Омез Инста ұнтақ 5,9 гр № 5 - бағасы Сатпаев

Нақты қаптама суреттен өзгеше болуы мүмкін
Сәтбаев дәріханалары
  • Жаңарту күні бойынша
  • Қашықтық бойынша
  • Баға: өсу бойынша
  • Баға: кему бойынша
Нәтиже табылмады
Сипаттамалар
Шығару нысаны
ұнтақ
ХБА
Қаптамадағы саны
№ 5
Санат
Дозасы
5,9 гр
Дәріханада сатылады
Рецепт бойынша
Омез Инста ұнтақ 5,9 гр № 5 нұсқаулығы
ұнтақ, № № 5
БЕКІТІЛГЕН
Саудалық атауы

Омез® Инста

Халықаралық патенттелмеген атауы

Омепразол

Дәрілік түрі, дозасы

Ішке қабылдау үшін суспензия дайындауға арналған ұнтақ

Фармакотерапиялық тобы

Ас қорыту жолы және зат алмасу. Қышқылдығы бұзылуымен байланысты ауруларды емдеуге арналған препараттар. Ойық жараға қарсы препараттар және гастроэзофагальді рефлюксті емдеуге арналған препараттар (gastro-oesophageal reflux disease – GORD). Протонды сорғы тежегіштері Омепразол.

АТХ коды А02ВС01

Қолданылуы

- асқазан сөлі қышқылдығының жоғарылығы туындатқан қыжылды емдеу (гиперацидтік)

- гастроэзофагеальді рефлюкс ауруын емдеуде

- АІЖ (асқазан-ішек жолы) ойық жараларын емдеуде

- өңеш ойық жараларын емдеуде немесе профилактикада

Қолдануға болмайтын жағдайлар

- препарат компоненттерінің кез келгеніне аса жоғары сезімталдық

- асқазан-ішек жолының қатерлі ісіктері

- жүктілік және лактация кезеңі

- 18 жасқа дейінгі балалар мен жасөспірімдер

Қолданған кездегі қажетті сақтандыру шаралары

Қолданған кездегі қажетті сақтандыру шаралары жоқ.

Басқа дәрілік препараттармен өзара әрекеттесуі

Омепразолдың басқа да дәрілік препараттармен өзара әрекеттесу мүмкіндігі шектеулі. Омепразол P450 цитохромы жүйесі арқылы бауырда метаболизденеді, сондықтан бауырда, сондай-ақ осы жүйенің қатысуымен метаболизденетін препараттармен бір мезгілде қолданған кезде омепразол олардың шығарылуын төмендетуі мүмкін.

Омепразол диазепам, фенитоин және антикоагулянттардың (варфарин) экскрециясын баяулатады. Антикоагулянттармен қатар қолданған кезде қанның талдауына, протромбиндік уақытты бақылау, омепразолдың дозасын түзету қажет.

Нелфинавир, атазанавир

Нелфинавир мен атазанавирдің плазмадағы деңгейлері оларды омепразолмен бірге қолданған жағдайда азаяды.

Омепразолды нелфинавирмен бірге тағайындауға болмайды. Омепразолды бір мезгілде қолдану (күніне 40 мг бір рет) нелфинавирдің орташа экспозициясын төмендетеді және М8 фармакологиялық белсенді метаболитінің орташа экспозициясы төмендеді. Өзара әрекеттесуіне CYP2C19 тежеуін де кірістіруге болады.

Омепразолды атазанавирмен бірге тағайындау ұсынылмайды.

Омепразолды (тәулігіне 40 мг бір рет) және атазанавирді 300 мг/ритонавирді 100 мг бірге қолдану атазанавир экспозициясының төмендеуіне әкеледі. Атазанавирдің дозасын 400 мг дейін арттыру омепразолдың атазанавир экспозициясына әсерінің орнын толтырған жоқ. Омепразолды (тәулігіне бір рет 20 мг) 400 мг атазанавирмен /100 мг ритонавирмен бірге қабылдау тәулігіне бір реттік 300 мг атазанавирмен / 100 мг ритонавирмен салыстырғанда, атазанавир экспозициясының төмендеуіне алып келді.

