Сомазина инъекцияға арналған ерітінді 1000 мг/4 мл № 5 Экибастузе

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Сомазина®

Халықаралық патенттелмеген атауы

Цитиколин

Дәрілік түрі, дозалануы

Бұлшықет ішіне және вена ішіне енгізуге арналған 500 мг және 1000 мг ерітінді

Фармакотерапиялық тобы

Жүйке жүйесі. Психоаналептиктер. Зейін тапшылығы және аса жоғары белсенділік кезінде қолданылатын психостимуляторлар. Басқа психостимуляциялаушы және ноотропты дәрілер. Цитиколин.

АТХ коды N06BX06.

Қолданылуы

- инсульт, жедел фаза және оның неврологиялық салдары, және асқынулар

- мидың жарақаттық зақымдануы (бассүйек-ми жарақаттары) және оның неврологиялық салдары мен асқынулары.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- әсер етуші затқа немесе қосымша заттардың кез келгеніне аса жоғары сезімталдық

- парасимпатикалық жүйке жүйесінің тонусы жоғары пациенттер (кезбе жүйке)

- жүктілік кезеңі және емшек емізу

- 18 жасқа дейінгі балалар мен жасөспірімдер

Қолдану кезіндегі қажетті сақтандыру шаралары

Сипатталмаған.

Басқа дәрілік препараттармен өзара әрекеттесуі

Цитиколин L-Dopa әсерін күшейтеді.

Құрамында меклофеноксат бар дәрілік препараттармен бір мезгілде тағайындауға болмайды.

Арнайы ескертулер

Педиатрияда қолдану

Балаларда қолдану тәжірибесі шектеулі: демек, препарат күтілетін емдік пайдасы кез келген ықтимал қауіптен асып кеткен жағдайларда ғана тағайындалуы мүмкін.

Жүктілік немесе лактация кезінде

Жүкті әйелдерде цитиколинді қолдану туралы ешқандай тиісті мәліметтер жоқ. Препаратты жүктілік кезінде қолдануға болмайды. Препарат күтілетін оң әсер ықтимал қауіптен асып кеткен жағдайда қолданылуы мүмкін.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Қолдану жөніндегі нұсқаулар

Дозалау режимі

Жағдайының ауырлығына байланысты тәулігіне 500 мг-ден 2000 мг-ге дейін (4.0 мл немесе 8.0 мл-ден).

Препаратты бұлшықет ішіне, вена ішіне 3-5 минут бойы баяу немесе вена ішіне

тамшылатып енгізуге болады, енгізілу жылдамдығы минутына 40 – 60 тамшы.

Сомазин® препараты 0,9% натрий хлориді ерітіндісімен, сондай-ақ глюкозаның гипертониялық ерітіндісімен үйлесімді.

Емдеу ұзақтығы аурудың ауырлық дәрежесіне тәуелді және емдеуші дәрігер анықтайды.

Енгізу әдісі мен жолы

Бұлшықет ішіне және вена ішіне енгізу үшін

Қабылдау уақыты көрсетілген қолдану жиілігі

Сипатталмаған.

Емдеу ұзақтығы

Емдеу курсының ұзақтығын емдеуші дәрігер анықтайды

Артық дозаланған жағдайда қабылдануы тиіс шаралар

Артық дозаланған жағдайдар сипатталмаған.

Дәрілік препараттың бір немесе бірнеше дозасын өткізіп алған жағдайда қажетті шаралар

Сипатталмаған

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Дәрілік препаратты қолдану бойынша сұрақтар болған жағдайда емдеуші дәрігерге жүгіну қажет.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Психикалық бұзылулар

Өте сирек: елестеулер

Жүйке жүйесі тарапынан бұзылулар

Өте сирек: бас ауруы, бас айналу

Тамырлы бұзылулар

Өте сирек: артериялық гипертензия, артериялық гипотензия

Респираторлық, торакальді және медиастинальді бұзылулар

Өте сирек: ентігу

Асқазан-ішек бұзылулары

Өте сирек: жүрек айнуы, құсу, кейде - диарея

Тері және теріасты шелі бұзылулары

Өте сирек: гиперемия, есекжем, экзантема, пурпура

Жалпы бұзылулар және енгізу орнындағы бұзылулар

Өте сирек: қалтырау, ісінулер.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

4 мл ерітіндінің құрамында

белсенді зат - 522.5 мг және 1045.0 мг натрий цитиколині

(цитиколин негізіне баламалы 500.0 және 1000.0),

қосымша заттар: 1 М хлорсутек қышқылы немесе 1 М натрий гидроксиді ерітіндісі, инъекцияға арналған су.

Сыртқы түрінің, иісінің, дәмінің сипаттамасы

Мөлдір, түссіз, иіссіз сұйықтық.

Шығарылу түрі және қаптамасы

4 мл препараттан түссіз шыныдан жасалған ампулаларда.

5 ампуладан ПВХ-дан жасалған пішінді ұяшықты қаптамаға салады және 1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

Сақтау мерзімі

Сақтау мерзімі 3 жыл

Жарамдылық мерзімі өткеннен кейін қолдануға болмайды.

Сақтау шарттары

30°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Феррер Интернасиональ, С.А.,

Joan Buscallà 1-9, 08173 Sant Cugat del Vallès, Barcelona, Spain

Хуан Бускалья, 1-9, 08173 Сан-Кугат-дель-Вальес, Барселона, Испания

Тел: +34 93 504 40 00,

факс: +34 93 674 20 72

эл пошта: comunicacion@ferrer.com.

Тіркеу куәлігінің ұстаушысы

Феррер Интернасиональ, С.А.,

Gran Via Carlos III, 94. 08028 Barcelona Spain

Гран Виа Карлос III, 94, 08028 Барселона, Испания.

Тел: +34 93 504 40 00,

факс: +34 93 674 20 72

эл пошта: comunicacion@ferrer.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан. «Феррер Казахстан» ЖШС. 050026. Алматы қ., Мұқанов к-сі, 113 үй, 301 кеңсе.

тел: 3565810, 3565811.

эл пошта: info.ferrer@inbox.ru