандағы концентрацияның төмендеуіне әкеледі.

Амоксициллинді қолдану аясында несепте глюкозаның болуын анықтау кезінде ферментативтіглюкозооксидаза әдістерін қолдану ұсынылады. Химиялық әдістерді қолдану кезінде несептегі амоксициллиннің жоғары концентрациясы зерттеудің жалған-оң нәтижелеріне себеп болуы мүмкін.

Амоксициллин жүкті әйелдерде несептегі эстриолдың мөлшерін азайтуы мүмкін.

Жоғары концентрациялардаамоксициллин қан сарысуындағы глюкоза деңгейінің нәтижелерін азайтуы мүмкін.

Колориметриялық әдістерді қолданукезіндеамоксициллин ақуызды анықтауға кедергі келтіруі мүмкін.

Арнайы ескертулер

Пенициллинмен емдеу аясында ауыр, кейде өліммен аяқталатын, аса жоғары сезімталдық реакциялары (анафилактоидты және ауыр тері реакцияларын қоса) туралы хабарламалар бар.

Жүктілік және лактация кезеңі

Оспамокс жүктілік кезінде сақтықпен қолданылады. Пайдалану кезінде қағидатты сақтау қажет- ана үшін болжамды пайдасышаранаға төнетін қауіптен аспауы тиіс.

Оспамокс лактация кезеңінде қолданылуы мүмкін. Оспамокс емшек сүтіне өтеді және сирек жағдайларда жаңа туған нәрестелердедиарея және/немесе шырышты қабықта зең шоғырлануының дамуына әкелуі мүмкін. Сондай-ақ жаңа туған нәрестені бактерияға қарсы бета-лактамдыдәрілерге сенсибилизациялау мүмкіндігін ескеру қажет.Лактация кезеңінде қолданғанда емдеу кезінде бала емізуді тоқтата тұру ұсынылады.

Педиатрияда қолдану

Емшектегі балаларда қолдану: ұсынылған дозаны сұйылтпай береді, қабылдағаннан кейін сүт немесе шай беру керек .

Дәрілік заттың көлік құралын немесе қауіптілігі зор механизмдерді басқару қабілетін әсер ету ерекшеліктері

Оспамокс көлік құралын немесе басқа қауіптілігі зор механизмдерді басқару қабілетінеәсер етпейді.

Қолдану бойынша ұсынымдар

Дозалау режимі

Оспамокс препаратын дозалау жас шамасына, дене салмағына, бүйрек функциясының жағдайына, аурудың ауырлығына және инфекцияның шоғырлануына байланысты.

Стандартты дозалау

Ересектер мен балаларға (дене салмағы 40 кг-ден көп): тәуліктік дозасы 2-3 қабылдауға бөлінген 750 мг-ден 3 г дейін.

Балалар (дене салмағы 40 кг-ден төмен): тәуліктік доза – көрсетілімдерге, аурудың ауырлығына және микроорганизмдерге сезімталдыққа қарай, 2-3 қабылдауға бөлінген дене салмағына/тәулігіне 40-90 мг/кг. Ең жоғары тәуліктік дозасы – 3000 мг.

Дене салмағы 40 кг-ден артық балаларға әдетте ересектердегі сияқты доза ұсынылады.

Айрықша нұсқаулар

Егде жастағы пациенттерге дозаны түзету қажет емес.

Бүйрек функциясының бұзылуы

Гемодиализ алатын пациенттер

Амоксициллинді организмнен гемодиализ көмегімен шығаруға болады.

Перитонеальді диализ алатын пациенттерге ұсынылатын доза – тәулігіне бір рет 500 мг.

Бауыр жеткіліксіздігі бар пациенттер

Оспамокс препараты сақтықпен тағайындалады. Бауыр функциясын жүйелі аралықтар арқылы бақылау қажет.

Қолдану тәсілі

Оспамокс препаратын өлшегіш шприц пайдаланып ішке қабылдайды. Өлшегіш шприц қаптамада болады. Қолдануға дайын суспензияны бір стақан сумен ішу керек.

Ас ішу сіңуге ықпалын тигізбейді.

Емшек еметін балаларда қолдану: ұсынылатын дозаны сұйылтпаған күйде береді, қабылдаудан кейін сүт немесе шай берген жөн.

Бұралатын қақпақтың сәл ашылуы құтының қақпағының нығыздалмағанына және құтының тамағына тығыз бекітілгеніне көз жеткізу керек. Егер құтының бүтіндігі бұзылса, Оспамокс препаратын қолдануға болмайды.

Егер суспензияны дайындау алдында құтыда ұнтақ кесектері көрінетін болса, Оспамокс препаратын қолданбаңыз.

Егер дайындалған суспензияның түсі «Сыртқы түрінің, иісінің, дәмінің сипаттамасы» бөлімде көрсетілгеннен өзгеше болса, Оспамокс препаратын қолданбаңыз.

Суспензияны дайындау үшін 56 мл немесе 55 мл салқындатылған қайнаған суды (дозалануына қарай) құтыдағы белгіге дейін құю қажет, құтыны жауып, мұқият шайқау керек. Одан кейін ақтан сәл сарғыш түске дейінсуспензия қолдануға дайын. Әр қолдану алдында құтыны мұқият шайқау керек.

Ішке қабылдау үшін 125 мг/5 мл және 250 мг/5 млсуспензияны дайындау сызбасы:

Тығыз жабылған құтыда сақтау керек.

Емдеу ұзақтығы

Емдеу ұзақтығы инфекция типіне және пациент реакциясына сәйкес анықталады, және әдетте, мүмкіндігінше қысқа болуы керек, бірақ кейбір инфекциялар ұзақ емдеу кезеңін талап етеді.