Дигоксин

Омепразолмен (тәулігіне 20 мг) және дигоксинмен бірге емдеу дигоксиннің биожетімділігін арттырды. Дигоксиннің уыттылығы туралы сирек хабарланады. Алайда егде жастағы пациенттерде омепразолдың жоғары дозаларын тағайындаған кезде сақтық таныту керек.

Клопидогрел

Омепразолды (тәулігіне 80 мг) және клопидогрельді бірге қосып емдегенде (тәулігіне 300 мг дейін, артынша тәулігіне 75 мг) клопидогрельдің биожетімділігін төмендетеді. Біріктіріп емдегенде пациенттер емдік дозаны реттеулері тиіс.

Обсервациялық және клиникалық зерттеулерде омепразолдың елеулі жүрек-қантамыр асқынулары саласындағы фармакодинамикалық және фармакокинетикалық әсерінің клиникалық көріністеріне қатысты біртекті емес деректер ұсынылған. Сақтық шарасы ретінде омепразол мен клопидогрелді бірге қолдану ұсынылмайды.

Басқа белсенді заттар

Позаконазолдың, эрлотинибтің, кетоконазол мен итраконазолдың сіңірілуі айтарлықтай азаяды және сол арқылы, клиникалық тиімділігі бұзылуы мүмкін. Позаконазол мен эрлотиниб үшін бір мезгілде қолданылуын болдырмау керек.

CYP2C19 метаболизденетін белсенді заттар

Омепразол, омепразолды метаболиздейтін негізгі энзим CYP2C19 орташа тежегіші болып табылады. Осылайша, қатарлас белсенді заттардың, сондай-ақ CYP2C19 арқылы метаболизденетін заттардың метаболизмі төмендеуі мүмкін және ол заттардың жүйелі экспозициясы артуы мүмкін. Мұндай препараттарға R-варфарин және К дәруменінің басқа антагонистері, цилостазол, диазепам және фенитоин мысал бола алады.

Цилостазол

40 мг дозада қабылданған Омепразол цилостазол үшін C max және AUC жоғарылатты.

Фенитоин

Омепразолмен емдеуді бастағаннан кейінгі алғашқы екі апта ішінде плазмадағы фенитоин концентрациясына мониторинг жүргізу ұсынылады, егер фенитоиннің дозасына түзету жүргізілсе, омепразолмен емдеу аяқталғаннан кейін мониторинг және ары қарай дозасын түзету жүргізілуі тиіс.

Саквинавир

Омепразол мен саквинавирді/ритонавирді бірге қолдану АИТВ-инфекциясы бар пациенттердің жақсы көтерімділігіне байланысты, саквинавир үшін плазмадағы деңгейінің артуына алып келді.

Метотрексат

Протонды сорғының тежегіштерімен бірге қолданғанда, кейбір пациенттерде метотрексат деңгейінің жоғарылауы байқалды. Метотрексаттың жоғары дозаларын қабылдайтын пациенттерде омепразолды қабылдауды уақытша тоқтатуды қарау талап етілуі мүмкін.

Такролимус

Омепразолды бірге қолданған кезде такролимустың сарысудағы деңгейлерінің артқаны байқалды. Такролимус концентрацияларына, сондай-ақ бүйрек функциясына (креатинин клиренсі) күшейтілген мониторинг жүргізілуі тиіс, қажет болса такролимустың дозасы түзетіледі.

Басқа белсенді заттардың омепразол фармакокинетикасына әсері

CYP2C19 және/немесе СУР3А4 тежегіштері

Омепразол CYP2C19 және CYP3A4 арқылы метаболизденетіндіктен, CYP2C19 немесе СУР3А4 тежегіштері (кларитромицин және вориконазол сияқты) ретінде белгілі белсенді заттар, оның метаболизмінің жылдамдығын азайтудың есебінен омепразолдың сарысудағы деңгейлерінің артуына алып келуі мүмкін. Вориконазолды бірге қолдану омепразол экспозициясының екі еселенуіне алып келді. Егер омепразолдың жоғары дозалары жақсы көтерімді болған жағдайда, омепразолдың дозасын түзету әдетте қажет емес. Алайда дозасын түзетуді бауырдың ауыр жеткіліксіздігі бар пациенттерде және ұзақ уақыт емдегенде қарастыру керек.

CYP2C19 және/немесе СУР3А4 изоферменттерінің индукторлары

CYP2C19 немесе CYP3A4 немесе екеуінің де индукторлары ретінде белгілі белсенді заттар (рифампицин және шайқурай сияқты), метаболизмінің жылдамдығын арттырудың есебінен, омепразолдың қан сарысудағы деңгейінің төмендеуіне алып келуі мүмкін.

Арнайы ескертулер

Емдеуді бастаудың алдында және аяқтағаннан кейін қатерлі жаңа түзілімді жоққа шығару үшін эндоскопиялық бақылаудан өту міндетті, өйткені Омез®Инста суспензиясымен емдеу ауру белгілерін бүркемелеуі және дұрыс диагностика жасаудың уақытын кешеуілдетуі мүмкін. Омез® Инста суспензиясымен ұзақ емдегенде атрофиялық гастрит пайда болуы мүмкін.

Кез-келген ескерту симптомдары болған кезде (мысалы, дене салмағының едәуір жоғалуы, қайталанатын құсу, жұтынудың қиындауы, қан құсу немесе қарамай тәрізді нәжіс), сондай-ақ асқазанның ойықжара ауруына күмән болғанда немесе диагноз расталған жағдайда, қатерлілігін анықтау керек, себебі ем ауру симптомдарын жасыруы мүмкін.

Емдеуші дәрігерге хабарлау қажет:

  • егер денсаулық жағдайының төменде көрсетілген қандай да бір бұзылулары болса: Барттер синдромы, кальций немесе калийдің төмен деңгейі немесе қышқыл-сілті балансының бұзылуы
  • егер сіз төменде көрсетілген дәрілік препараттардың кез келгенін қабылдасаңыз: атазанавир, клопидогрель, нелфинавир, рифампин, рилпивирин немесе шайқурай
  • егер қандағы қант деңгейі жоғары болса (қант диабеті), қандағы қант деңгейін бақылау керек
  • егер тамақтағы ауыру, кеудедегі ауыру, іштің қатты ауыруы, жұтумен байланысты проблемалар байқалса немесе қара, шайырлы немесе қанды нәжіс, қанмен құсу немесе кофенің қоюына ұқсас құсу сияқты қан аққан ойық жара белгілері болса
  • препаратты емдеуші дәрігер тағайындаған мерзімнен ұзақ қабылдауға болмайды.

Омепразол остеопорозы бар адамдарда жамбас мойны, омыртқалар және білек сүйектерінің сыну ықтималдығын арттыруы мүмкін. Ықтималдығы жоғары дозада немесе бір жылдан астам уақыт қабылдаған кезде, сондай-ақ 50-ден асқан жаста артады.

Остеопороз болған жағдайда сақтықпен қолдану керек.

Остеопороздың даму қаупі бар пациенттер қазіргі клиникалық нұсқауларға сәйкес ем алуы тиіс және D дәрумені мен кальцийдің жеткілікті мөлшерін қабылдауы тиіс.

Препаратты кемінде 3 ай бойы қабылдаған адамдарда сирек жағдайларда магнийдің төмен деңгейі байқалды. Көп жағдайда бұл 1 жыл емделуден кейін болды. Егер препаратты ұзақ уақыт бойы немесе кейбір басқа дәрілік препараттармен бірге қабылдасаңыз, қан талдауын бақылау қажет.