Артық дозалану жағдайында қабылдау қажет болатын шаралар

Амоксициллин, әдетте, жоғары дозаларды кездейсоқ қабылдағанда да, жедел уытты әсерлерді тудырмайды.

Симптомдары: артық дозалану асқазан-ішек бұзылыстары симптомдарымен, су-электролит теңгерімінің бұзылуымен байқалуы мүмкін. Бүйректіңауыр жеткіліксіздігі бар пациенттерде амоксициллиннің үлкен дозаларымен артық дозалануынефроуыттықжәне кристаллурия белгілерімен қатар жүруі мүмкін.

Емі: амоксициллиннің арнайы антидоты жоқ.

Ем белсендірілген көміренгізуді қамтиды (асқазанды шаю үшін көрсетілімдер, әдетте болмайды) немесе симптоматикалық шаралар. Су-электролиттік теңгерімге ерекше назар аудару керек. Гемодиализ қолданылуы мүмкін.

Дәрілік препаратты қолдану тәсілін түсіндіру үшін медициналық қызметкерге кеңес алуға жүгіну бойынша ұсынымдар

Дәрілік препаратты қолдану тәсілін түсіндіру үшін медициналық қызметкерге кеңес алуға жүгіну ұсынылады.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайдақабылдануы керек шаралар

Жағымсыз әсерлердің жіктелуі: өте жиі (≥1/10), жиі (≥1/100 бастап <1/10 дейін), жиі емес (≥1/1,000 бастап <1/100 дейін), сирек (≥1/10,000 бастап <1/1,000 дейін), өте сирек (<1/10,000), белгісіз (қолда бар деректердің негізінде бағалау мүмкін емес).

Жиі (³ 1% - < 10%)

• асқазан аймағындағы жайсыздық, жүрек айнуы, тәбеттің жоғалуы

Әдетте, аталған әсерлер жеңіл ауырлық дәрежесімен сипатталады және емді жалғастыру шамасына қарай немесе оны тоқтатқаннан кейін өте тез жоғалады, осы асқынулардың жиілігін амоксициллинді тағамдармен бірге қабылдау арқылы азайтуға болады.

• экзантема түріндегі тері реакциялары

Жиі емес (³ 0,1% - < 1%)

• құсу

Типтік қызылша тәрізді экзантема ем басталғаннан бастап 5-11 күні пайда болады. Есекжемдің тез арада дамуы амоксициллинге аллергиялық реакцияны куәландырады және емдеуді тоқтатуды талап етеді.

Сирек (³ 0,01% - < 0,1%)

• эозинофилия және гемолиздік анемия
• көмейдің ісінуі, анафилаксиялық шок

Өте сирек (£ 0,01%)

• қайтымдылейкопения,нейтропения, гранулоцитопения, қайтымды тромбоцитопенияжәнегемолиздіканемия

Құрысулар бүйрек жеткіліксіздігі немесе препараттың жоғары дозасын алатын пациенттерде байқалуы мүмкін.

• антибиотик-астасқан колит, оның ішінде жалған жарғақшалы және геморрагиялық колит, тістердің боялуы, тілді қара түске боялуы

• Яриш-Герксгеймер реакциясы
• асептикалық менингит

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қосымша мәліметтер

Дәрілік препараттың құрамы

5 мл(1 өлшегіш шприц) дайын суспензияның құрамында

белсенді зат - 125.00 мг (146.40 мгамоксициллин тригидраты түрінде) немесе 250.00 мгамоксициллин (287.00 мг амоксициллин тригидраты түрінде),

қосымша заттар:лимон хош иістендіргіші, ұнтақ, шабдалы-өрік хош иістендіргіші, ұнтақ, сусыз лимон қышқылы, натрий бензоаты, аспартам, тальк, сусыз тринатрий цитраты, апельсин хош иістендіргіші, ұнтақ,гуар, кремнийдің тұндырылған қостотығы.

Сыртқы түрінің, иісінің, дәмінің сипаттамасы

Ақтан сәл сарғыш түске дейінгі ақ түсті ұнтақ. Дайындалған суспензия – ақтан сәл сарғыш түске дейін.

Шығарылу түрі және қаптамасы

Балалардың ашып алуынан қорғалған бұралатын қақпағы және жарғақшалы нығыздағышы бар, сыйымдылығы 87±3 мл қоңыр шыны құтыларда 5.10 г (125 мг/5 мл доза үшін) немесе 6.60 г ұнтақ (250 мг/5 мл доза үшін).

1 құтыдан адаптері бар полиэтилен/полипропиленнен жасалған өлшегіш шприцпен және медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау мерзімі

3 жыл

Дайын суспензияны 2 °С-ден 8 °С-ге дейінгі температурада (тоңазытқышта) 14 тәуліктен асырмай сақтау керек.

Жарамдылық мерзімі өткеннен кейін қолдануға болмайды.

Сақтау шарттары

25 ºС-ден аспайтын температурада сақтау керек.

Тығыз жабылған құтыда сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

СандозГмбХ, Австрия

Biochemiestrasse 10, A-6250 Kundl, Austria

Тіркеу куәлігінің ұстаушысы

СандозГмбХ, Австрия

Biochemiestrasse 10, A-6250 Kundl, Austria

+ 386 1 5802111, + 386 1 5683517

info.sandoz@sandoz.com

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«СандозФармасьютикалсд.д.» акционерлік қоғамының Қазақстан Республикасындағы өкілдігі

Қазақстан Республикасы, Алматы қ., 050000, Құрманғазы к-сі 95

Телефон: +7(727) 258 24 47, факс: +7 (727) 244 26 51