Жеделге жуық терінің қызыл жегісі (Subacute cutaneous lupus erythematosus, SCLE). Протонды сорғы тежегіштері өте сирек SCLE оқиғаларымен байланысты. Егер, әсіресе күн сәулесінің әсеріне ұшыраған тері аумақтарында зақымданулар орын алса, және/немесе егер олар артралгиямен қатар жүрсе, пациентке дереу медициналық көмекке жүгінулері керек, ал емдеуші дәрігерлер омепразол қабылдауды тоқтатуды қарастырулары тиіс. SCLE протонды сорғы тежегіштерін қолданумен ем алғаннан кейін басқа протонды сорғы тежегіштерін қолданған соң SCLE қаупін арттыруы мүмкін.

Препарат C. diff инфекциясынан туындаған диараның ауыр түрінің пайда болу ықтималдығын (Clostridium difficile (CDAD) туындаған диарея) артуы мүмкін. Егер іштің ауыруы немесе құрысуы, өте сұйық немесе сулы нәжіснемесе қан қоспасы бар нәжіс болса, дереу дәрігерге хабарлаңыз.
Өлімге әкелетін ауыр (Стивенс-Джонсон синдромы/уытты эпидермальді некролиз) тері реакциясы пайда болуы мүмкін. Егер қызару, ісіну, терінің қышынуы немесе терінің қабыршақтануы (температураның көтерілуімен немесе онсыз); көздің қызаруы немесе тітіркенуі; аузында, тамақта, мұрында немесе көзде ойық жаралардың түзілуі сияқты белгілер пайда болса, дереу медициналық көмекке жүгініңіз.
Азиялық тектес өкілдері сақтықпен қабылдау керек, жағымсыз әсерлердің пайда болу қаупі көп.
Сирек жағдайларда (мысалы, 3 жылдан астам) препаратпен ұзақ емдеу В 12 дәруменінің төмен деңгейіне әкелді. Мұны организмде қорлары төмен немесе ұзақ емдегенде B12 дәруменінің сіңірілуі төмендеуі бойынша қауіп факторлары бар пациенттерді емдегенде ескеру керек.

Педиатрияда қолдану

Омез®Инста суспензиясын 18 жасқа дейінгі балаларда қолданудың тиімділігі мен қауіпсіздігі зерттелмеген.

Бауыр функциясы бұзылған науқастарда қолдану

Омез бауырда метаболизденеді және бауырының функциясы бұзылған пациенттерде препараттың жартылай шығарылу кезеңі ұзарады, сондықтан мұндай пациенттерде препараттың дозасы төмендетілуге тиіс.

Жүктілік және емшек емізу

Омез®Инстаны жүктілік кезінде пайдасы шаранаға төнетін қауіптен асып кетсе ғана қолданған жөн.
Бұл дәрілік препаратты жүкті әйелдерде қолдану препаратпен байланысты қауіп туралы куәландыратын деректер жоқ.

Емшек емізу

20 мг дозаны ішке қабылдағаннан кейін емшек сүтіндегі омепразолдың ең жоғары концентрациясы ана қанының сарысуындағы ең жоғары концентрацияның 7%-нан кем немесе 200 мл- сүтте шамамен 0,004 мг омепразолды құрады.

Дәрілік препаратты қолдану ұсынылмайды және ана үшін препараттың маңыздылығына сүйене отырып, емшек емізуді тоқтату немесе дәрілік препаратты қабылдауды тоқтату туралы шешім қабылдаған жөн.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлерін ескеріп, көлікті басқарғанда немесе психомоторлық реакциялардың жоғары шапшаңдығын және зейін шоғырландыруды талап ететін басқа да қызмет түрлерімен айналысқанда сақтық шарасын қадағалау керек.

Дозалау режимі

Ересектер мен 18 жастан асқан балаларға арналған.

Көрсеткіші
дәрілік препаратының дозасы, ішке қабылдау үшін суспензия дайындауға арналған ұнтақ
Емдеу ұзақтығы

асқыну фазасындағы он екі елі ішектің ойық жара ауруы

Тәулігіне 20 мг бір рет

4 апта1,2

асқыну фазасындағы асқазанның қатерсіз ойық жарасы

Тәулігіне 40 мг бір рет

4-8 апта

симптоматикалық ГЭРА

Тәулігіне 20 мг бір рет

4 аптаға дейін

қышқыл-жанамалы ГЭРА туындаған эрозиялық эзофагит (ЭЭ)

Тәулігіне 20 мг бір рет

4-8 апта

қышқыл-жанамалы ГЭРА туындаған ЭЭ емделуін қолдау

Тәулігіне 20 мг бір рет

бақыланатын клиникалық зерттеулер 12 аптадан артық жүргізілмеген

1 Пациенттердің көпшілігінде емдеу 4 апта ішінде жүреді. Кейбір пациенттерге қосымша 4 апта ем қажет болуы мүмкін

2 ЭЭ бар пациенттерде 8 аптадан артық қолданылатын дәрілік препаратты қолдану тиімділігі анықталған жоқ. Егер пациентте емнің 8 аптасы ішінде емге жауап байқалмаса, дәрілік препарат емнің тағы 4 аптасына тағайындалуы мүмкін. Егер ЭЭ немесе ГЭРА симптомдарының қайталануы байқалса (мысалы, қыжыл), дәрілік препаратты қосымша 4-8 апталық курстар ішінде тағайындау мүмкіндігін қарастыруға болады.

Дайындау және қолдану тәсілі

Препарат сумен араластыруға және ішке немесе назогастральді (НГ) немесе орогастральді (ОГ) зонд арқылы қабылдауға арналған.

Омез Инста аш қарынға тамақтанудан кемінде бір сағат бұрын қабылданады.

Егер НГ немесе ОГ зонд арқылы қабылдаса, онда препаратты қабылдағанға дейін шамамен 3 сағат бұрын және Омез®Инста препаратын қабылдағаннан кейін 1 сағаттан кейін тамақтандыру керек.

Ішке қабылдау

Пакеттің ішіндегісін 5-10 мл су құйылған шағын ыдысқа салу керек. Пакеттің ішіндегісін судан басқа сұйықтықтармен немесе тамақ өнімдерімен араластырмаңыз. Жақсылап араластырыңыз және бірден ішу керек. Қажет болғанда судың аздаған мөлшерімен ішуге болады.

Назогастральді (НГ) немесе орогастральді (ОГ) зонд арқылы енгізу керек

Катетер типті шприцке 20 мл су құйып және содан кейін пакеттің ішіндегісін қосыңыз. Қолайлы көлемдегі катетер типті шприцті қолданыңыз. Пакеттің ішіндегісін судан басқа сұйықтықтармен немесе тамақ өнімдерімен араластырмаңыз. Ұнтақты еріту үшін шприцті сілку керек.

Дәрілік препаратты назогастральді немесе орогастральді зонд арқылы бірден асқазанға енгізеді. Шприцті тең мөлшерде сумен толтыру керек.

Назогастральді немесе орогастральді зондтан қалғанды сілкіп жуып шаю керек және асқазанға енгізу керек.

Артық дозаланған жағдайда қабылдануы тиіс шаралар

Симптомдары: сананың шатасуы, ұйқышылдық, бас ауыруы, көрудің бұзылуы, тахикардия, ауыздың құрғауы, жүрек айну, қатты терлеу

Емі: асқазанды шаю, белсендірілген көмір қабылдау, симптоматикалық ем.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

Сұрақтар туындаған жағдайда кеңес алу үшін медицина қызметкеріне жүгіну қажет.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Өте жиі

- гипокалиемия, гипергликемия, органонеспецификалық гипомагнемия
- нозокомиальді инфекция
- тромбоцитопения

Жиі

- сұйықтықтың шамадан тыс жүктелуі, гиперкалиемия, гипернатриемия, гипокальциемия, гипогликемия, гипонатриемия, гипофосфатемия, дене салмағының артуы
-жедел респираторлық дистресс-синдромы, тыныс алу жеткіліксіздігі, жөтел, жоғарғы тыныс жолдарының инфекциясы, бронх түйілуі, мұрыннан қан кету, тамақтың ауыруы
- анемия ,агранулоцитоз/ өліммен аяқталған агранулоцитоз, гемолитикалық анемия, лейкоцитоз, лейкопения, нейтропения, панцитопения
- жүрекшелердің жыпылықтауы, брадикардия, шеткері ісіну, гипертензия, артериялық гипотензия, қарыншалық тахикардия, тахикардия, қарыншалық тахикардия, кеудедегі ауырсыну/стенокардия
- іш қату, диарея, асқазан гипокинезиясы, ауыз қуысының кандидозы, іштің ауыруы, қыжыл, метеоризм, жүрек айну, құсу, ауыздың құрғауы, өңеш кандидозы, нәжіс түсінің өзгеруі, тоқ ішектің тітіркенуі, тілдің шырышты қабығының атрофиясы, өліммен аяқталған панкреатит/ панкреатит, стоматит, тәбеттің болмауы
- терінің ойылуы, бөртпе
- гепатоцеллюлярлық/холестаздық/ аралас гепатит, өттің жайылуы, бауыр жеткіліксіздігі/өліммен аяқталған бауыр жеткіліксіздігі, бауыр некрозы/өліммен аяқталған бауыр некрозы, сілтілік фосфатаза, АЛТ, АСТ, гамма-глутамилтрансфераза деңгейінің жеңілден айқын дәрежеге дейін жоғарылауы
- кандидозды инфекция, сепсис
- әдеттен тыс түс көру, озбырлық, қозу, мазасыздық, апатия, сананың шатасуы, депрессия, елестеу, ұйқысыздық, күйгелектік, психиатриялық бұзылулар
- несеп шығару жолдарының инфекциясы, гематурия, микроскопиялық пиурия, протеинурия, тестикулярлық ауырсыну, жиі несеп шығару, несеп шығару жолдарының инфекциясы, интерстициальді нефрит, глюкозурия
- бас ауыруы, бас айналуы, бауыр энцефалопатиясы, парестезия, ұйқышылдық, дәм сезудің бұрмалануы, тремор, вертиго
- арқаның ауыруы, сүйектің сынуы, буындардың ауыруы, аяқ-қолдардың ауыруы, бұлшықет құрысуы, бұлшықет әлсіздігі, миалгия
- алдыңғы ишемиялық оптикалық нейропатия, көрудің бұзылуы, көзге қос көріну, құрғақ көз синдромы, көздің тітіркенуі, көру жүйкесінің атрофиясы, көру жүйкесінің невриті

Жиі емес

- пневмоторакс
- анафилаксиялық шок, анафилаксия, ангионевроздық ісіну, аса жоғары сезімталдық реакциялары
- жедел интерстициальді нефрит, қан сарысуындағы креатинин деңгейінің жоғарылауы, глюкозурия
Сирек
- асқазан түбінің қатерсіз безді полиптері
- тері қызыл жегі, жүйелі қызыл жегі, алопеция, терінің құрғауы, ангионевроздық ісіну, мультиформалы эритема/ауыр мультиформалы эритема, гипергидроз, фотосезімдалдық, қышыну, препараттың бірінші/қайта тағайындаған кездегі пурпура және/немесе петехия, ауыр жайылған тері реакциялары, терінің қабынуы, Стивенс-Джонсон синдромы, уытты эпидермальді некролиз өліммен аяқталатын ТЭН)/ТЭН, есекжем
Өте сирек
- омыртқа бағанының, ортан жілік мойыны, білезік сынықтарының даму қаупі
- гинекомастия
Белгісіз
- Clostridium difficile туындаған диарея,асқазан-ішек жолының жоғарғы бөліктерінен қан кету
- цианокобаламин тапшылығы (В12 дәрумені)

Онкологиялық аурулар

Золлингер-Эллисон синдромы бар пациенттерде препаратты ұзақ уақыт қолданғанда гастродуоденальді карциноидты ісіктердің пайда болуы туралы хабарланды. Бұл жағдай сіз білетіндей, осындай ісіктермен байланысты негізгі жағдайдың көрінісі болуы мүмкін.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

Қосымша мәліметтер

Дәрілік препараттың құрамы

Бір саше-пакеттің ішінде:

белсенді зат – 20 мг омепразол (микрондалған),

қосымша заттар: натрий гидрокарбонаты, ксилитол, сахароза, сукралоза, ксантанды гумми, бұрыш жалбызы хош иістендіргіші

Сыртқы түрінің, иісінің, дәмінің сипаттамасы

Өзіне тән жалбыз иісі бар, ақтан ақ дерлік түске дейінгі ұнтақ.

* Қалпына келтірілген ерітінді: ақтан ақ дерлік түске дейінгі ерітінді.

Шығарылу түрі және қаптамасы

5.9 г препараттан ламинацияланған алюминий фольгадан жасалған саше-пакеттерге салынған.

5 (10, 20 немесе 30) саше-пакеттен медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Сақтау шарттары

Құрғақ, жарықтан қорғалған жерде 25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

Д-р Редди'с Лабораторис Лимитед, Үндістан

Тел: 8(727) 394-13-05; 394-12-94

факс: 8(727)3941294

Тіркеу куәлігінің иесі

Д-р Редди'с Лабораторис Лимитед, Үндістан

Тел: 8(727) 394-13-05; 394-12-94

факс: 8(727)3941294

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Д-р Редди’с Лабораторис Лимитед» компаниясының Қазақстан Республикасындағы өкілдігі: 050057 Алматы қ., 22линия к-сі, 45 тел: 8 (727) 394-13-05; 394-12-94, факс: 8(727)3941294

Аналогтар

Нәтиже табылмады

Сәтбаев қаласында ең тиімді бағаны қалай табуға болады

Дәріханаларды баға бойынша іріктеу үшін “Сүзгі” түймесін, одан әрі “Бағасы бойынша, 1… бастап …” және “Таңдау” деген түймені басыңыз. Дәріханадағы ең төмен баға сіздің алдыңызда. I-teka сервисінің көмегімен үнемдеңіз!

Жеткізу

Сәтбаев қаласында дәрі-дәрмекті тез жеткізу керек пе? Қажетті дәрілерді “Сатып алу” түймесі бойынша кәрзеңкеге салып, “Дәріхананы таңдау” түймесін басып тапсырыс ресімдеңіз, содан соң біздің курьерлеріміз дәрі-дәрмектерді үйге немесе жұмысқа тиімді бағалармен жеткізеді. Дәрілерді жеткізудің орташа бағасы қазіргі сәтте 1500 тг. бастап 2500 тг. дейін (құны тәуліктің уақытынан және дәріхана мен жеткізу мекенжайының ара-қашықтығына байланысты).

Брондау және өзі тасымалдау

Біздің сервис дәрілердің брондауға төлем жасап, ыңғайлы уақытта өзіңіз алып кетуге мүмкіндік береді! Тапсырысты ресімдеген кезде, “Дәріханадан алып кету” түймесін басыңыз, біз сіздің тапсырысыңызды брондап, оны алуға арналған код жібереміз. Маңызды: препараттарды дәріханадан алып кету оның бар екенін дәріхана растағаннан кейін мүмкін болады.

Бағалардың өзектілігі

Сайттағы деректер үнемі жаңартылып тұрады. Дәріхананың карточкасында біз бағаның қашан жаңартылғанын көрсетеміз - 2 сағ. бұрын, кеше, 10 мин. бұрын, 5 мин. бұрын, және т.б.

Керек дәріні таппадыңыз ба? Күн сайын біз сайтқа жаңа дәріханалар мен дәріхана жүйелерінің нүктелерін қосамыз. Мысалы, бізден таба аласыздар: Gold medicine дәріханалары, Mega Pharm әлеуметтік дәріханалары, "Алмасат" дәріханалары, "Salamat" дәріханалары, ТБД (Төмен Баға Дәріханалары), Гиппократ және басқалар. Жаңартуларды бақылаңыздар!

Омез Инста ұнтақ 5,9 гр № 5 басқа қалаларда

Дәріханаларда қолжетімді емес
/